عمرج ربيتي حيوان معين في طفولتج؟ وشنو نوعه؟ والحين أي حيوان اتحبين؟

[مرت ريلي]

حبيباتي كويتيات شخباركم ؟

انا شخصيا كل شي ربيت بس أكثر شي القطاوة والـ dogs عزكم الله

طبعا كتاكيت عصافير بطابيط سلاحف ارانب سمج كل هذا مر علي ..

بس في أحد كان عنده بومه ؟؟ آناااااااااااا هههه ابوي لاقيها واقفة بالبلكونة
خليناها يوم واحد وتالي طيرناها .. وقبل فترة كنت أبي تمساح ريلي ما رضى يقول باجر أرجع من الدوام ألاقي التمساح طابخ الغدا وناطرني لووووووول

كنت وايد أحب القطاوة لما صار فيني حساسية منهم الحين حيواني المفضل اهو الـ Puppy بس ريلي مايحبهم يقول نياسة وصاج الريال بس ابوي كان المخرب الكبير ههههههه

ناطرة مشاركاتكم يا حلوين

 

[ام_بدر]

والله انا ربيت ارانب وكتاكيت ويبت حيايه بس ماربيتهم ههههههههههههههه توهق البطل تأثرت بلولوة المذيعه الي تقدم برنامج الاطفال وربيت سلاحف سمج اكثر شي ربيت سمج ولي يووووومج اموووووووووووووووووووووت بالسمج واربي فيهم لوووووووول يمكن اييبون لنا زبيدية هاهاهاهاهاهي هههههههههههههههههههههههههههههه وبببببببببببببببببببس موضوع شيق بصراحه يعطيج العافيه

 

[مرت ريلي]

حبيبتي والله يعافيج

اتصدقين انا الحين ما أقدر أشوف السمج تلوع جبدي واذا رايحة مطعم وفيه حوض سمج اعطيه ظهري وآكل ههههههههه عبيطة مو ؟

 

[nero]

انا من صغري احب السلاحف.. كنت مربيه سلحفات مائية وكنت مسميتها مريم؟!؟! مادري ليش...
بس الحين ما اواطن الحيوانات كلها بجميع انواعها من كثر ما شفت الحيوانات الي تدخل بيتنا عزكم الله.. طيور.. جلاب.. فيران.. سناجب.. سحالي.. حيايا

 

[^SwEeTa^]

انا ربيت أشياء وايد

سلاحف مائية و انا صغيره .. كانت ريحتهم خايسه ... و أمي عطتهم حق ولد رفيجتها يومها مت من القهر .. الحين يوم كبرت عرفت السبب ... الريحه الخايسه هههههه ما تنلام

ربيت كتاكيت، و بط صغار كلش و أخوي كان يمسكهم و يشوحهم لين تكسرت ريولهم و سوينالهم جبيره هههههههه

لما رحت الثنوية ربيت جولدن فيش ... ثنتين ... وحده منهم استمرضت و ماتت من كثر ما كانت تاكل انفجرت .. و الثانية .. أخوي راح يغسل الحوض مالها... و كان صيف ... فتح عليها الماي .. كان حاااار و انفاحت مسكينه ... طق علي الباب يقولي تعالي سمجتج صارت شوربه هههههههه

ربيت قطاوه (تيتا و سوسو) لما كنت بالجامعه .. كانوا ينامون وياي بالفراش و ياكلون معاي ... بينا عيش و ملح ... و بين فتره و فتره أطلعهم و أمشيهم بالسياره و أخيط لهم ملابس (الحمدلله و الشكر) و اذا زرت آخذهم معاي

سوسو كان ذكر... انحاش لما ملجت كان يغار علي ... طلع من البيت و ما رد مسكين..

تيتا انحاشت من البيت لما ولدت ... عاد و انا حامل كانت تناقز على بطني و تلعب مع بنتي لما تتحرك ... حبيبتي الدلوعه.. كنت أموت عليها

هذا غير الحمامه اللي لقيناها بالشارع منصابة و اعتنينا فيها لمن ماتت ... ووااايد سوالف

يسلموووو على الموضوع الحلو ... قرقت وااايد

 

[مرت ريلي]

نيرو اشلون يدشون ؟؟ يعني من كيفهم ولا أحد يربيهم ؟؟

 

[كويتيه مذهله 87]

انا اخاف من الحيوااانات
اي شي فيه نبض اخاف منه
قبل كنت صغيره ابوي شرالي كتكوت صغير اوكله واشربه بس ما اجيييسه

 

[أم طه الحولة]

انا ربيت كل شي الا البطابيط والكتاكيت ماحبهم ...
ربيت سمج ويبت حوض كبير فيه 27 سمكة و حيتين ومع الوقت لاحظت ان اكو سمج قاعدين ينشلون ويطيحون على الزرع !! استغربت ولما قعدت اراقب الوضع ولا اكو سمج مفترس بينهم وطلعوا ياكلون بعض !!!!!!!!!!!

وربيت حيايا مائية مرة قعدت مالقيتها بالحوض عبالي منخشة تحت الصخر دورت دورت مالقيت .. دورت دورت مالقيت ..
لما قعدت جدام الحوض اراقب الوضع جان انسدح ولا يم ريلي الحية ميتة !!!!
شلون طلعت من الحوض !!!! ميتة !

ربيت قطاوة ... لونا البنت ولامبي الولد وربيت قبل سنه قطوة كانت بيبي
وطووووووووووول النهار حنة ورنة مياااااااو ومييييييااااااااو كان ودي
اذبحها من كثر ماكانت حننااانة ولما وديناها الطبيب انا وبنت خالتي ..
بالسيارة جلبها هادي وقطوتي تحن !! يبنالهم ماي بالعيادة جان قطوتي تقعد تشرب ماي بالضبط بالضبط

ربع ساعة .... !!!! 15 دقيقة بالتمام والكمال !! اللي خفت انها تنفجر وتموت
ولا انا عبالي القطوة لما تكون بيبي بس تشرب حليب لووول ماكنت اعطيها ماي عبالي موزين هههههههههههه ذنب هالقطوة برقبتي

 

[^SwEeTa^]

أم طه

وااااااااااااي ... وعليه على قطوتج اكسرت خاطري مسكينه معذبتهااااا

************

و على طاري بلعة القطاوة ... تصدقون كانت قطوتي تيتا تحب البطاط و الودجز و الفووووول ... اي و الله الفوووول ... عاد صج كنت شاريتها من واحد مصري هههههههههه تضحك البت الأطه دي ...
بس صج ما خليت عليهم قاصر ... تراب خاص لهم، كورن فليكس خاص حق القطاوة ... أنواع المعلبات و الجياس ملوت القطاوه ... و كانوا يتشرطون يبون هالنوع و ما يبون ذاك

 

[nero]

لا احد يربيهم شلون يدشون بروحهم...
اخواني كلهم صبيان وكل واحد يحب له نوع ويربيه

 

[مرت ريلي]

لوووووووووووووووووووول تيتا ؟؟؟؟؟؟؟؟؟؟؟؟؟؟

اسمها حده كاااااااااااااااااااااااااااااااااااااك

لا انا جلابي حشاكم كان اسمهم blanket و pillow

كانت آخر مرة اربي فيها شي قبل لا أتزوج

كان نوعهم japanese spitz

اللي يسمونهم اللولو عرفتيهم؟ حدهم كيوووووت

 

[حصة]

هههههههههههههههههههههههههههههههههههههههههههههههههههههه اول شي ام طه الحولة هذي شنو امبي صورتج عجيبة شكلي ببوقها منج ههههههههههههههههههههههههههههههههه امبي شنو ملبسينها ملكة جمال او شي خخخخخخخخخخخخخخخخخخخ

