عملية تكبير الارداف

[puppet]

العرب يحبون يكبرون كل شي

 

[roseydoll]

رفففععععععععععععععععععععععع

 

[بطوطه]

مرحبا أنا قررت أسوي هالعمليه حشو الاردف بالسيليكون
ورحت عند الدكتور طارق اللي بالعرف
وحددت موعد للعمليه
بنات اردعولي انه الله يقومني بالسلامه وان العمليه تنجح لأنس ماجفت بنات مسوينها

 

[بطوطه]

بنات انا خايفه من التخدير يبي يسوولي تخدير عام
واللي أعرفه انه مخاطره كبيره حيل

وممكن يسبب الوفاه او غيبوبه مثل ماصار للفنانه سعاد نصر

حيل حابه اسويها بس خايفه لأأنه ملكت جمال الأرجنتين سوتها عملية السيليكون وماتت
\أبيكم تشجعوني بنات

 

[qa6wa_q8]

الله يقومج بلسلاامه

 

[***البسبوسه***]

استخيري ترى الامر يخرررررررررررررررررع مو لعبه غير جذي حرام تتكشفين على الطبييب في الاماكن الحساسه وانتي مو مريضه .

 

[خفوق المشاعر]

بنات اللي بيسوون شنو الماده اللي بيحقنون فيها المنطقه وشنو قال لكم الدكتور ؟ بيليز اتمنى حد يفيدني
سمعت ان السيلكون له اضرار ومثل ماقالت وحده ملكه جمال البرازيل توفت بسبب هالعمليه
وحد يقول ياخذون دهون الجسم ويحقنون فيها المنطقه بس اخاف تفش عقب :eh_s(1):

وكم اسعارها عندكم بالكويت ؟؟
قبل كم يوم كنت اسولف مع وحده تقولي عن دكتور في دبي برازيلي اسمه توليدو تقول انه يسوي هالعمليه تقريبا ب 80 الف قوويه موو تحسين الوحده تشتري سياره اصرف خخخ ااذا وحده سمعت عنه خل تقول لنا
ابي اقوله يسوي جسمي مثل جسم كيم كردشيان بالضبط >> فيس يصيح


ناطره ردود البنات

 

[roseydoll]

أول شي أبي اصحح معلومات الأخت بطوطه حبيبتي انااا من الناس إلي أييد عمليه تكبير الأرداف بحشوه السيلكون لأنهاا أهي الطريقه الوحيده المظمونه بنتايج ومالها أثار جانبيه وتعتبر أامنه بالنسبه للوسائل الثانيه لان ماده السيلكون تعتبر اامنه ومالها اضرار ويستخدمونهاا لحشوات الصدر ونتيجتهاا دائمه طول العمر وماتسبب ترهل وتفش مثل الابر وملكه الارجنتين ماتت من ابر السيلكون مووحشوه السيلكون لان بأكثر دول اوربا وامريكا مانعين ابر السيلكون بس يستخدمونها بأمريكا الجنوبيه
والابر مثل الاكوا لفت والجل والفواكهه والدهوون هذي كلها مؤقته وبعد ماترووح بتسير الخلفيه مترهله يعني الواحد بيستانس بنتيجه فتره قصيره وبعدهاا بيلطم علي ويهه وتقدرين تدخلين النت وتبحثين عن صحه معلوماتي واناا اتمني القي دكتور يسويهاا ويكون شاطر بس لوتعطيني خبر عن دكتورج وليش اخترتيه يعني سمعته اوو شنوو وإذاا علي البنج العام ترا كل العمليات يستخدمون البنج العام حتي بالشفط وانتي استخيري قبل وترا سعاد نصر ماتت مقتووله من زوجهاا متفق مع الدكتور شايلين عنها انبوبه التنفس وهم مخدرينها بالبنج واكثر مشاهير اوربا يستخدمون الحشوه لانها الافضل بس بقولج قولي الدكتور يحطلج الحشوه تحت العضل عشان ماتتحرك هذي اخر ماتوصلوو له انهم يحطونها تحت العضل عشان الثبات وبغيت اعرف جم قالج بيسويها لج وشنو الحجم الي قالج عنه وتراا السيلكون له مواصفات فيه المؤقت وفيه الدائم يطلبونه من امريكا واعتقد سعر السيلكون بروحه 300 دينار وهذاا الي اعرفه

