عملية انتفاخ بالجفووون ، منو منكم سواها؟

[нάγoηά cнεмίsтяγ]

آنا انتفاخ تحت العيـن وايد مو شوية شلون يسوون هالعمليـة نفس اللي فوق العين؟؟ أحس العمليـة تخوف!

 

[المهرة الأصيله]

بصراحة انا ما جربتها
بس أختي الكبيرة جربتها عند د/ صبرية الصالح فوق الممتاز
لأنها أهي دكتورة شاطرة وخريجة ايرلندا

 

[ريمه الكويت]

توت بين كل جلسه والثانيه 10 ايام تقريبا واتا الي قايله له ابي هالابر لاني مجربتها قبل وماكو الادكتور واحد مال الجلديه اهو مصري ويقول بنته مذيعه بتلفزيون مصر ويعطيها هالحبوب ويمدح بشرتها يقول كل من يسالها شنو مسويه
وانتي بعد ساليه اذا عندج مشكله في بشرتج يقول لج شنو محتاجه

 

[ريمه الكويت]

سماره العمليه الي فوق الجفن نفس الاجرائات الي يسونها حق تحت الجفن وتخيلي انا يوم سوين العمليه تخدير موضعي واسولف مع الدكتوره واشوفهم يشقون بعيوني واشم ريحه عطاب مال الليزر هههههه احس شالو الغطا من عيوني بس شسوي توكلت على الله وسويتها لو بخاف ماراح اسوي شي

 

[<' توت توت '>]

انا قايله انتي شجاعه واحييج على شجاعتج

ما شاء الله تبارك الرحمن

انا اليوم رحت موعدي وان شاء الله الخميس الياي راح اسويها ادعولي

 

[<' توت توت '>]

ريمه لي روحه حق الدكتور ان شاء الله بس ينزل المعاش يعني آخر الشهر وهم بعد منها ريحت عقب العمليه

وخنشوف شنو يحتاج الويه :eh_s(1):

اليوم كلمتني بنت اختي عن د،عادل قطينه صديقتها بالدوام مسويه تقشير كيميائي ب 85 دينار تقول عنه وايد زين غير ويها وايد

وعن بنت اختي تحتاج هالتقشير القوي لآن بشرتها وايد رايحه فيها وقالها بعد لازم اتكملين عليها جلسات تبييض علشان تصير بشرتج مثل البيبي :ggdw:

قتلها روحي سوي ولما اتأكد من ويه اروح اسوي آنا

لاعبه بالدنيا آنا صح :dddds: :dddds:

 

[нάγoηά cнεмίsтяγ]

سماره العمليه الي فوق الجفن نفس الاجرائات الي يسونها حق تحت الجفن وتخيلي انا يوم سوين العمليه تخدير موضعي واسولف مع الدكتوره واشوفهم يشقون بعيوني واشم ريحه عطاب مال الليزر هههههه احس شالو الغطا من عيوني بس شسوي توكلت على الله وسويتها لو بخاف ماراح اسوي شي

واااي ماشالله عليج انا تـرى مو خوافه يعني متعودة عالطبيب وجذي بس ليش انهـا بالعين خفـت احس مجازفـة .. انزين بعد العمليـة شلون صارت وما يبين شي من آثارها .. يعني عادي اسوييييييها ماكو شي؟ :eh_s(1):؟؟ :s​

 

[Bamya]

بنااااااااااااااااااات باركولي سويت العملية :ggdw:

الحمدالله عدت على خييييييير

بس ماتوقع اني راح اقدر اطلع من البيت قبل اسبوع عالاقل لان عيوني متفوووووووووووخه وبنفسجيه والكمادات ما تطييييح من ايدي

ان شاء الله تكون النتيجه حلوووة اهم شي افتك من الجيااس اللي كانوا طايحين على عيني



ريمه الكويت

تصدقين استغربت ان ماقالولي شي عن طريقة النووم او الاضاءه والحراره كللللش ولا يابوا الطاري ، بس عطوني فطرة وكريم وحبووب مسكن بــــــــــــــــــس !

