السلام عليكم..
أنا عمري دخلت 29
أشتغل متطوعة..وعندي أشغال بالكمبيوتر لرفيجاتي وللمركز إللي أشتغل فيه..
وأنا واجد والله مبسوطة بهالعمر..خصوصا أمي بالنسبة لها إن أجلس في بيتنا أفضل من إن ناخذ أي رجال..لأن رجال الزمن مايتآمن منهم..
يعني في ناس ساكتة عن هالموضوع.
ترى يابنات باقول لكم شي..
خلو هالموضوع على جنب.
والله عن تجربة..كنت دايم لما تجي بداية السنة أقول إن عندي إحساس هالسنة بيتحقق هالشي..وأظل طول السنة على نار..متى ومتى؟
إلا هالسنة بالرغم إني كبرت..وصلت لسن ألح على هالموضوع.. لكن الحمد لله عقلت..
قلت لازم أغير تفكيري لو ماأعيش..لأنه ياخذ مساحة مو قليلة من العقل..
أبي أعيش حياة حلوة..حياة ملكة بعزوبيتها..
يمديك تطوري من مهاراتك..الوقت تقريبا ملكك..ماحد يقاسمك فيه غير أهلك..ماوراك زوج يلح عليك..ولا طفل يصيح..أو ماعندك وقت إنك تهتمي بنفسك..أو تطوري مهاراتك أو ذاتك وشخصيتك..تقدري تكوني لنفسك شخصية مستقلة..بس مو على حساب مصلحة إللي معاك في البيت..
المهم خليت هالموضوع هذا بالذات على رب العالمين وهو في علم الغيب..أهم شي نوكل أمورنا كلها له سبحانه وتعالى..
وربنا يحبنا ترى أكثر مما نحب أنفسنا..
إحنا نحب أنفسنا وودنا نفرح ونلبس هالفستان الأبيض..
بس رب العالمين يحبنا أكثر لأن يمكن هالسنة أو هالوقت إللي نتمناه مو من صالحنا..
مافي أزين من سوات رب العالمين..
وإللي يسويه فيني ربي حبيبي أني راضية فيه..
الله يكتب ليكم إللي فيه خير وصلاح لكم ولدنياتكم والأهم آخرتكم..
موفقين يارب
