عملية الجوري اللي هابين فيها !هي الختان النسائي؟

[رويال ديزاين]

السلام بنات
صارلي مده اسمع تجارب رفيجاتي بالدوام
عن عمليه اسمها الجووي او الروز
يسوونها عند كم دكتور
وهي عباره عن تجميل للشفرين بالمنطقه الحساسه
وقصهم وتصغيرهم
بحيث مايصيرون مثل عرف الديك ذايبين ومشرشرين
يصيرون صغار وملمومين
ويصير البظر مثل الجوري
بنات اعتذر عن الجراه بالوصف لكن بنات هذا بالضبط اهو اللي يسمى بالختان الاسلامي
مو الفرعوني اللي يقصون البظر مع الشفرين

ااسلامي تقصير الشفرين مع ترك البظر
يعني الغرب الحين يسوون اللي قال عنه الرسول سنه
منو سمعت عن هالعمليه
ومنو يسويها

لان البنات اللي يتكلمون عنها موراضين يقولون منو الدكتوره او الدكتور اللي يسويها

 

[رويال ديزاين]

وحده قالت يسويها الشاذلي

اللي تعرفه بالتجميلي الخارجي والداخلي ياريت تفيدنا!!!

 

[American.Life]

وايد انتشرت هالعمليات شفت اكثر من اعلان في جريدة الوطن قسم العيادات

 

[الأميرة جوري]

أول مره اسمع فيها!!!!

 

[اهذريبك~]

اول مرة اسمع فيها

 

[فرزاشيهـ]

مابي افتي بس ماظن الاسلام حث على ختان البنات !



ابتعدوا عن الاشياء الغير طبيعيه و اللي فيها تغير للخلقه مو زين ولله

 

[sharshora80]

اي صح انا شفته عند اعﻻن دكتورة باﻻنستغرام وكانت حاطه صور توضيحيه بعد واستغربت الموضوع بصراحه ﻻن اول مرة يمر علي

دكتورة هدى الزكري اعتقد هذا اسمها

 

[@سيدة نفسي@]

الحين أقص من لحمي وأغير خلقة ربي عشان شنوووو ؟!

شخصيا ماني مستعدة أخسر آخرتي عشان أحد أيا كان

واللي يحبج بيحبج مثل ماإنتي .. بعدين عمليات الليزر

الحين تضيق وتعدل المكان بعد الولادة ماله داعي تغيير

خلقة الله أشوف الغالب استهان بهالموضوع الا من رحم

ربي .. الله المستعان بس ولاحول ولاقوة الا بالله

 

[راحيل العبدلي]

صج بعض الحريم ياربي مدري شلوووون يفكرون !!!!
الله يرفع عنهم ولا يبلانا

 

[أمورته]

اول مره اسمع فيه وللامانه مجازفه

 

[أميرة-]

عز الله الحريم مو صاحيات

انا خياط الولادة مت منه ٢٠ يوم ماقدر اتحرك الحين اروح اشرح عمري واقصص عشان شنو ومنو قال من الاسلام .. يعني اروح لدكتور واكشف عورتي وتقولون الختان سنة لا مو سنة اختلفوا فيه للنساء وله ضرر سبحان الله المنطقة هذي هي منطقة الاحساس عند المره اذا انقصت ماتحس بشي

مادري بس قريت الموضوع بطني قام يعورني اححححح انا الولادة وجتني حالة نفسية قبلها خايفه وعقبها والله اكثر من اسبوعين الحين لي من ولدت واحس بالخياط ليما الحين

 

[لوولوو_88]

أحس ما تلجأ حق هالعمليات إلا الي مو واثقه من نفسها .. يعني هالشي ربي خلقه و احنا مسلمات نغتسل بالماي و الرطوبة لها دور في هالمنطقه .. اسوي عمليه و أعذب نفسي ليش عشان الزوج يعني .. الزوج بحبني و بحب اخلاقي و شنو دوري في بيته و تعاملي معاه ولا بحبني عشان هالمنطقه ..


العنايه حلوة بس مو لهدرجه صراحه .. ولازم ينسأل فيها هل تعتبر تجميل حالها حال أي تجميل .. و ما أعتقد تندرج تحت الختان لأنه الختان غير ..


العقل زين .. إلا إذا الوحده فيها عيب خلقي .. الله لا يحدنا انشالله

 

[رويال ديزاين]

والله يابنات انا سمعت عنها وشفت كذا وحده مسويتها تمدح النتيجه عاد قلت اشارك بنات المندى بهالموضوع وبتلنسبه لي ولا عمري فكرت بهالشي بس طلعت منتشره بالغرب و منتشره عندنا بس بشكل سري و غير جذي سويت سيرج ولقيت ان الرسول صل الله عليه وسلم ذاكر الختان وطريقته بالضبط

عن نفسي مستحيل اسويها

 

[mrs.abk]

لا حبيبتي مالها علاقة بالختان الاسلامي .. الختان الاسلامي قطع زايدة صغيرة مثل الثالولة تكون على الشفر الايسر لبعض البنات موب كلهم .. يشلونها وعمر البنت ما بين سنتين إلى 7 سنوات .. لو كانت أكبر خلاص ما يشلونها ..

واللي انتي تقولينه هي عملية تجميل الاشفار .. وهي معروفة في أوروبا .. لكنها تأثر على المستقبلات الحسية والاعصاب هناك ووايد طبيبات طلعوا وحذروا منها

 

[مملكه الود]

موصاحية اللي تسوي مثل جذي كل شوي طالعين بموضة
الحمدلله والشكر بس صج اول مره اسمع فيها