عمركم شفتو قطوه ماتبي احد يمسحها اففففف

[بــدويه]

عادي حبيبتي بس انتي لازم تعودينهم عليج ولو هم صغار يحسبونج تلاعبينهم ويلعبون معاج هم القطاوه لعبهم تشمخ هههههههههههههههههه

حبيبتي انا اقرض اظافرها بمقراضه عاديه ومبرد حديد وعادي الوضع ..

 

[ورده حمره]

انشالله يتعودون علي اكثر

غير التشمخ المشكله مرات لما اقرب منهم يركضون ينحاشون

وانا اعرف شلون امسحهم عند الراس او البطن

ادري مايحبون اجيس ظهرهم

 

[sweet cake]

شوفي اذا نامو المسيهم وحكيلهم ظهرهم على الخفيف وتحت رقبتهم وسوي لهم مثل المساج من فوق ظهرها.. حركة المساج هذي تخدرهم..
ولما يقعدون ويعصبون لا تسوين شي وخري عنهم وشوي شوي يتعودون عليج..

 

[sweet cake]

هذا الرابط اللي قالت لج عنه اختي ندوش (Q8_93 )

http://www.sherleyscattery.com/shopping.htm

 

[ورده حمره]

مشكوره يا احلى كيكه ينن الموقع

امس قاعده معاهم طول اليوم الممهم وابوسهم لووول احسهم يقولون شفيها هذي لووووول

بدو شوي ياخذون عالوضع

 

[sweet cake]

اي بعد كملي كملي وقفصيهم على كيفج..
وااااي بموت من القهر مو قادره امسك قطوتي عشان لا اعديها..
امي تقول لا تلمسينها عشان لا تجيها سخونه منج

 

[ورده حمره]

امبيه انتي مريضه ماتشوفين شر حبويه

اي ديري بالج حرام

ادري صعب تقاومين التمسح والتفقص لووول يشوقون

 

[sweet cake]

الشر ما يجيج..
عاد هي بس تلحقني من امس وانا مبعده عنها..
ان شاء الله يوم او يومين واقفصها على كيفي

 

[M!sS*bdLiyat]

الللللللللللللله ابي قطوة

امسح عليها وابوسها والمها وتتمسح فيني اهئ اهئ

 

[Kawaii GiяL]

ههههه حبيبتي ما تشوفين شر انتي تعبانه ؟؟

يا قلبي فديتج فحصي تاكدي اسم الله عليج مو انفلونزا الخنازير والله بهالوقت الواحد قام يخاااف و طمنينا عليج ^_^

ورده حمره حبيبي زيين قامو يتعودون و اليايات اكثر راح يتعودون عليج اكثر ^_^ لا تحاتين

 

[sweet cake]

كاواي لا مافيني انفلونزا ولا شي بس سخونه ورحت للطبيب..
بس مستغله هالسالفه اقول لأمي لا تقولين جيبي شي ترى اكح ولا اعطس فيه واعديكم.. وابوي من امس ما سلمت عليه مابي اعديه..

 

[ღ Prettyღ♥ღWoman ღ]

عاادي اذاكنتي شاريتهم و توهم يدد

لانه اظاهر انتي ما خذتهم من مكان ما يراعونهم عدل تلاقينه حاطينهم بمكان وبس يحطون لهم اكل يعني متوحشين مو متعودين ع الناس

انتي حطيلهم اكل وناديهم وقعدي وكل ما يه احد ياكل مسحي ع راسه واذا انحاش خليج يم الاكل لين يتعودون غصبناا عليهم

واايد كنت اسوي هالشي اذا في قطوه والده ابيتناا كنت احط الحليب وانطر اليهاال يقربون والمس راسهم ليين صار الوضع عندهم عادي بس امهم لانهاا كبيره ماتقرب

ولعبيهم قطي خييط وسحبيه لعند ريولج واذا قربوو مسحي رووسهم هم حركه مفيييده اذا كانوو قطاوتج ع قولتج ينحاشوون

صدقيني مع الوقت يتغيرون ويتدلعووووووووووون علييييييييييج

 

[ورده حمره]

مشكووووره حياتي على هالنصااايح

اهمه بادين يتعودون

 

[lojeeen]

القطاوه صج مزاجيين في بعضاتهم دعله يحبون التلزق و اول ما تقعدين جنبهم كلهم يتخانقون على الحضن هههههههههههه

و بعضاتهم دمهم ثقيل دم ضروسهم انه تلمسين ظهرهم ~~~ الله يذكر سبجوه بالخير من لما كانت اصغيره لما كبرت و بعتها و اهي نفس الطبع هههههههه

بس لا تيأسين حاولي تتوددين لهم و تتفهمين شخصيتهم و هدوئهم و دخلي جوهم بعد
قربي لهم الوقت اللي يكونون فيه نايمين و مسحي عليهم اشوي اشوي و قعدي معاهم مده طويله و راقبيهم مثل ما الأم تراقب عيالها و يصير بينكم تبادل خواطر
ترى القطاوه تعرف من سكوتج إذا انتي راضيه عنهم و تحبينهم أو متأذيه منهم و متضايقه من وجودهم
و كلميهم بصوت هادي و دلعيهم ترى القطاوه اتحب انه تكلمينهم بصوت حنون و ناعم ^^

أما المقراضه انا شريت خوش وحده من مركز سلطان حولي و كانت وايد زينه تقص الضفر بدون ما يتكسر يمكن كان سعرها دينارين و شي

 

[MoonDiamond]

ايه.. في قطاوه ما يحبون احد يمسح عليهم.. مثل الدعله اللي كانت عندي.. تدرين شسويت؟؟!!!

قضبتها الباب الله وكيلج.. شاللي يحببنا بالقطاوه الا حركاتهم وتلزقهم وخفتهم..اذا اللي عندج مثل قطوتي الله يعيييييييييييييييينج وما راح تتغير لان قطوتي من عمرها 3 شهور وصار عمرها سنه ونص ولا تغيرت.. وانا بصراحه اخاف اقص اضافر القطو لو يقطعني ويشمخني ..