المهم ما طاح الا امبطح انا لهيت بحبيبتي ام طه ونسيت الموضوع

<------------ نرجع حق محور حديثنا "صادوه"

<---------- بس جبي وتكلمي عاد

احم احم

المهم والله انا كل شي ربيتة حتى خروف بالمزرعة كان عندي خخخخخخخخخخخخ وجلب هندي "عزكم الله" وكتاكيت ودياي وبط وارنب وسلحفاتي بعد قلبي اللي ليومج ولهانة عليها"كانت عبيطة بس احبها" ههههههههههههههههههه والله يسلمج بعد في صخلة صغيرة كانت بالمزرعة وبقرة وهذولا اللي اكرهم لووووووووووووووووووووول ان ذكرت عضو فعال كنت مربيتة اقولج افا عليج ههههههههههههههههه اسألج امي بعد جان مربية حوت وانا ياهل " اييوز اسويها خو انا مبدعة بحياتي " خخخخخخخخخخخخخخخخخخخخخخخخخ والله خوش موضوع بس قلبتي المواجع ذكرتيني بسلحفاتي "كنانووووووو" ههههههههههههههههههههه

 

[$الـــحـــلاوه$]

ياااااي ماا احب الحيوانات استغفرالله
واخاااف منهم ومادري ليش قلبي يعورني اذا مسكت حيوان

قبل بيت خالتي دايم يربون عندهم قطاوه اذا مسكت القطوه من فوووق يممممه احس شعر جسمي كله يكش

مااري ليش..


يسلمووووووو عالموضوع

 

[^SwEeTa^]

مرت ريلي

تيتا هذا دلع سويتا

عند البيطري اسمها سويتا

حلايا البلانكت و البيلو ... لحاف و مخده هههههههه !!!

يلا عاد عن الطنازة

 

[مرت ريلي]

لوووووول القطاوة عاد ؟؟؟

اذكر انا وولد خالي انحط قطوتي عالديرفة ونلف الديرفة حده ونهدها والقطوة وررورورورورورور تلف تلف وتطيح وتنحاش ما تبينا لوووووووووووووووول حدنا اشرار

 

[أم طه الحولة]

sweeta ذكرتيني بالسلاحف انا بعد ربيت سلاحف مائية بس صاجة ريحتهم كارثة !!! بس ماتحملتهم وكان اكلهم ربيان يابس .. المشكلة ان هالربيان يحطونه بالاكل .. لي يومج انا اكره هالربيان والسبة ان سلاحفي كانوا ياكلونه !!!

 

[^SwEeTa^]

وااااي ... أم طه .. السلاحف من غير شي ريحتهم زفره .. هالدور تعطينهم ربيان !! شيصيرووون؟

 

[Pink GirL]

احنا مروا علينا دياجة بط كتاكيت ارانب سلحفاة
بس اللي ربيته عدل وحبيته عزكم الله كلب بوليسي (لاسي)
ظل عندنا يمكن 4 او 5 سنين
وفي يوم خدامتنا الغبية كانت ناسية باب البيت الخارجي مفتوح وطلع شوي جان تدعمه سياره يومها انا وخواتي صياح ونياح صج فقدناه

 

[aBoOoRa]

احنا من واحنا يهال نربي قطاااوه

بس مره يبنا جلابه تهبل صغار يونسون بس وايد يلعبون ويحفورن بالحديقه وبيوم غفسو ملوخيه امي وعصبت ومادري وين قطتهم :eh_s(2): :eh_s(16):

والحين كان عندنا قطوه بس توفت الله يرحمك يا بيكاتشو << اسم القطوه

الحين وماعدنا شي نربي بعض لوووووووووووووووووووووول

يسلموووووو عالموضوع :eh_s(17):

 

[أم طه الحولة]

حصة هههههههههه هاذي ملكة جمال القارات اليديدة ..!! بغيت احط صورتها بتوقيعي بس خفت يطردوني لان صورها اباحية شوية .. زوغة صح ؟؟