 

[roseydoll]

لرفععععععععععععععععععععععععع

 

[بطوطه]

اشكرج روسي على ردج بالنسبه للدكتور هو الدكتور طارق الي بمستشفى العرف وسعر العمليه
1300 من غير المشد والأدويه
في رابط باليوتيوب بحاول انزله ما اعرف الطريقه بس أنا من جفته خفت حيل
فيه وحده كانت مسويه سيلكون والسيلكون خرب داخل ارافها واختلط مع اللحم وكاعد يحاولون يطلعونه
وانتي شنو تنصحينه اسويها ولا لأ
بحاول انزل الرابط وشكرا

 

[roseydoll]

حبيبتي قصدج المقطع الي كانت تحرك السيلكون بيدها هذي خطأ من دكتورها لانه حطه تحت الجلد والمفرووض يكون تحت العضل ادخلي باليوتيوب وشووفي المشاهير وصورهم الي مسوين السيلكون اكتبي silicon buttock وانتي شوفي انا انصحج بعد ماتختارين الدكتور الشاطر بس انتي ليش اخترتي الدكتور طارق بالذات وهذي العمليه اامن من الطرق الثانيه وهي الدائمه والاكيده وبأوربا مايعترفون الا فيهااا

 

[ام زين العابدين]

قل لا يصيبنا الا ما كتب الله لنا

 

[sozeeta]

سؤال للمهتمات بالعملية هذي : هل الحفر والغمازات ( سيلوليت ) التي على المؤخرة تختفي بعد العملية ؟ ما ادري ليش حسيت انها مع شد الجلد يمكن تختفي ، لا تنسوا تسألوا طبيبكم عن هالشي قبل العملية .

 

[roseydoll]

تخف بس ماترووح نهائي علي حسب شكثر فيه سلوليت

 

[بطوطه]

بنات انا امس باليل كلمت الدكتور وأتفقنا انا اسوي العمليه الاسبوع الجاي بس أنا سألته وايد أسأله قالي اذا انتي متردده ما لاا داعي

بتعمليها

بسوي بحث مني لي الاسبوع الجاي بعدها بقرر القرار النهائي

أنا بكون اول وحده من رابطتنا الي بتسوي العمليه

والله ينورلي أنشالله

روسي أنا اخترت الدكتور طارق لأنه انسان متواضع وسمعته حلوه أنا سألت عنه ومدحولياه
ولأنه رحسيت سعره زين 1300 في دكاتره اغلى
بس
.....

 

[roseydoll]

يالله يوفقج وتسوينها وتهنين بنتيجه بس ماقلتي لي هووو شنوو نوعيه السيلكون الي بيحطهاا لج دائم مايتغير وحجمه شنوو وبيحطهاا تحت العضل وشنوو النتيجه النهائيه بتكون يعني مثل كيم كرديشان بس امانه لاتنسيني والله لدعيلج بقلب الغيب دووم ابي اعرف النتايج بعد العمليه ولووو علي الخاص لان اذاا ارتحتي لدكتور وكان شغله عدل انا بروح بعدج لاني ناويه عليهاا من مده طويله

 

[عطر البوادي]

بطوطه سألي أكثر عن السيليكون وخاصة الآثار الجانبية
والله يسهل عليج ياااااااااااااااااااارب

 

[roseydoll]

اب اب بنتظار الجديد

 

[سعوديةكويتية]

يابنات الله يستر عليج ياللي بتسوين العمليه ويقومج بالسلامة وباحلى نتيجة
بس انا سمعت ان يحطون سيلكون فارغ
ويتم حقن السيلكون وحشوه ونفخه حتى يصل الى المقاس المطلوب
مثل عمليات الصدر تختارين المقاس اللي تبين
تلقين برابط بالقوقل هالكلام موضوع طبي
والسعر جدا معقول اللي عطاج اياه هالدكتور؟ اذا النتيجة زينه
لكن وحده اعرفها كبرت حقن دهون ونزلت في فخوذها والحين رايحة تسحب الدهون.. تعذبت الله يعينها
بس مدري منو دكتورها.. بس اسالي دكتورج احد سواها قبلج..؟ الله يستر عليج
بلغينا بانتظار النتايج ياحلوة

 

[زبدة ككاو]

بنــآت معــآكم
امدحــولي عــآدل قطينــه
شــرايكم ..؟!