عملية جديده للسمنة لحقوني وعطوني رايكم ترى مافي وقت والخميس بطير انشالله

[احلى بنت بالدنيا]

مساء الخير

ياريت ياحبيبتي تقولين لنا اشكثر ضعفتي الحين عقب 4 شهور

مشكورة

 

[ذابحتهم]

الحمدلله علي السلامه

 

[فطومة الكويتية]

لحمدلله على سلامتج
والله يتمم عليج بصحة وعافية


اشصار عليج الحين؟

 

[sunwater]

مساء الخير
انا اليوم صار لعمليتي 3 شهور و 25 يوم واخر مره وزنت السبت اللي طاف وكان مجمع نزولي ماشالله 23 كيلو ولله الحمد وانشالله بوزن يوم السبت يعني عقب باجر باذن اللله

 

[sunwater]

مرااااحب يعطيكم العافيه بنات
انا الحين اكلمكم عقب 8 شهور و 23 يوم واجمالي نزولي بالوزن ((قولوا ماشالله بليييييييييييييز)) 35 كيلو ولله الحمد
ادعولي الله يتمم علي باقيلي 8 كيلوات على وزني المثالي اللي ابيه الـ 75 ادعولي اوصله على خير يارب

 

[سـما]

ماشاء الله تبارك الله
توصلين الوزن المثالي بصحة وعافية يارب والجميع ان شاء الله

الحين معدتج الملغية شصار عليها؟
شنو وضعها؟

 

[sunwater]

مراااحب شلونكم انشالله بخير
انا الحين وزني صار 80 وباقيلي 5 كيلوات موراضين ينزلون بس الحمدلله الكل لما يشوفني يقولي خلاص وقفي انتي اختفيتي وترى صج بس انا حابه يكون وزني 75 احس احلى
ياريت هالخمس كيلوات ينزلون من بطني وظهر قولوا امين

 

[@شمس الضحى@]

الحمدلله ع سلامتج
بس نزوولج بطئ حددده
واعتقد وزن ال80وااايد عليج تعتبرين متينه !!!

 

[!! Ba6a 7lwa !!]

الحمدلله على السلامه

 

[sunwater]

صباح الخير
هلا حبيبتي شمس الضحى
الله يسلمج ياقلبي وبالنسبه لنزولي بالعكس انا ما اعتبره بطئ لاني سويت العمليه في شهر يناير 2011 ولحد رمضان اللي طاف انا واصله لوزن ال80 ووزني ثبت على جذي يعني لحد رمضان نزلت 38 كيلو وهذا بالنسبه لي انجاز كنت احلم فيه
وبالنسبه لوزني انا اقولج
انا طولي 165 صح يعني وزني المفروض يصير 65 بس انا عظمي عريض ووزني متوزع يعني حتى لما كنت متينه ماكنت برميل لا كان متني متناسق بس كل شي حجمه اكبر من الحين عشان جذي محد كان يعطيني وزن 118 كان الكل يقولي انتي بالكثير فيج 80 /85 وهذا وانا 118 فما بالج الحين
انا وزني 80 بس محد يعطيني هالوزن يعني اكثر وزن يعطوني اياه 70 لان شكلي وزني اقل عشان جذي الكل يقولي خلاص وقفي مابقى شي ينزل فيج بس انا ابي 5 كيلوات لاني خاطري انزلهم من بطني وظهر عشان جذي افكر اني اروح اشفطهم بعياده لاني ماراح اقدر اتحكم فيهم الا بهالطريقه
تحياتي

 

[sunwater]

الله يسلمج حبيبتي بطه حلوه تسلمين يالغلا

 

[المهظومة]

اختي سن ووتر الله يحقق لك اللي تحلمين فيه بصحة وعافيه
ابي اعرف عن تدكيك المعدة اللي هو طي المعدة بالكويت او غير الكويت وجربت من خبرة شخصية امانه تجربتك
واللي يعافيك صار لي سنين افكر بعدين من الخرعة ارد اهون والحين مفاصلي تاكلت
محتارةوواللي يحفظ غاليكم يا خواتي اللي تعرف عن التدكيك الطي تدلني
ربي يجزكم الخير:yaaaaaarb:

 

[sunwater]

اختي سن ووتر الله يحقق لك اللي تحلمين فيه بصحة وعافيه
ابي اعرف عن تدكيك المعدة اللي هو طي المعدة بالكويت او غير الكويت وجربت من خبرة شخصية امانه تجربتك
واللي يعافيك صار لي سنين افكر بعدين من الخرعة ارد اهون والحين مفاصلي تاكلت
محتارةوواللي يحفظ غاليكم يا خواتي اللي تعرف عن التدكيك الطي تدلني
ربي يجزكم الخير:yaaaaaarb:

هلا يا قلبي
حبيبتي انا سويت العمليه في سوريا وطبعا حاليا ما اعتقد في مجال تسوينها هناك نتيجة الاوضاع بس انا جني سمعت انه دكتوري راح لبنان وصار يشتغل هناك فسالي عنه
اسمه انطون حلاق وبالامانه انا استفدت من العمليه وللحيني مستفيده
صج اني اخربط ساعات وامتن بس للحيني ضمن الرنج فاتوكي على الله واستخيري وسمعي كلام الدكاتره شنو يقولون لان اهم ادري بحالتج وشنو اللي تحتاجينه

 

[المهظومة]

رد: رد : عملية جديده للسمنة لحقوني وعطوني رايكم ترى مافي وقت والخميس بطير انشالله

اختي sunwater
شنو اخبار العملية والوزن
خبرينا عن الاكل بعد العملية
متي تقدرين تاكلين اكل عادي
صج تختنق الوحدة لو اكلت لقمه كبيرة او ما مضغتها عدل عدل ؟؟؟
طمنيني
انا صارلي سنتين افكر واتردد واهون ليما الحين صرت ما اقدر اقوم من مكاني
الله يجزيك الخير والسعادة ولا يحرمك اللي تحبين:yaaaaaarb: