عملية تقويم الأنف بالكويت

[sweet and sour]

السلام عليكم بنات أبي أسوي تجميل حق خشمي و محتـــــــــــــــــارة حدي أبي دكتور شاطر بالكويت أبي أحد صج يكون موثوق فيه سمعت إن د. عبدالمحسن جعفر شاطر وايد و سمعت عن د. عادل القطينة و كوزموسيرج بعد يمدحونهم بس ماشفت أحد شخصيا مجربهم بليز بنات فيدوني منو مجربهم :gr4uu:

 

[foshia84]

للرفع

 

[you 2]

انا سويت عند عبد المحسن جعفر خوش دكتور وفاهم شغله وخشمي صارلي مسويته 3 سنين حلو وما احد مايثني عليه

 

[sweet and sour]

شنو يعني للرفع ؟ وايد أشوفها

حبيبتي يو 2 مشكور على الرد بسئلج صج يقولون إن يترك أثر مكان الجرح اللي يفتح منه الخشم ؟؟؟ مادري مترددة بس الأكيـــــد إني لازم اسوي التجميل خلال هالفترة

أحد سامع عن د. منذر العجمي ؟؟؟ أو عيادة كوزموسيرج بليز بنااااااااااات بليز اللي دشت و عندها معلومات بليز لا تبخل علي

 

[حكاية شهرزاد]

انا مسوية خشمي 4 مرات

مافي اثر بره .. عملية تجميل الخشم كله الشغل من داخل .. من بره مرات تشوفون حق تعديل الارنبه عند الجوانب ..

بس الشغل الرئيسي كله داخل ..

 

[you 2]

حبيبتي سويت منو قالج في اثر ابد ماكو شي والله منذر انا سامعه عنه انه زين والحين قاعده استفتي البنات بروحله عندي الحاجز الانفي ملتف عاليسار وانتي شوفي ترى كل دكتور وذوقه في بعظهم يسويلج خشم بعيد عن تقاسيم ويهج كله ومو لايق ديري بالج اختي انا جربت عبدالمحسن صراحه يعرف ينسق الويه بس غالي

 

[lujain-q8]

شنو يعني للرفع ؟ وايد أشوفها

:dddds: ضحكتيني تذكرت نفسي اول ما اشتركت بالمنتديات
كله اشوف كلمه اب واب شالسالفه عبالي بس يبون يزيدون مشاركاتهم
طلع انهم يكتبون هالكلمه علشان يرفعون موضوعك لاول صفحه حتى اول ماندش القسم نشوف موضوعك بويهنا

 

[sweet and sour]

هههههههه ضحكتيني لجين حسستيني إني عليمية

مشكورين عالرد آنا حدددددي متشوقة بسوي 100% و الحين عقب الاستفسارات و السيرج القوي قررت أسويها يا إما عند كوزموسيرج د. غابرييل صعب أو بإيران عند د. لطفي زاده يااااااااااا ريت إذا في وحدة عندها معلومات عنهم تفيدني .. عبدالمحسن جعفر واااااااااايد غالي شدعوة 2400 تووو مج جنه ؟ وراي كود شغلات مادري أرقع شنو وإلا شنو .. لووول اللي يقرا يقول شاذية أكيد مبتلشة بعمرها وعليه

 

[عبير محمد]

شوفى بقولج شى التجميل بكويت زين بس تبين اسوين خشمج وانتى مرتاحة روحى لبنان انا تونى رادة من لبنان صارلى اسبوع امسوية خشمى عند دكتور ايلي غاريوس بسن الفيل وهوا روووووووووووووووعة ودكتور ذووووووووق على مستوااا راقى والتجميل عنده يصل لدرجة الاولى بالاتقان والتقدمـ مو هنى بس نفخ مخلين اخدودنا جنهم تاير سيارة وثانى شى اسعارة روعة وجيدة مو هنى فوق الألفين:ggdw: ويمكن يعجب ولا لا المهم هذى نصيحتى راح انزل موضوعى عن قريب عن البروفيسير((الدكتور ايلي غاريوس)) وراح اشوفون شلون التجميل عندة مع عرض الصور اللى عندى واعتقد راح يصير اقوى موضوع بالمنتدا انظرونى عبير محمد

 

[lujain-q8]

شوفى بقولج شى التجميل بكويت زين بس تبين اسوين خشمج وانتى مرتاحة روحى لبنان انا تونى رادة من لبنان صارلى اسبوع امسوية خشمى عند دكتور ايلي غاريوس بسن الفيل

عطينا الرقم لحقيناااااا مافيني صبر
انا خشمي زين بس ابيه احلى او بيرفكت مثل مايقولون اشرايج يسوواي خشمي اذا مافي شي اصلا؟؟