عملية ازالة الرحم حق امي بنــــــــات منو سوتها؟

[حــبـوبــه]

السلام عليكم
اليوم ضايق خلقي ومتكدرة وكل شوي احس اني راح ابجي

بنات امي راح تشيل رحمها لان عندها لحمية بالرحم وفيه الياف وعمرها 49 والدكتورة قالت لها احسن
انج تشيلينه لانه راح يأثر عليج بعدين

المهم اهي راح تروح بليل حق الدكتور علشان يقولها شنو راح يسوويلها بالضبط واختارت مستشفى راشد


بنات عفية منو تعرفون سووله هالعملية؟ وصعبة ولاسهلة؟ وشنو اثاراها بعد العملية
الله يخليكم ابي الي عاشت هالتجربة مع امها او خالتها او عمتها تفيدني
قاعدة احاتي امي وايد

 

[cuteq8ya]

ما تشوف شر الوالدة و الله يقومها بالسلامه..انا امى مسويه العملية من زمان..عادى لا تخافين اهيه عملية بسيطه و انشاءالله راح ترتاح اكثر بعدين..بس الله يعينكم بعد البنج اول يوم و بعدين لازم تهتم بنفسها ولا تشيل اى شى لمدة 6 اشهر..تطمنى ماكو اله العافيه انشاءالله

 

[FuSheYa]

سلامتها وماتشووف شر ياارب

العمليه بسيطه ان شاءالله

انا امي وعمتي سووها بمستشفى السلام

عمتي ماشاءالله اهتمت بنفسها وما قامت تشيل شي وماشاءالله سهالات

ونفس الدكتور سوا حق امي بعدها بفتره
اهوا دكتور مصري والكل يمدحه

سواها حق امي والله بغينا نموووت من الخرعه لما طلعوها من العمليات ولما كانت مبنجه بس ماشاءالله سهالات ربي حفظها

بس المشكله <-- مابي اخرعج

صار فيها التهاب بالجرح يمكن من الدكتور او منها والله مادري

وردينا وديها مستشفى العدان تخيلي .. ماشاءالله عالجووها ومافيها الا كل خير وعافيه


اللي حابه اوصله لج

دورولها دكتووور شااطر
واهتموا فيها واهم شي خلوها اهيا تهتم بنفسها وبالجرح

والله يقومها بالسلامه ان شاءالله


ترا العمليه سهله والكبار والصغار سووها

 

[نمله معصبه]

حبيبتي لاتحاتين الله يخليلج امج يارب..
امي سوتها من 10 سنين والحمدلله طيبه ومافيها الا العافيه..وسهالات يالغاليه لاتبجين ولاشي والله يقومها بالسلامه ويخليها لكم يارب..

 

[حــبـوبــه]

الله يعافيج ياقلبي
تسلمين طمنتيني وبقولها ما تشيل شي مدة 6 شهور

 

[lailalaila]

لله يقومها بالسلامه لكم يا رب و يشافيها

 

[حــبـوبــه]

الف شكر بنات تسلمون كل وحدة دعت حق امي
والله لا يوريكم احد بأهلكم مريض

 

[حــبـوبــه]

تسلمون بنات ماقصرتوا يا عل ما تشوفون مريض ابد

الحمدلله والشكرلله اليوم سوت العملية وقامت بالسلامة بس بعدها تحت تأثير البنج يبيلها لي باجر تصير نشيطة

وبتطلع من المستشفى يوم الثلاثا

أشكر كل وحدة دعت حق امي والله يخلي لكم اماهتكم يااااارب

​