عمليات التجميل للأنف

[3asoolakuwaitia]

سلام عليكم يا بنات المنتدى الحلوات:68_asmilies-com:
أنا حابة أفتح موضوع الكل يحبة
أنا متأكدة_03BA:
عمليات تجميل الأنف
يعني كل وحدة مسوية عملية تجميل أنف أو أحد من أهلها مسوي تتكلم عن هالتجربة
طبعا اللي حابة تعرض صور عمليتها تعرضهم لو حابة و اللي عارفة دكتور شاطر هما تعرض خبرتها

أنا وحدة حابة أسوي عملية تجميل حق خشمي بس وايد خايفة
انشاء اللة تفيدوني و تفيدون غيري عن تجاربكم:gathering:

وحدة من اهلي سوت عملية عند دكتور على ما أعتقد اسمه عبدالمحسن جعفر
خشمها زين شكله طبيعي بس مو حلو

الزين في عمليتها ان مكان الخياط ما يبين

 

[3asoolakuwaitia]

أفا بس أفا يا بنات المنتدى

ولا وحدة ردت علي حرام عليكم انا زعلت خلاص

يعني الحين تبون تقنعوني إن ولا وحدة هامها الموضوع؟؟

 

[AFRoDiT]

عبدالمجسن جعفر وايد ماااددي ..

جمال الحربي زين بس بطل يسوي عمليات

اذا صج تبين تدشين العمليات وانتي متطمنه روحي حق صادق بوور في ايران-مشهد

اذا رحتيله لاتخافين ولا تحاتين شي أصلاً ..

نص بنات الكويت عنده

 

[soo_soo]

حبيبتي حراام تغيير خلقة ربي

 

[kekoh-87]

ثانكس حبيبتي وموضوع وايد حلوشوفي انا بتكلم عن ثنتين اول وحده بنت جيرانا امبيه سوت عملية تجميل وخشمها ماكان فيه شي والله شكله مبين مو طبيعي صج انه مو بايخ بس لما تشوفينها مادري شلون تحسين شي غريب و مو طبيعي طبعا استحيت اقولها شي
وثاني وحدة صديقة لي من ايام المتوسط كان عندها عظمة بخشمها مثل امل العوضي والاسبوع اللي طاف شفتها بدوامي مشالله عليها صج حيييييييييييل متغيرة وصايرة وايد حلوة اهيا اساسا من قبل حلو بس هالشي كان مخرب عليها واحس اللي مثل حالتها لما يسوون خشمهم عادي مو حرام ويحلوون بعد .. ادري قرقت وايد بس نسيت اسألج انتي شلون شكل خشمج لأنه حرام يمكن ماله داعي تسوين لانه في وايد بنات سوو وتحسفو

 

[بهاء]

شوفي حبيبتي انا صراحه مومسويه بس بنات العايله واايد مسوين
بس احلى شيء اللي مسوين عند د ميشو
عاد اعرف انه بالسالميه يم ليلى جاليري او يم الفنار ما ادري البنات انشاالله يفيدونج .

 

[نانو الشيطانه]

نصيحة من اخت : لاتسوي العملية الا اذا كنتي متعقده من خشمج ومسويلج تأزيم

انا سويت وتحسفت
تقدرين تقولين حاسة الشم اختفت .. والتنفس صعب جدا
ولما تتنفسين يطلع صوت جنج منشوله

انا سويت عند الحربي الله لايسامحه

 

[حبة شوكولاته]

السلام عليكم
انا سويت عند د. منذر العجمي قبل عشر ايام وللحين مابينت النتيجه بس الحمدلله ماكو الم وماعندي مشكله بالتنفس وانشالله يوم الاربعاء بشيل الجبيره وراح ابلغج باللي يصير ادعييييلي

 

[سندريــــلا]

انا مومسويه بس بنات العايله اغلبهم مسوين بايران عند د بور صادق
بعضهم حلو والبعض لوووعه مفقوص ويبين مو طبيعي , ترا يعتمد على خشم الوحده اذا يحتاج وايد شغل ولا لاْوشطااره وفن الدكتور على ان يسوي لج خشم حلوو و مايبين انه تجميييل

وديري بالج من سالفه التنفس ,يعني لاتسوين العمليه عن دكتور تخصص تجميل بس لااا
سويها عند دكتور استشاري انف واذن وحنجره وتجمييل علشان لا يسكر لج مجرى التنفس

الحين يمدحون د منذر العجمي مادري بعد .. موفقه

 

[سمبوسه وجباتي]

انا وايد متعقده من خشمي وبخاطري اسويها ولمن صارت لي الفرصه ولمن الحين عند اياها خفت لا تتغير ملامح ويهي ما ادري شلون بس بصراحه لمن الحين متعقده منه

 

[^^اليتيمه^^]

انا مسويتها اللبنان وحلو طلع بس للاسف عضمه نسا يشيلها وبسوي عمليه مره ثانيه
ادعيلي:<

 

[جزيلة العطا]

بنات انا خشمي على قولت ابوي سلة سيف بس من تحت اخر الخشم احس نازل على شفتي ما ابي اسوي شي بخشمي بس الطرف اللي نازل خاطري اقصه...
عند منو ؟؟

 

[رشيديه كووول]

اختي الخبله سوت خشمها ولله عاد انها ملكت جمال ومو محتاجه والخشم كان مافيه شي اشزينه ,, المهم راحت سوت خشمها بدون لاتعلم احد سنة 1999م عند الدكتور لاري وخربه لها وصار طايح (تخيلو خشم كنه مافيه عظمة) وتقول بليل لما انام خشمها يطيح علي جنب ,, وعقبها راحتله وخربه ازياده بعدين راحت لدكتور مادري شسمه قالها بطقج ابرة بوتكس بجبهتج عشان يرفعه ولازم كل مايروح مفعول البوتكس تطقه مره ثانيه والحين شكله حلو بس مايسوي عليها البوتكس الي كل شهرين تطقة..............

 

[fatma90]

اختي الخبله سوت خشمها ولله عاد انها ملكت جمال ومو محتاجه والخشم كان مافيه شي اشزينه ,, المهم راحت سوت خشمها بدون لاتعلم احد سنة 1999م عند الدكتور لاري وخربه لها وصار طايح (تخيلو خشم كنه مافيه عظمة) وتقول بليل لما انام خشمها يطيح علي جنب ,, وعقبها راحتله وخربه ازياده بعدين راحت لدكتور مادري شسمه قالها بطقج ابرة بوتكس بجبهتج عشان يرفعه ولازم كل مايروح مفعول البوتكس تطقه مره ثانيه والحين شكله حلو بس مايسوي عليها البوتكس الي كل شهرين تطقة..............

اي مساكين اللي سوو عند لاااري !!! :tomato2: