عملية اخصـاء القطط .. نعم آم لا ؟

[عود ومسك]

ههههههههههههههههههههه في ردود تضحك ما قدرت امسك نفسي السموحه..

مشكوره انوار عالموضوع وانا عطيت صوت لنعم وبشده بعد
واللي معارضين ياليت يقولون هل اهم مربين قطاوه والا هبة يومين
وهل لما ربو ربو قطوه والا 10
كل هالاشياء تفرق اللي بيده بالماي مو نفس اللي ايده بالنار
واللي تقول ما تقدرين شحقه تربين
انا طبعا ما راح اتكلم عن نفسي
بس واجد يعرفون ان عندي واجد مو قطو والا اثنين
وتأذيت من الذكر مع انه ما يرش لله الحمد لانه انولد مع النثايا
وشبعان لكن عاد اللي تفتي وتقول حرام ابيها تقولي ليش حرام
المشايخ قالو يجوز لو منه ضرر وانا للاسف ارجع اقول انه ما يرش فا الضرر مو علي
الضرر على النثايا
هو يبي وهي تبي لكن جم نثيه ماتت عندي بسبب التزاوج؟ بسبب ان الذكر صار يحاول يفرض نفسه عند اخوانه ويمسك النثيه ويلقحها غصب عشان يكون هو البطل
فا اللي حملت بسن مبكر واجهضت وماتت
واللي من كثر ما تحمل ماتت
انا عازله النثايا الحين لكن لابد يتزاوجون
هي فتره معينه وبعدين كلهم يبون
الحين الذكوره اخوان سبحان الله وصلت فيهم انهم يمسكون بعض!!!!!!!
لي وين ننطر؟
اعتقد انا عطيتهم حقهم بالتزاوج لين قالو بس والحين مقرره اخصي اثنين عشان الاخوان ما يتذابحون ويموتون والسبب التزاوج فا هذا ضرر عليهم انا ما ربيتهم عشان اشوف قطاوتي يموتون بسبب غريزتهم او يصير لواط استغفر الله


لكن انا ضد ان اي وحده تجي تسوي لذكرها اخصاء والله عشان يماوي ومسوي ازعاج
الازعاج عادي طول ما القطو ما يرش ونظيف عادي
لكن اذا بدا بالرش وما قدرت توفرله نثيه ممكن انها تسويله او اذا في مجال تستغنى عنه عادي تعطيه لأحد عنده مقدره وعنده نثايا
بس عاد اذا وصلو للمرحله اللي عندي ما ينفع كلش ولا اقدر استغنى عنهم بصراحه فا لابد من العمليه

 

[angel94bloushya]

ضدددددد
لان الدكتور مستحيل يحس بعوار القط حراااام
راح ينحرم من اشياء واكبد راح يضايق مثل ازاله رحم الام راح تحس بضيق والم ترى الحيزان يحس مثل الانسان
وانا اشوفه فعل قبيح شنيع يعور القلب والله اللي مو قد تربيه القطط لا يشتري احسن اوك

 

[aromsha]

انا ضد العملية
لانها غريزة وفطرة الله خلقهم جذي

واللي شرا او بيشتري لازم يحط اباله ان هالقطو او القطوة الصغيرة راح تكبر بعد اشهر وتطلب الزواج
ويسأل نفسه اقدر اكون قد هالمسؤوليه؟
اذا جوابه لا او متردد فمالها داعي من الاساس

يعني اللي رايهم انهم مع العمليه ليش يا حبيباتي شريتو القطو ومافكرتو شبتسوون بعدين لما يطلب التزاوج

الواحد مايعترض على خلق الله ولايغير في خلقه

وبس سلامتكم

 

[angel94bloushya]

انا مع اختي ارموشا صحو كلامج والله اللي مو قدها لا يشتري من اول

 

[3w!Shni]

انا عن نفسي سويتها حق وليدي لما كان عمره ست اشهر

وهو انسب عمر مثل ما قالي الخبير فهد النظر ..

و الحمدلله مرتاحين ..

وقبل لا اسويها سألت شيوخ بالكويت والسعودية ..

ناسية منو بالضبط .. بس قالولي يجوز وعادي

لاني قلتلهم ان انا ابي اسويها عشان يتم عندي وماضمن اني اعطيه حق ناس يهتمون فيه مثل ما انا اهتم فيه..

قالولي لا باس ...

ولا متن ولا صارت ايييي مشكلة ..

بس لازم بعد العملية تودينه تطعيمات على جم يوم و تعطينه ادوية لمدة اسبوع و خلاص ..

حبيبي فديت قلبه ..

وزنه و صحته طبيعيين الحمدلله

 

[Qـويتية]

أكييييييييييييييييييييييييييييد 100% مع العملية !!! ناس يقولون حرام وما يسير تحرمين القطاوة من التزاوج ومادري شنو ! بس لو فكروا فيها شوي بيشوفون إن هذا لمصلحتهم ولمصلحة حيواناتهم والحيوانات الي برا !!! بس لي يابت قطاوة صغار وين بتحطهم ؟؟؟ إذا بتتحمل مسؤوليتهم اوكي لكن إذا ما تقدر عليهم ناس بتبيعها وتتاجر فيها وناس بتشتري وبعد وقت يقطونها أو يبيعونها للمحلات ومشالله المحلات وغير المحلات مشغلين الحيوانات مكاين تفريخ وكل ما زاد التزواج زادت الحيوانات الضالة في الشوارع، تتعذب وتيوع وتعطش وغير المعاملات السيئة من طق وتعذيب وكل شي !!!! وايد وايد غيره بعد من أسباب .
​

 

[شربـــات لـــوز]

لا لا لا كلش الا يويو

بس يطلب انييب له الف نثيه :eh_s(3):

واااي فديته اسم الله عليه

ههههههههههههههههههههههههه
ضحكتيني انوارو توني اقرا الي كاتبته
ايي عين السيح هذا ههههههههههههههههه
يااحلاته
بس ان شاءالله قريب بسويله العمليه

 

[miss Mk]

لا معارضة للعملية

السبب مادري موحاطة ابالي سبب هههه

 

[cute katkota]

بنات انا بقولكم الحقائق وانتو حكمو بنفسكم اذا هل عمليه زينه لصحة القطو ولصاحبه ولا لآ

هالموضوع واااايد كبير وراح اجزء ردي بجزئين، بقول اللي شفته وعرفته والنتيجه راح تبين.


انا وااااايد فكرت بهالموضوع وقريييت وااايد وسآلت وااايد واكثر مراجعي كانت من مواقع اجنبيه وناس خبره بالقطاوه ويهتمون بصحة الحيوانات، والحيوانات ومن الناس الللي يولدون ويزاوجون ويبيعون الكتنس ولهم خبره كبيييييره ومراجع كبيره، انا بقولكم عن حقائق علميه اثبتوها الخبراء من بره اللي سوو مليون اختبار وعارفين شنو يضر وشنو يفيد.



انا الحين ماعندي قطو او قطوه بس انشالللله قرييب راح يكون عندي وفكرت بهالموضوع قبل لااخذ القطوو، بعد اللي شفته وعرفته العمليه اهي القرار الصح لصحة الحيوان ولصحة صاحبه




الحقائق اهي،، القطو اللي ماسولوه هالعمليه راح يكون عصبي وله مودات ساعات يصير شرس ويشمخ، ويصير مزعج يحن يبي يتزاوج، ويبي ينحااااش، من جذي اذا القطو بوقت الشبق يسمونها heat كله يوخرونه عل بيبان لانه راح ينحاش عشان يدور له نثيه يتزاوج معاها،،،
والقطو بهالحاله يرش بكل مكان ( تكرمون البول) راح يرش بكل البيت عشان يحدد مكانه وعشان النثايا يشمون الريحه وايوون عشان تزاوج،،،
وفوق هذا كله اذا ماتزاوج يصير شرس ويمكن يصير له اكتئاب ويسوي اشياء غريبه يتحرش باي حيوان ثاني او بالانسان لانه هاايج،،
بناااات اللي يتكلمون بهالموضوع بس كرد بدون فهم هالعمليه لايحطون نفسهم بمكان صاحب هالحيوان،، اللي تقول خليييه يتزواج اووكي،،
منو راح يقدر يوفرله نثايا طول الوقت؟؟؟؟ واذا ماكو نثيه ترا راح يطلع بره البيت راح ينحاااش ويدور قطوه بالشراع ويتزواج معاها،، سواء عاد رد القطو او لا، لاسمح الله صارله حادث او تهاوش مع قطاوه بره،، او يحوشه امراض من قطاوة بره ومن النثيه اللي تزاوج معاها،، تبينه بعدين يرد البيت؟؟؟ وهذي حالته كل جم شهر؟؟؟؟؟
تبينه يمرض؟؟؟ او يرد مطقوق ؟؟؟


بنااااااااات اللي مو فاهمين هالموضوع تدرون بره وبامركيا بالاخص هالعمليه من احسن العمليات اللي يوصون فيها؟؟؟؟؟؟؟؟ الدكاتره نفسهم والموؤسسات الحيوانيه والبرامج للحيوانات،

قطاوه عدددهم زاااااد ومنو بيتكلف فيهم؟؟ ترا مو الكل راح يتبنى القطاوه الصغار ويعيشها اب بيته؟ منو بيوكلهم؟ منو بيعتني فيهم؟ ماردهم راح ينقطون بالشارع وراح يموتون من الامراض ومن اليووع!! تبونها جذي يعني؟؟؟ احنا قاعد نتكلم بمنطق،،،
في دراسه حاطينها ان القطو و القطوه اذا تزاوجو لمدة ٨ سنين اكثر او اقل راح يطلعون قطاوووه بشكل ماتتخيلونه رقم خيالي بس والله ناسيته بس انصددمممت!! هذا من زوج واحد بس !!!

وبعد معلوومه حييييل قويه عشاااان تفهمون قصدي،، بره بالدول الاجنبيه وبامريكا بالاخص الملاجآ للحيوانات ماقامت تكفي القطاوه العدد خياااااالي،، وتدون شيسووون كل سنه؟؟؟
كل سنه يذبحون القطاوه بالميرسي كلر، الابره اللي تنوم !!! يذبحون ملاييين القطاوه لان مالهم مكان وماردهم راح يموتون !!!

مو حراااااااام جذي؟؟؟؟؟؟؟؟؟ واللللله حرااااااااام...

مو ينولدون وعندهم روح ويكبرون ويعيشون اخرتها يموتون من يوع ومرض او يذبحونهم؟

واللله شي يقطع القلب، عل اقل قلللي من هالماساة مو تزيدينها،،

اذا قطوج كل شوي طالع بره والنثايا اللي بره حملو تدرين جم قطو راح يطلع على هالدنيا؟؟؟؟
واخرتها راح ايووعون ويعيشون حياة تعيسه ويتشردون ويموتون..


وفوق هذا هالعمليه واااايد زينه لصحة القطوووو، لما لحين مالقو اعراض جانبيه الا يمكن يمكن السمنه لانه راح يكون مرتاح،، صحته راح تصير زينه راح يكون اذكى وينتبه لاوامرج لانه ماراح يفكر بالتزاوج ، مراااح يرش ويوسخ، راح يرتاح ويريحج معاه، اكله راح يتعدل، شعره راح يتعدل مزاااجه، مراح يصير عصبي،،، كل شي راح يكون للاحسن،،،

والللله اكثر من برنامج عن قطاوه انا شفتهم يشتكون من قطاوتهم يعضون ويطقون ويشمخون وشرسين ويرشون بمكل مكان ويتهاوشون مع القطاوه الثانين لانهم مو مسوين هالعمليه،، وتدرون الخبير اذا سمع كلام صاحب القطو وعرف انه مو مسويله هالعمليه يعصب ويقوله سوووله العمليه باقرب وقت حرراااام عليك !!! لانه اهو السبب ليش القطو قاعد يتصرف جذي..

بره الاغالب يسون هالعمليه وسهالات ومحححد ذمها،،، والكل ينصح فيها

 

[cute katkota]

بالنهايه كل الدكاتره والخبراء بسلوك الحيوان والمؤسسات الحيوانه تنصح بهالعمليه،

وترا القطو مو مثل الانسان بيعرف عياله وبيدير باله عليهم، اهو مجرد تزواج وبس، فلاتيبونها من ناحية العاطفه، لان القطاوه بهيمه ماتعرف هالاحساس،


صاحب القطو له مسؤووليه كبيره شلون يعتني بالقطو ويتهم بصحته ويوفرله احسن عيشه واكل وراحه، ويهتم بصححته احنا المسؤلوين عنه، ليش نعذبه ونخليه يمر بكل هذا؟ مو اهم شي صحته هالعمليه ١٠٠٪ مع صحته،،


اذا لج امكانيه او تبين تولدين قطاوه صغاار وتقديرن تتكلفين فيهم، خلااااص لاتفكرين بهالعمليه اصلا"، خلي قطاوتج عايشين ويتزاوجون، بس اذا ماتبين تزواج وماعندج نثايا ولاتبين قطاوه صغار اككيييييد سوي العلميه..



الحين بخصوص النثايا،،،،، العمليه تكون باستئصال الرحم

تدرون القطووه اللي ماتتزاوج شيصير فيها؟؟ تدرون شكثر امراض تحوشها لانها ماتتزواج،
اول شي تحن بشكل ماتتخيلونه، تطلع اصوااااات عااااااليه عشان تنادي و تسمع القطاوه الذكور الللي بره انها موجوده عشان ايون عشان التزاوج، تتحرش بحيواانات ثانيه او بالانسان !! وبعض القطاوه ترش !! تخيلووو! النثايا مايسون جذي بس بهالحاله يرشون !! يحوشها اكتئاب وتصيير وحيده او تخااااف وتصير شرسه وتتعذب، اهي نفسها ال heat فتره الشبق،،، بنات مابي ادش بتفاصيل عميقه. بس القطوه النثيه اذا ماتلقحت ماتزاوجت رحمها يتعب حيييييييل، وتحووووشه امراااش خطييره منها التهاااب وتقييح الرحم اللي مووت، شكثر قطااوه ماتو من هالمرض،

والقطوه تبي تنحاش باي طريقه تبي تطلع بره عشان تروح عند الذكر وتصير عملية التزاوج،
سواء ردت او لا مابي اذكر نفس الاشياء اللي ذكرته للذكر لما ينحاش، يمكن تموت، ترد مطقوقه خاايفه، او تدعمها سياره. وتاخذ امراااض من القطاوه اللي بره ومن الذكر،،
وفوق هذا اذا ردت احتمااال كبير راح تردلج حاامل من قطو شارع !!
يالله عاد الحين تحملو المسؤلويه، راح تولد وتيب قطاوه صغار حزتها شبتسوين فيهم؟؟
راح نرد على نفس اللي ذكرته قبل،
هذي مسؤوليه واحنا محاسبين جدام اللله على هالارواح اللي قاعد تموت بسبتنا،،

فكرو فيها عدل وكل شي راح يصف مع هالعمليه مو ضدها،،


انا قلت وكررت اذا لج امكانيه انج توالدين وتتحملين مسؤليه كل روح تطلع اوكي، خليهم يتزاوجون ويتوادون ولاتسوين لهم اي عمليه، بس الاغلبيه يبي قطو واحد مو اكثر من جذي العمليه راح تفيد..


هذي جزء من موضوع وراح احط اللللنك عشان تقرونه بالكامل لانه طويل بس وااايد مهم

بطرح اليوم موضوع مهم .. وخاصة لمربي الإناث من القطط اللي هو "التهاب وتقيح الرحم"
المصطلح العلمي له بايوميترا Pyometra

Pyo تعني قيح او صديد
metra تعني رحم



ماهو البايوميترا ؟
*بايوميترا باختصار هي رحم ملتهب ممتلئ بالصديد.

هو عدوى تصيب الرحم وتهدد حياة القطة "الغير معقمة", البكتيريا بالرحم ممكن
تعبر لمجرى الدم وتسبب تسمم,تؤدي الى الوفاة في أسوأ الحالات .. لذلك يجب البدء
بعلاجه بسرعه وبقوة بعد عملية التشخيص.

* مجرد اصابة القطه تعتبر حالة طوارئ ويجب نقلها للبيطري بسرعة.



السبب ؟

بعد انقضاء فترة دورة الشبق عند القطة تكون بطانة الرحم اقل قابلية لمحاربة العدوى
البكتيرية , وبذلك تتكون العدوى بالرحم ويبدأ الالتهاب.

* تعتبر عدوى ثانوية تظهر بعد تغير هرموني عند القطة "أي بعد دورة الشبق"

للتوضيح اكثر : بعد افراز هرمون البروجيسترون , تبقى مستوياته مرتفعه عند القطة
لعدة أسابيع ,لتحفيز بطانة الرحم فتزيد سماكتها استعداد لاستقبال الحمل .. اذا لم يحصل
الحمل لعدة دورات شبق متتالية "اي طلب تزاوج" سمك بطانة الرحم يستمر بالتزايد
فتظهر cysts وهي اكياس صغيره تغطي بطانة الرحم وفي هذه المرحلة تسمى الحاله
cystic endometrial hyperplasia تبدأ هذه الاكياس بإفراز سوائل والسوائل تصنع
بيئة خصبة لنمو وتكاثر البكتيريا .بالإضافة الى ذلك زيادة افراز هرمون البروجيسترون
يضعف قدره عضلات الرحم على الانقباض وطرد السوائل المتراكمة ,وبذلك تزيد نسبة
تطور العدوى.



العلاج،، راح تلقونه مذكور،، طبعا استصال الرحم


هذا اللنك
التهاب و تقيح الرحم "Pyometra"


بنات تدرون شنو النتيجه؟؟؟ بالنهايه شنو<؟

اذا ماقدرتي توفرين تزواج للقطوه راح يحوشها امراض خطيره ومنها اللي ذكرته،، واذا ما سويتيلها هالعمليه حتن راح يحوشها هالمرض !!

بالنهايه لو مسويه هالعمليه وشايلين رحمها من زمان تقريبا عمرها ٧-١٠ شهور جان ما مرت بكل التعذيب والحنه والصوت والنحشه واخر شي تمرض وتموت،،
لو مسوين عمليه الاستئصال من زمان جان القطوه هاديه مرتاحه صحتها زينه اكلها زين مافيها امراض ومرتاحه وتريحج معاها. !!



بنااات انا قلت اسبابي وحقائقي من ناحيه علميه وصحيه واشياء صج تصير، اذا من الناحيه الدينيه انا مكلفه جدام اللله على كل روح تطلع على هالدنيا، مابي يحوش قطووي او قطوتي امراض ويموتون لان انا مسؤوله عنهم وراح اتحاسب جدام اللله. ابي لهم الصحه والراحه،، ومابي اطلع قطاوه صغار على هالدنياا ومحد راح ياخذهم وراح يتشردون ويموتون من اليوع ومن الامراض او الحوادث


انتو حسبو الحسبه وراح تعرفون.... انا قلت اقول اللي عندي وهذا الصج،، السالفه موو سالفة انانيه، السالفه تشمل صحة القطو وصحتج وصحه القطاوه الصغار


اللله اعلم بشنو الصح، بس انا اذا نظرت على النقاط اللي ذكرتها ماعتقد الللي قاعده اسويه حرااام؟
بالعكس حافظت على صحة الحيوان والحيوانات الثانيه وماطلعت ارواح ماتو بسبة تزواج قطاوه

 

[♥Pink♥Cat♥]

لكن اذا بدا بالرش وما قدرت توفرله نثيه ممكن انها تسويله او اذا في مجال تستغنى عنه عادي تعطيه لأحد عنده مقدره وعنده نثايا
بس عاد اذا وصلو للمرحله اللي عندي ما ينفع كلش ولا اقدر استغنى عنهم بصراحه فا لابد من العمليه

عندي رآغ دول عمرهـ 9 شهور بدآ يرش من شهر ونص أو شهرين تقريبا ☹
وألحين زآد وجنني ووسخ البيت :eh_s(2):

أبي أسوي له عملية إخصاء وأبي دكتور شآطر إذا تعرفين ☻ ​