عملية بالون المعده( تجربه شخصيه )

[ام فهدان الكويتيه]

صباح الخير
قوه بنات حبيت اشارككم بتجربتي الشخصيه
انا سويت عملية بالون المعده العام
بدار الشفا سواها لي دكتور خالد عياش استشاري
اوكي الله وكيلكم التكلفه 750 دينار
ادش بنفس اليوم باجر اطلع حلو
بس الله لا يواريكم بعد العمليه
ترجيع ترجيع ماتكدرين تطولين 5 دقايق
قالي الدكتور تيطول الترجيع معاج اسبوع
الله وكيلكم قعدت شهر حتى الماي مايقعد بجبدي
لان المعده ماتتقبل الجسم الغريب اللي فيها
ماطولها عليكم
نزلت بعدها 25 كيلو ب6 شهور
لانها بعد 6 شهور لازم ينشال
بس بصراحه اقولكم ماتسوى العذاب
لاني بعدها ب5 شهور حملت ورديت كل اللي نزلته
سوو رجيم عادي ورياضه احسن بوايد
الحين انا اراجع عند طالب وقاعده انزل على الراحه
وانشالله بشترك بشامبينز بس قاعده اقنع ريلي
ادعولي​

 

[A. style]

مبروك على الحمال والله يتمم عليج .. عاد انا كنت مفكرة اسويها .. والظاهر بغير راي لاني اعرف وحدة عانت نفسج وردت الحين نفس اول

الله كريم بنرد على التخفيف والمشي .. :botetoo: ادعولي

 

[زيـنـه]

شكرا على عرض تجربتج .

 

[ام فهدان الكويتيه]

مشكوره السميه
يعطيج العافيه
بس انا ولدت ورديت اللي نزلته كله
عشان جذي ماتسوى السالفه هالعذاب

 

[قمر ضاوي33]

والله ما في احسن من النظام الغذائي المعتمد على التخفيف والرياضة

يا الله الحمد لله على سلامتك

 

[AFRoDiT]

ثانكس حبوبه على عرض تجربتج لنا ..

والله انا شكلي بحط بالون دام اني ليلحين ماتزوجت ..

وعقب مااشيله اسوي ريجيم عشان أحافظ على وزني ,, ..


بس حبيبتي عندي استفسار ..

عقب الـ 6 شهور شلون تشيلين البالون؟؟
انا سمعت انه يذوب وينزل مع الخروج عزكم الله؟؟

 

[ام فهدان الكويتيه]

هاي
اي شي سوري لا تزعلين
لا طبعا عمليه مره ثانيه
تخدير كامل
تقعدين تلقين الثقل اللي كان فيج راح
بس والله طلعت من العمليه ورحت جيليز على طول
ستيك وماش بتيتو شغل عدل على طول والله

 

[yam_yam]

انا سويتها و شلتها عقب 5 ايام و لا طلعت من المستشفى
يعني قطت فلوس عالفاضي لان جسمي ماتقبلها و حاشني اختناق منها

 

[ام فهدان الكويتيه]

الله ياجرج لا انا الحمدالله عشت شهر كامل ترجيع
وعايشه على المغذيات ياريحه ياراده من الطبيب
مغذي ورى الثاني
والله بنات جد جد لا تجازفون ماتسوى السالفه هالعذاب

 

[AFRoDiT]

يمكن يختلف من شخص الى شخص ..
أو الماده الي مسوين منها بالون تختلف حسب الصناعه الطبيه ..

انا قريت هذا الموضوع حق دكتور ألماني ..

:




بالون المعدة !?

اقول وبالله التوفيق بألنسبة لبالون المعدة فهذه الطريقة معدة كبديل للاشخاص اللذين لا يستطيعون عمل ربط المعدة لاسباب عديدة منها واهمها هؤلاء اللذين لا يتحملون التخدير لامراضهم المزمنة اواعمارهم او لخطورة ذلك على حياتهم او للاشخاص اللذين لا يودون الخضوع لعملية الربط لعدم اقتناعهم بها او خوفهم منها .

بالون المعدة هو عبارة عن بالون صغير يوضع في المعدة عن طريق عمل منظار للمعدة بالبداية ومن ثم بعد استثناء اي أمراض او عيوب خلقية بالمعدة يتم ادخاله غير منفوخ عن طريق المنظار الهضمي تحت المخدر الموضعي فقط من الفم الى المريء ومنه يوضع في المعدة وينفخ من وصلة خاصة به بسائل معقم وبعدها يسحب المنظار من الفم ويتم الموضوع كاملا في حدود الربع ساعة فقط .ولسحبه نقوم بعمل الشيء نفسه الا اننا نقوم بتفريغه من السائل المعقم ومن ثم سحبه.

مميزات بالون المعدة:

1-عدم الحاجة للتخدير العام ومخاطره.

2-عدم وجود مخاطر العمل الجراحي.

3-سهولة تركيبه وسهولة فكه.

4-انزال الوزن مع تنفيذ وصايا الطبيب الغذائية والطبية لحد 35 كيلوجرام في ستة شهور.

5-ارخص بكثير من عملية الربط(لا ادري كم يكلف في الدول العربية )

عيوب بالون المعدة:

1-يمكن الاحتفاظ به لمدة 8 اشهر فقط وبعدها يجب ازالته .

2-الشعور بالاستقياء والاستفراغ اكثر من الربط.

3-انثقابه.

اعود لاناقش بعض الامور اللتي تدور في رأسك واولها لماذا يجب ازالته بعد 8 اشهر طبعا لانه مصنع من مواد صناعية ستقوم حوامض المعدة وافرازتها بعد ال8 اشهر باتلافها ومن ثم سينثقب البالون. وهنا لا تنفجعي فلن يحدث أي شيء أن شاء الله لك ولن تلاحظي ذلك سوي ان السائل المعقم اللذي بداخله سيلون البول عندك وهذه عملت خصيصا حتى تعلمي ان البالون قد انثقب ! وبالنسبة للبالون فانه بعد انثقابه يصبح صغير جدا يمر من الامعاء ويخرج مع البراز بشكل تلقائي.

عادة لاحظت انه بعد زرع البالون بالمعدة يحس المرضى ولمدة 4 ايام بالتقيء والاستفراغ وهنا في المانيا نقوم بالتغلب على هذه العوارض باستخدام الوخز بالابر الصينية(بدل الادوية) للتقليل من افرازات المعدة وهيجانها الطبيعي لوجود البالون بها وبعد ايام يشعر المرضى بالراحة وتمر الامور بدون مشاكل والا وجب سحب البالون من خلال جلسة منظار هضمي كما زرع.

بالنسبة لاجراء زرع بالون المعدة خلال الحمل لا انصح به نهائيا .


:

 

[AFRoDiT]

بس طمنتيني لما قلتي ان خدروج تخدير كامل

بصراحه انا حدي خوافه مابي بنج موضعي ..


وثانكس اقين خيتوو

 

[ii DareeN ii]

مشكورة وايد على ذكر تجربتك كنت افكر اسويها بصراحة

 

[أحزان الرياض]

ياليتك حافظتي على اللي نقصتيه
عموما مشكوره على التجربه

 

[xxx]

مشكورة على ذكر تجرتج

والله فكج منها

 

[تاج الغلا]

عاد انا كنت مفكره اسويها بس من قريت تجارب البنات من قلب هونت
ريجيم ورياضة احسن

 

[جوجو.]

مشكووووره ومبروك الحمل

 

[micro girl]

انا سويتها بغيت امممموت افقد حياتي يمكن نزلت 25 في شهر بس شنو مااستناست تخيلو حتى الماي ارجعه شييييي فظييييييع ولاممممممم رهيبة ماتسسسوى كلش

 

[ام فهدان الكويتيه]

والله خواتي ماتسوى السالفه
والتخدير ترى كامل

 

[Lonly Girl]

واااااااااي مايسوى لو شنو ما أسوي ي ي اخاااااااااااااف

احسن شي الريجيم

 

[عروسه بس كول]

ربط المعده والتحوير افضل
بس هم ماينضمنون


اختي سوت ربط معده وحملت بعدها وانفك الحزام ولا استفادت شي