 

[ريمه الكويت]

توت هلا وغلا حبيبتي عاد سويها وخلي توكلج على الله وافتكي من هالتتفخ الي بالجفون ياذي الله يعينج خاصه لما تقعدين من النوم ولا تبجين العين تتسكر من الانتفاخ وانشالله تشوفين النتيجه المطلوبه ونطري لما تظبط امورج وكلش يسير تمام التمام بعدين شوفي بشرتج شنو محتاجه من علاجات

 

[ريمه الكويت]

لووووووول سماره صاجه العين مكان يخرع يعني تشوفين كل شي شيسير بالعين لان العمليه بالعين ماتغمظين بس لاني سارلي فتره اكثر من سنه وانا اسال عن هالعمليه واقرا وابحث بعدها قررت اسويها وافتك
بالبدايه اكيد فيه اثر بالجفون وتحت العين يزورق ويتفخ بس كلها فتره شوي شوي يرد كل شي طبيعي والايام تركض ولاجنج مسويه عمليه واذا عزمتي على العمليه توكلي على الله واقري سوره يس قبل لاتروحين والله الموفق

 

[ريمه الكويت]

مبــــــــــــــــــــــــــــــروك باميه حمدالله على سلامتج وين سويتيها وشنو حسيتي قولي ؟؟؟؟
اي صاجه الكمادات لازم على طول واذا عندج مراجعه لبسي النظارات @@@ وغريبه ماقالولج لازم تنامين اول يومين وانتي رافعه راسج يعني تحطين جم مخده ترفع راسج واكيد الاظائه القويه ماتقدرين عليها اول الايام يعني اذا اظطريتي للطلعه لبسي نظاره شمسيه ولاتنسين قطراتج وادويتج

 

[нάγoηά cнεмίsтяγ]

لووووووول سماره صاجه العين مكان يخرع يعني تشوفين كل شي شيسير بالعين لان العمليه بالعين ماتغمظين بس لاني سارلي فتره اكثر من سنه وانا اسال عن هالعمليه واقرا وابحث بعدها قررت اسويها وافتك
بالبدايه اكيد فيه اثر بالجفون وتحت العين يزورق ويتفخ بس كلها فتره شوي شوي يرد كل شي طبيعي والايام تركض ولاجنج مسويه عمليه واذا عزمتي على العمليه توكلي على الله واقري سوره يس قبل لاتروحين والله الموفق

بعد عمري مشـكورة على النصيحـة آنا كل مرة أقول بسويهـا خلاص.. ولمه أقرا عنها قلبي يرقع اقول خلاص مـابي لـوووول لأني قريت بموقع ما ادري أي مستشفى من مستشفيات الكويت كاتبين ان العمليـه لازم مو أي أحد يسويها لأن أي غلطة بسيطه بالعمليـة يمكن تأثر على العيـن وتسبب عمى انا اخترعت شدراني اللي يسويها مدى شطارتها شنهي ؟ عشـان جذي وايد خايفـه بس كلامج يطمن والله يستر مشكورة حبيبتي..:tek:​

 

[Bamya]

ريمه الكويت

الله يسلللللللللمج حبيبتي
سويتها بمستشفى البحر عند الدكتور فيصل جرااغ
امبييييه تعذبت ، بس مو من العمليه ، من البننننننج مالت على بنجهم ، انا اول مره اشوف بنج جذي ، تخيلي يقز المخدر على دفعات وكل دفعه احس فييها مثل ناااااار تدش بصدري وويهي عيوني قامت تدمممع بحرارة على ما نمت ، صج عذبني خفت واهو يبنجني الظاهر دكتور التخدير مو شاطر كلللش
بس الحمدالله عدت على خيير طلعت بعد سااعه من العمليه وترجيع ولوعة ما طولوا معاي ساعتين ثلاث بعد ما نمت صرت عاال العااال
احسااااسي حاليا طال عمرج جنه احد مدبس جفوووني ، ماقدر ابطل عيني كلها طبعا يادووب ربعها عشان اشوف ، بس بشكل عاام حالتي الصحية ممتااااازة ومافيني الا العافيه ان شاء الله

و الغرز يشيلهم يوم الاربعا الياي ، واااي حدي خايفه من شيلة الغرز لان مكانهم يعووور مو قادره اتخيل

 

[<' توت توت '>]

حمدلله على السلامه باميه طهور ان شاء الله :tek:

تعالي سولفيلي انتي مثلي بنفس المستشفى بس انا الجفن الي تحت وطالبه بنج عام عشان ما اشوف شي ولا احس بشي كلش

عاد تعالي شوفي اسإلتي >>>>>>> _03BA:_03BA:

1- هل طولتي على ما صحيتي؟
2- واشكثر قعدتي بالمستشفى؟ لأني قالولي ايي الساعه 7.30
3- وهل حسيتي بعوار لما صحيتي؟
4- هل سكروا عيونج بشاش؟
5- هل كان معاج احد او سقتي السياره بروحج؟
6- واشلون كانت الرؤيه بعد العمليه؟ هل في زغلله او ضباب على عينج؟
7- هل كانت في صداع براسج؟ ومتى خف العوار منج يعني العصر المغرب؟؟؟
8- وصج لما صحيتي كانت عينج وارمه ولونها بنفسجي؟
9- انتي تقولين طلعت بعد سااعه من العمليه يعني العمليه ما اطول اكثر من ساعه صح؟؟
وقلتي ترجيع ولوعة ما طولوا معاي ساعتين ثلاث بعد ما نمت صرت عاال العااال >> شنو تقصدين بترجيع ولوعه لمده ساعتين وثلاث؟؟
10- واشلون كان وضعج بهاليوم قدرتي تشوفين تلفزيون كمبيوتر ولا كله نايمه؟ ومتى قدرتي تمارسين حياتج الطبيعيه؟؟

ادري اذيتج بأسإلتج بس بس شسوي ابي اطمن قبل لا اسوي خصوصا انا حساسه وايد وكلشي احاتيه

جزاج الله خير ومشكوره يا قلبي :eh_s(8):

​

 

[ريمه الكويت]

حمد الله عالسلامه باميه شالتخدير اول مره اسمع تخدير جذي لوووووول تعذيب واكيد ترجعين من هالتخدير ولاتحاتين الغرز الي تحملتي العمليه راح تتحملين شيال الغرز بس اكيد مبينه جفونج سارت غير عن اول

 

[Bamya]

توت توت

الله يسسسسسسلمج حياااتي ما قصرتي لا عاادي انا حاظره لأي سؤال دام ان قعدتي بالبيت مطوله لووووووول شيطلعني بهالعيووون الوارمه

بجاوب على اسئلتج ولا يهمج

1- هل طولتي على ما صحيتي؟
انا بعد طلبت بنج عااام لاني خواااافه حدي ، صحييت اعتقد بعد ساعه من العمليه

2- واشكثر قعدتي بالمستشفى؟ لأني قالولي ايي الساعه 7.30
ايييي عدل انا من الساعه 7 ونص اهناااك بس كان زحمه ودشيت غرفة العمليات الساعه9 ونص

3- وهل حسيتي بعوار لما صحيتي؟
اي والله حسيت بعوار ، بس عوار تقدرين تتحملينه ، وحسيت بلوووعه ودوخه وهذا اللي تعبني اكثر من عوار عيوني

4- هل سكروا عيونج بشاش؟
اكيييد اول ما طلعت من العمليه نص ويهي عليه شااش ، بس بعد سااعه يشيلونه وتروحين البيت عادي

5- هل كان معاج احد او سقتي السياره بروحج؟
لا طبعا معاي الوالد الله يخلييه ، ما تقدرين تطلعين بروحج عيونج تكون واارمه وانتي تكونين دايخه من البنج خصوصا انه بنج كاامل

6- واشلون كانت الرؤيه بعد العمليه؟ هل في زغلله او ضباب على عينج؟
في ضبااب شوي لان يكونون حاطين كريم بالعين عشان ما تلتهب ، ولا تنسين ان العيون واارمه فما تكون مبطله كلها يادوب ربعها تشوفين منه

