السلام عليكم
حبيبتي شوفي الياهل يا اما متعلم هالشي بالصدفة يا من التلفزون يا من ياهل ثاني يكون معاه بالمدرسة يا متعلم من الخدامة اذا عندهم خدامة واليهال عموما ما يفهمون شي عن هالموضوع ماعدا انهم يحسون بشي حلو و يخدرهم فيستمرون عليه ويعلمون غيرهم .
بس لا تنبهون الياهل ابد ان هالشي عيب او تصرخون عليه لان راح يعاند او يعصب ويطق او يسويها خشاشي ....وحزتها يتعلق بالعادة السرية طول عمره.
انتي اللي عليج الحين تقولين حق ام البنت شغلة وحدة انها تراقب البنت وكلما بدت البنت تسوي الحركة تناديها بكل حنان وتقول لها خل نلعب خل نلون خل نسوي تركيب خل اقرالج قصة حلوة المهم تحول فكر البنت لشي ثاني يكون فيه وناسة وماراح تتطول السالفة الا وتلقى البنت ناااااااااسية الحركة وهدتها خلااص ...ترى الموضوع عااااادي كل الياهال تقريبا يصير معاهم لفترة معينة وينتهي بس شوية حرص من الام وتنحل المشكلة ان شاء الله .
اليهال بلوه لاتعلموا شي غلط
