عملية القطط وتجربتي الخاصة

[شربـــات لـــوز]

السسسسلاااااام عليكم ياحلوووووين:eh_s(7):

طبعا الكل يسأل عن عملية تخصية القطط
والكل مابين معارض ومؤيد
انا حابه انقلكم تجربتي المتواضعه معا قطاوتي وبقولكم بالتفصيل


اول شي
سويت لقطوي حبيبي العمليه تاريخ 27\4\2013
بمستشفى الري عند دكتور رايان
المهم قطوي نام بالمستشفى 3 أيام لأن ضروري ياخذ مضاد بعد العمليه لمده 3 أيام
وطبعا اختياري إذا تبينه ينام بالمستشفى أو تاخذينه البيت واتيبينه لمده 3 أيام عشان يعطونه المضاد
المهم رحت وخذيت حبيبي والحمدلله ماجني مسويتله عملية كان طبيعي عالاخر
الاشياء الي لاحظتها على قطوي إن صار حركي يحب اللعب وايد و صار ياكل احسن
وعقب ماتشجعت حيل من النتيجه الحلوه رحت وسويتها لقطوووتي الجميله

رحت بتاريخ 18\6\2013
بنفس المستشفى ونفس الدكتور
وطبعا وايد قالولي النثيه تتعب والله يعينج عليهااااا :eh_s(2):
المهم سويتها وقعدت بالمستشفى 3 أيام ولما خذيتهااا كانت طبيعيه جداااااا
والحمدلله صارلها اسبوعين تمام التمام وتاكل زين والجرح راح لان صغير حيييييييل

المهم <<< وااايد تقول المهم

النتيجه كنت راضيه عليهاااا وااااااااااااااايد والحمدلله قطاوتي أعمارهم سنتين وعيلوا اكثر من مره وشااافوا ضناهم

الي متردده بالعمليه أنصحها تسويهااا لأن الصراحه وايد أشوف بنات يسالون وخايفين
العمليه روووووووووووعه لا حنه ولا ترشرش بوول >>> تي رش رش تي رش رش :eh_s(3)::dddds:
بس خليهم يشوفووون ضناهم اول

ان شاءالله يكون موضوعي مفيد لكل وحده متردده

فديتكم ياجميلاااات :eh_s(7):​

 

[بحيرةالبجع]

الله يعطيج العافيه

انا بعد سويت حق قطوى العمليه من سنه بمستشفى رويال البيطرى

وديته الصبح واخذته العصر

والحمدالله اهم شى افتكيت من الحنه والترشرش

طبعا عقب ما شفت عياله سويت له العمليه

والحمدالله صار ياكل احسن من اول وتحسنت صحته​

 

[شربـــات لـــوز]

الله يعافيج
والحمدلله علا سلامته

 

[شربـــات لـــوز]

اب اب اب

 

[Hope Soon]

السلام عليكم

اختي الكريمة شربات لوز ... الله يسلمج

ممكن تعلمينني واستفيد من تجربتج لو سمحتي ... انا عندي قطوة شيرازية بالبيت وانا شريتها من شهر 10 السنة الي طافت والحين هي اكبرت وايد عندي ... وانا مفكرة اخليها تجيب عيال عندي ... اشلون اخليها تجيب قطاوة صغار هل لازم اروح الطبيب البيطري ويسويلها عملية تخليها تحمل ؟؟؟

ولا لازم اشتري قطو بنفس عمرها واخليها تتزوج معاه وتجيب عيال ؟؟؟

يا ليت تفيدني بهذا الموضوع اختي شربات لوز

وشكرا

 

[شربـــات لـــوز]

اهلين حبيبتي اول شي اذا عمرها مناسب يعني سنه وفوق يبيلها قطوو وزاوجيها معاهاا
بس السالفه يبيلها صبر لان قطوتج بتكون خايفه من الذكر ويبيلها تقريبا بالكثير اسبوعين وان شاءالله تشوفين عيالها الحلووين

 

[شربـــات لـــوز]

اب اب اب
اب اب
اب

 

[شربـــات لـــوز]

الله يشافيه ياارب ويفرج همكم
ويرزقكم يارب

 

[Mystique]

شكرااا لعرض تجربتج

ممكن اسأل جم كلفتج؟

 

[Stay alive]

الحمدلله على سلامتهم

عاد انا عندي قطوه نثيه وعتوي توهم بالغين الله يستر .. راح يرشرش بول ؟ موجوده النثيه معاه

اذا شفت عيالهم افكر اسوي العمليه لهم بس حيل خايفه عليهم خصوصا النثيه يقولون تتعب



وجم كلفتج ؟

 

[شربـــات لـــوز]

شكرااا لعرض تجربتج

ممكن اسأل جم كلفتج؟

تقريبا كلفوا علي 40 دينار للقطو الواحد

 

[شربـــات لـــوز]

الحمدلله على سلامتهم

عاد انا عندي قطوه نثيه وعتوي توهم بالغين الله يستر .. راح يرشرش بول ؟ موجوده النثيه معاه

اذا شفت عيالهم افكر اسوي العمليه لهم بس حيل خايفه عليهم خصوصا النثيه يقولون تتعب



وجم كلفتج ؟

توهم بالغين ماراح يرش بول بالبدايه ودام عنده نثيه لا تخافين بس اذا حملت اتيبيله نثيه عشان مايرش
انا قطوي كنت مونسته كل يوم داشه البيت قطوه يديده هههههه حمرا شقرا بيضا واهوا مستانس ههههههههه
بس ترا من قطو لي قطو يختلف الوضع انا تم سنه مايرش ونظيف بس اخر الاشهر فطن علا الحركه وقام يلعب بالاثاث لعب
وكلفت علي 40 دينار العمليه للقطو الواحد
شبعي من عيالهم وخليهم يستانسون بعدين سويلهم مثل ماانا سويت

 

[tnkora]

بنااات ساعدوني

شلون اعلم قطوتي هالتر بوكس عنرها شهر و٣اسابيع

 

[صدع القلب]

بنااات ساعدوني

شلون اعلم قطوتي هالتر بوكس عنرها شهر و٣اسابيع

حطي البوكس بمكان واضح ومكشوف
ودي القطوة ودخليها داخل البوكس وخليها تطلع منه اكثر من مره عشان تثبت مكانه
واذا تبين زياد تأكيد .. مسكي ايدها وخليها تحفر عشان تعرف شنو المهمة بهالمكان
اختاري بوكس ما يكون عالي ... لما تكون القطوة صغيره صعب تدخل البوكس العالي " حبايبي ههههه"
وممكن اول الايام بعد الاكل على طول وديها البوكس
هذا كل اللي اعرفه وان شاءالله تتعلم بسرعة

 

[صدع القلب]

انا بعد سويت حق قطوي العملية بمستشفي رويال
ومثلج كانت بأربعين .. بس ما خلوه عندهم خذيته نفس اليوم وكنت خايفه لا يصير تعبان ولا ابتلش فيه
بس الحمدالله كان طبيعي ويركض ويطامر .. حتى حبسته عشان اجبره يركد اخاف مو زين له الحركة ههههههههه
يومين استخدمت اوراق الهدايا بالليتر بوكس ليش قالت الدكتورة اول الايام مو زين التراب للجرح وتالي الحمدالله رد كل شي طبيعي

انصح بالعملية للكل أحسن للقطو و أنظف
بالنسبة لي قطوي ذكر ... وما ياب عيال .. أحس الذكر ما يفرق معاه ياب ولا ما ياب .. حتى احيانا ياكلهم او يتزوجهم ما عنده مشكلة ههههههه

القاعدة الذهبية بنظري حق هالعملية ... أو الشرط الأساسي ... إنج تكونين متأكدة إنه هالقطو أو القطوة بيتم معاج طووول العمر .. أو بكفالتج .. ليييش ؟ لأنه بعد هالعملية ما يصير تردين تبيعينه بسوق الحمام ما ر اح يعاملونه زين لأنه حياته مو مهمة بالنسبة للبياعين هناك لأنه غير منتج فراح يتعذب اكثر من الباقين ... وهالشي حرام

 

[كوكو شانيل.]

مافهمت هالعملية حق شنو ؟*

 

[هللو كيتي]

انا ارفض هذي العملية