7- هل كانت في صداع براسج؟ ومتى خف العوار منج يعني العصر المغرب؟؟؟
لا مو صداع ، مثل ما قلت لج كان في لووعة ودوخة ، وعوار العين شوي شوي يخف ، دشيت البيت الظهر قولي على ما اذن العصر واخذت لي غفوة بسيطة من الدوخه ، صرت عااااال العااال

8- وصج لما صحيتي كانت عينج وارمه ولونها بنفسجي؟
بنفسجي وازرق واحمر الواااان الطيف طال عمرج لوووووووووووول وعلى فكرة الالوان ليلحين موجوده بس ما عليه منو بيشوفها غيري بالبيت ومنو بيخترع غير اهلي خخخخخ مسويتلهم فلم رعب بالبيت

9- انتي تقولين طلعت بعد سااعه من العمليه يعني العمليه ما اطول اكثر من ساعه صح؟؟
ايي تقريبا ساعه او يمكن أقل ما تطول

وقلتي ترجيع ولوعة ما طولوا معاي ساعتين ثلاث بعد ما نمت صرت عاال العااال >> شنو تقصدين بترجيع ولوعه لمده ساعتين وثلاث؟؟
يعني بعد ما طلعت من العملية كنت أرجع واحس بلوووعة ودوخه من تأثير البنج ، واستمرت اللوعة معاي ساعتين جذي على ما وصلت البيت ونمت شوية ريحت ، طبعا طووول هالوقت ما آكل شي عشان لا تزيد اللوعه

10- واشلون كان وضعج بهاليوم قدرتي تشوفين تلفزيون كمبيوتر ولا كله نايمه؟ ومتى قدرتي تمارسين حياتج الطبيعيه؟؟
ترى العملية سويتها أمس يعني تووووووني فريش بعد ما راحت الدوخه مني امس عالعصااري مارست حياتي الطبيعية في البيييت طبعا بدون طلعة ، وعاادي تقعدين تااكلين وتسولفين وتضحكين ولا كأنه في شي ، بس طبعا العيون واارمه والرؤية مو طبيعية
الدكتور قال لي اسبوعين بالكثير واقدر اطلع والعيون ترجع طبيعيييية

ادري اذيتج بأسإلتج بس بس شسوي ابي اطمن قبل لا اسوي خصوصا انا حساسه وايد وكلشي احاتيه
لا عااادي والله اخذي رااحتج من حقج تسئلين انا حااسه فيج لاني سألت وايد قبل لا ادش العملية والحمدالله سويتها وانا متوقعة شنو بيصير يعني كل ما سألتي وارتحتي نفسيا وهيأتي نفسج احسن لج

 

[مريوما الحلوه]

7mdlah 3la alslaaamah tra etha okkk entaaaaaay was6teeee

 

[سبانيوليتا]

الحمدالله علي سلامتج ياقلبي

 

[Bamya]

ريمه الكويت
اييييي والله شكله دكتور البنج بو طقه والا مو متريق عدل وبدع فيني

مريوما الحلوة
ما يبيييلها واسطه صدقيني بس اخذي التحويل من المستوصف وروحي مستشفى البحر توكلي على الله ترى مواعيدهم ريييييييظة وايد

سبانيوليتا
الله يسسسسلمج حبيبتي ثنكيوو

 

[<' توت توت '>]

مشكوره حياتي كلج ذوق وهذا من طيب زصلج يالغاليه

انزين بقولج تتوقعين انا الورم راح يكون اخف منج لأني بسوي العمليه للجفن الي تحت فاعتقد راح اقدر ابطل عيني بس الوان قوس قزح راح تكون فوق الخدود؟؟

وهل أقدر احط كونسيلر تحت عيني واخفي الوان الطيف؟؟

حلو موضه هالسنه يا بنات علي :dddds:
_03BA: <<< ( ظل العيون ينحط تحت مو فوق وآنا اول وحده ببدي أحطه عاد مو تقلدون ) >>> _03BA:


والله وايد فرحتيني وونستيني

وانا سألته بعد عن الجفن الي فوق قال هذا يبيله عمليه ثانيه مو في نفس الوقت

عاد انا قايله بعدين راح اسوي بس اشوف نتيجه العمليه

وان شاء الله راح اسويها واقولج تفاصيلي ومغامراتي​

:tek: