عمليات الشفط + الشد في مركز البابطين

[سنيكر و مارس]

السلام عليكم يا بنات

بغيت أسأل في أحد جرب عمليه الشفط والشد في مركز البابطين

لاني مره شفت مسوين لقاء مع دكتور في مركز البابطين


على فكره ترا يسوونها ببلاش فأنا مستغربه عيل ليش البنات يسوون بالخاص ؟؟؟؟؟ :0bee2e8d89:

وشكووورين مقدما ....​

 

[نور الكويت$$]

للرففع عصله ولله الحمد

 

[مهموومه]

انا اصبعي وانا صغيره انقص من الباب
وحولوني للبابطين للتجميل وترا اهو شكله الحمدلله والشكر خايس ومأثر على نفسيتي تخيلو اول مادخلت
على الدكتور قالي اقدر اسوي تجميل بس انا مابي يقول انا مخي يقولي انتي مومحتاجة تجميل
تخيلو وبعها بفتره بسيطة شفته بمجلة كاتب انا اسوي عمليات تكبير وشد الصدر قعدت اقول حق امي اي اكيد عمليتي ماتسوى لانها شي مومهم الشد والتكبير اهم وترا اهو دكتور معروف حيل

 

[أم حوور]

حبيبتي البابطين صج يسوون عمليات شد وتجميل بس والله يبيلج واسطة عشان العملية




وفي وايد بنااااااااااات سووا عندهم على اساس فتاق


او العملية القيصرية كانت غلط




وتراني ما ابالغ بالحجي




اقولج يبيلج واسطة وشوفي شنو الحجة ولا العذر للعملية

 

[سنيكر و مارس]

مشكورين للي ردوا علي

بالنسبه للي قالوا يبيلي واسطه انا دقيت عليهم وقالولي اي عادي نسوي لج وقالولي حتى في ناس من الجهرا تجيهم ويسوولهم ببلاش ومن غير واسطه

بس انا اقصد مستواهم مو مثل المستشفيات الخاصه ؟؟؟؟؟؟

عشان جديه الناس تروح للخاص بدل البابطين اللي بلاش ؟؟؟

 

[futooosh]

ما انصحج تسوينها ببلاش حط فلوسج بالشمس واقعد بالظلال المستشفيات العامه تخوف مافي اهتمام مثل الخاص

 

[أم حوور]

لا والله في دكاترة ممتازين بالبابطين




دكتور هشام



دكتور جمال عبدالقادر



وفي دكتورة ماني ذاكرة اسمها بالضبط بس اهي دكتورة كويتية

 

[كويتيه عسوووله]

السلام عليكم
أنا عضوه جديده معاكم والموضوع يهمني وايد
أنا ودي أسوي هالعمليه بس شلون؟

 

[ام بنتها]

يسوونها للحالات المحتاجه
يعني مثلا وحده جسمها حلو و ما في اي عيب بس عندها كريشه صغيرونه ما يسونلها
اما اتي وحد ضعيفه ووالده اكثر من بطن و بطنها صاير جلي و ما يترقع و حااولت برياضه و ما فادها و سوت رجيم و زااد الترهل هذي يسوولها

و دكااترة البابطين ما عليهم كلام و اغلبهم عندهم عيادات خاصه و ايوون البابطين الصبح و المسا يكونون بعياداتهم الخاصه و منهم د عماد النجاده و غيره وغيره وايدين

يعني انتي و حاالتج بس عييبهم الوحيد طوول المواعيد و كثرتها يعني موعد عشان يحطلج موعد و موعد يشوفج الدكتور و موعد يشوف الدكتور الثاني و مو عد حق الدكتور الثالث و موعد عشان يقول وافقوا و موعد وموعد و موعد و بالاخير موعد عشان يحدد موعد العملليه عاد شوفي متى :ch12:
بس اذا لج بارض و محتااجه للعمليه و ماعندج حق الخاص روحي

 

[ام فجر]

مشكوووووووووووره

 

[ام عيالها الغاليين]

حبيبتي أصلا أنا وايد أسمع إنهم زينين ومافي أحد شكى منهم بس مواعيدهم جدا بعيده
وإذا إنتي بتقارنين الحكومة بالخاص طبعا لأ لأن الخاص غصب عليهم الخدمة بتصير ممتازة لأنج داخلة بفلوسج ،،فأما الحكومة الله يعينهم على الزحمة وبلاش من غيرماتدفعين ولافلس يعني العملية اللي ممكن تكلفج بالآلاف عند الخاص فعندهم ببلاش

 

[حـــ شمر ـــلا]

في عندكم دكتور عماد النجاده ممتاز بس شنو يعل القلب اللي بتسوي تروح عيادته مو المستشفى لان من صج مادي بس شغله وايد حلو خصوصا في عماليات الفك يعني البنات اللي فكهم عنونو بس عموما بكل تخصصات التجميل ميه ميه ع قولة الموظفه ايده ملفوفه بحرير

وفيه دكتوره مصريه جن اسمها صابرين بس شنو تمدحها بالشفط والشد ماعليها كلام​

 

[coolq8]

البابطين عندهم إمكانيات أحسن من الخاص بس مواعيدهم بعد سنة

 

[سنيكر و مارس]

مشكوووووووووووووووووووورين كل اللي ردوا علي

صج حيل فدتوني ماقصرتوا

 

[جوجو.]

يبيله واسطه حبي

 

[shams2008]

اب اب اب

 

[ام سلوم DoDo]

اي حبيبتي يسوون تجميل ودكاترتهم احسن دكاتره بس مثل ماقالولج البنات لازم واصطه او تكون العمليات للاولويه
يعني العيب اللي فيج مثل الكرش او الصدر فعلا محتاج عمليه يقارنون بينج وبين المرضى الثانيين وقولو منو المحتاج اكثر
وعملياتهم مضمونه لا تصدقين اللي يقولولج انهم اي شي
كفايه انهم يسوون عمليات تجميل حق الحروق والاطفال المولودين مشوهين

 

[حضن امى]

رد : عمليات الشفط + الشد في مركز البابطين

لا واسطه ولاشى روحى المستوصف اللى بالمنطقهواخذى تحويل لمستشفى البابطين وبعدين وروحى للمستشفى وعند السستر هناء هى نفسها خايسه شوى بس تحمليها وقولى لها ابى موعد عند اى دكتور تبينه
وانا ارشح الدكتور عهدى البدر
وراح تشوفين الانسان هذا قمه بالاحترام والادب وقولى له مشكلتج وراح يساعدج
والجناح والله انى قاعده بالخاص كل ربع ساعه يطلون عليج ويمسحون جسمك ويغسلونه ونفسهم حيل حلوه
جربى موخسرانه شى

 

[@سوسن@]

رد: رد : عمليات الشفط + الشد في مركز البابطين

لا واسطه ولاشى روحى المستوصف اللى بالمنطقهواخذى تحويل لمستشفى البابطين وبعدين وروحى للمستشفى وعند السستر هناء هى نفسها خايسه شوى بس تحمليها وقولى لها ابى موعد عند اى دكتور تبينه
وانا ارشح الدكتور عهدى البدر
وراح تشوفين الانسان هذا قمه بالاحترام والادب وقولى له مشكلتج وراح يساعدج
والجناح والله انى قاعده بالخاص كل ربع ساعه يطلون عليج ويمسحون جسمك ويغسلونه ونفسهم حيل حلوه
جربى موخسرانه شى

............................................

لا واسطه ولاشى روحى المستوصف اللى بالمنطقهواخذى تحويل لمستشفى البابطين وبعدين وروحى للمستشفى وعند السستر هناء هى نفسها خايسه شوى بس تحمليها وقولى لها ابى موعد عند اى دكتور تبينه
وانا ارشح الدكتور عهدى البدر
وراح تشوفين الانسان هذا قمه بالاحترام والادب وقولى له مشكلتج وراح يساعدج
والجناح والله انى قاعده بالخاص كل ربع ساعه يطلون عليج ويمسحون جسمك ويغسلونه ونفسهم حيل حلوه
جربى موخسرانه شى

اختي انتي من متى مسويه العمليه ؟؟وشنو سويتي بالضبط ؟؟ واشلون شغلهم ؟ومتى سووها من بداية مراجعتج صج تطول تاخذ سنه المواعيد ؟؟
الله يعينج على اسئلتي بس جد متشوقه اسوي الصدر حدي متعذبه :eh_s(2):