عملية تجميل الانف , منو افضل عبدالمحسن جعفر و لا مندر العجمي ؟؟ بنات الي مجربه تقول

[بسمة تفاؤل]

سلام بنات بليز اي اسوي خشمي و مو عارفه منو احسن دكتور عبدالمحسن جعفر ولا دكتو مندر العجمي ؟


ابي الي مسويه عمليه عند اي واحد فيهم تقولي بليييييييييييييييييييييييييييييييييييييييييييييييييز بنات ابي الي مسويه او شافت احد

مسوي و ما ابي احد سامع لا ابس احد شايف

انا رحت حق عبالمحسن بس ما ادري حسيت انه استغلالي و وايد يمدح في نفسه ؟؟؟؟ قالي العمليه 2400من غير

المراجعات و مو مشكله الفلوس بس المشكله البنات يدموووووووووووونه و ناس تمدحه


عفيه بنات قولولي



مشكورين

 

[غلويه الخالدي]

مرحبا ..... الصراحه انا شفت خشمي رفيجتي وااااااااااااااااااااااااااااااااايد حلو مسويته عند مااجد تقي اهو وااايد شاطر وشغله مضبوط يعني البنت صرات احلا بواااايد ماشاء الله عليها والتكلفه كانت 1500او 1700 بس عفيه عليه انصحج فيه

 

[بسمة تفاؤل]

مشكوره حبيبتي بس انا ابي مندر او عبدالمحسن

 

[ام اللقافه]

انا مسويه عمليتي عند منذر
احسه فاهم و ما يفكر بالفلوس
بس للحين ماعرف النتيجه لان خشمي ملزق

اهوه ياخذ 800
والمستشفى خذوا 350
والتحاليل 30 < تقدرين تحللين بحكومه ما ياخذون منج فلوس

 

[شيري]

يعني مندر احسن؟

 

[ام اللقافه]

ماقدر اقول ان منذر احسن لاني ماعرف عبدالمحسن

لو وحده مسويه عنده خل تقولكم و انتوا قارنوا بينهم

 

[بسمة تفاؤل]

ما ابي الاحسن انا ابي تجارب عشان اقرر وشكرا

 

[NOOOR]

انا مسويه عند خالد الصبيح صراحه خشمي عجيب وحتى لو رحتي عبادته تشوفين المراجعين وايد مسووين عنده وانتي على راحتج

 

[Turquoiseya]

2400 دينار وااااجد على عملية الخشم

استخيري حبوبة وماعندي فكرة منو الاحسن
بس من زمان كنت اتصفح المنتدى وكذا بنت ذمت عبدالمحسن

 

[صاحبـ السمو ـة]

انا ماخذة موعد عند منذر العجمي
ومادري حسيت من تجااارب البنااات ان زين
وتوكلت ع الله

 

[ام اللقافه]

انا رحت له اليوم عشان يشيل الثقل اللي على خشمي مع الغرز
قالي تبين تشوفين خشمج !! بس ترى متفوخ مو شكله النهائي
قلت له لا مابي اشوفه
بس عقب ما حط لي اللزقه وشفته
حسيت بالفرق بين قبل والحين
وقالي بعد راح يصغر اكثر

مادري بس انا وايد مرتاحه لدكتور منذر

و ترى تجاربنا ماراح تفيدج ،، بالاخر استخيري ربج
واذا كان خيره راح يتيسر واذا مو خيره راح يصير شي يمنعج

 

[*عاشقه الورد*]

ماكو غير جمال الحربي بس بطل عمليات يقولون

الصراحه من كلام البنات هني وااايد يمدحون منذر وانا بنت خالي مسويه خشمها عنده تقريبا صارلها شهر والله خشمهاااا روووعه وشغله احسه مرتب ونظيف لا كدمات وااايد مرتاحه من العمليه واحس انه شاطر ...


اما عبدالمحسن للامانه مو شايفه شغله

 

[^-^قطــــــوه^-^]

والله عبد المحسن نصاااب خالتي سوت عنده ولعب في خشمها لعب والله مابالغ وحتى الفتيل اللي يحطونها بعد العمليه
يوم شالتها عنده بغت تمووووووووت من العوار ..

ورت سوت عمليه بعدها عند لاري يووم شافها قالها شنو الجزااار هذا اللي سواالج لاعب في خشمج لعب...

فانا انصحج بمنذر احسه احسن من كلام الينات
وعبدالمحسن واااايد اللي ذموووه

 

[ام اللقافه]

ماكو غير جمال الحربي بس بطل عمليات يقولون

الصراحه من كلام البنات هني وااايد يمدحون منذر وانا بنت خالي مسويه خشمها عنده تقريبا صارلها شهر والله خشمهاااا روووعه وشغله احسه مرتب ونظيف لا كدمات وااايد مرتاحه من العمليه واحس انه شاطر ...


اما عبدالمحسن للامانه مو شايفه شغله

على طاري الكدمااات
يقولوون اللي تسوي عمليه ويهها يتفخ و عينها تززززرق
بس انا لا !!
ما كان فيني شي

 

[yassoo]

صباح الخير حبوبة
والله ماحبيت اطلع من غير رد
انا اول مرة ادش هالقسم

بس نصيحة مني انسي دكتور عبد المحسن والله العظيم اكبر نصاب
اختي سوت عنده قبل 4 سنوات تقريبا
اخذ منها 3000 دينار والله العظيم
وياريت عدله صار شكل خشمها يخرع

وبعدها بسنة قالها اعدلها لج بس اخذ 2000 والهبله ماقالت له لأ عادي ادفعت وهم ماسوى شي قالها هذا اللي اقدر عليه

والحين ناطرة تاخذ اجازة من دوامها وبتروح لبنان تسويها ..

انا حبيت انصحج والقرار لج .. لأن عن تجربة والله

 

[Turquoiseya]

على طاري الكدمااات
يقولوون اللي تسوي عمليه ويهها يتفخ و عينها تززززرق
بس انا لا !!
ما كان فيني شي

لأن منذر ماشالله عليه ايده خفيفة
ولا ايأذي مريضاته بالفتايل
كل الدكاترة يحطون فتايل الا اهو

 

[مــســك]

ديري بالج تروحين عند عبدالمحسن .. أساليني اناا عنه نصاب وحرامي لابارك الله فيه ..


والله خرب خشمي بصراحة ماسواا له شي مثل مااهوو .. الانحراف للحينه موجود .. للحيني ما اتنفس عدل .. العظمة ابرزت .. الاثار بصوب خشمي للحينه موجوده وللعلم صارلي سنة ونص بس ماراحوو ..


وشقولج عنه بس لاتفكرين تروحين عنده .. والله حرام الفلووس الي دفعتهم له خسااارة ..


واناا بروح عند منذر لان وايد بنات يمدحونه لان بعدل خشمي عنده بأذن الله .. وانتي توكلي وروحي عنده .. وعلى فكرة ترى وايد اهني بنات مسوين عنده وفي بعضهم حاطين صور خشومهم ماشاءالله تبارك الرحمن حلووويــن ..


وسوي سيرج عن منذر وشوفي بعينج واحكمي .. بس عبدالمحسن نصيحة لاتروحيــن والله وعن تجربتي المريرة ..



والله يوفقج ..

 

[ام اللقافه]

لأن منذر ماشالله عليه ايده خفيفة
ولا ايأذي مريضاته بالفتايل
كل الدكاترة يحطون فتايل الا اهو

ياربي هالفتايل اسمع عنها بس مادري شنو اهيا
عفيه علميني :eh_s(2):

 

[دنيا جديده]

انا مسويه عند عبدالمحسن والله طلع خشمي ررررررروعه الحمدلله بس صج غااالي اخذ مني 2150

 

[Turquoiseya]

ياربي هالفتايل اسمع عنها بس مادري شنو اهيا
عفيه علميني :eh_s(2):

انا ماعندي فكرة واضحة عنها لأني ماجربتها كلش وعساني ما اجربها
الظاهر اهي شاش ملفوف يدخلونه بفتحات الخشم ويقعد لمدة اسبوع وبعدها تروحين للدكتور يسحبها والبنات يشتكون منها ويقولون انها تذبح هذا اللي سمعته عنها