عمتي تعبااااانه والسبب امي؟؟؟

[a7la_7b]

الله يفرج همها ويريح بالها ويهدي امج ويجزاج كل الخير
انصحي امج وقوليلها ماتخافين اللي تسوينه فيها باجر حريم اخواني يسووونه فيني الله لايقوله

 

[قمر كويتي]

الله يحنن قلب امج عليها وانتي خلج معاها وسايسي امج كلميها بالطيب شرحي لها قوليلها انتي ليش تكرهين عمتي

عمتج ماتشتغل؟؟ اذا تشتغل خل مثلا على يوم تييب اغراض البيت
امج مبين عليها عمتج تقدر تكسبها مثلا تييب لها هديه تساعدها مثلا بماجله البيت حتى لو تشتري ب 5 على الاقل خل تدش البيت جدام امج بشي ماعليه تحملي امج وهم حاولي فيها وشوفي ليش اهي موحابه عمتج ؟؟؟؟؟؟؟؟؟ هل بس علشان مصرفها والا في شي ثاني :080402ask_prv:

 

[مجنونه هواهـ]

يزاج الله الف خير على فعلج هذا لانج وقفتي ينب عمتج بس حبوبه لا تروحين كله بصف عمتج واسي بينها وبين امج وحاولي يوميا وكل يوم تفهمين امج ان هالشي غلط طلعي عمتج اليمعيه السينما خليها تغير جو روحوا عالبحر انتي وياهاا بسسس وافرشوا فرشه وسولفي حاولي تاخذين معاها بالحوار خلها تفضفض لج الوحده تذبح حيييل وما ترتاح الى وقت تتحجى


الله يسهل عليج امورج وان شاء الله بتتسير الحياة موب موقفه على هالشي

 

[مجنونة اوزان]

قولى حق امج

الحوبة تبطى بس ما تخطى

كلآمج صح
قولي لامج
الحووبة تبطي بس ماتخطي
:eh_s(15):

 

[silky dream]

ذكرتيني بوحده من قرايبي طلقها زوجها والطلاق في عايلتنا صعب
وسكنوها في حضيرة الدجاج الي على السطح رمموه لها وخلوه مثل الصندقه ولا تروح ولا تجي
وغير المعامله الشينه لها من ابوها وامها وخوانها الخدامه احسن منها
ولما تطلقت كان اكبر واحد من عيالها عمره 9 سنوات
تعالي الحين شوفيها
كبر ولدها واتوظف واول شي سواه استاجر بيت واخذ امه عنده وعايشه معه كانها اميره
الصبر والصلاه والدعاء وربي يفرج همها

 

[قموشه21]

وسكنوها في حضيرة الدجاج الي على السطح رمموه لها وخلوه مثل الصندقه ولا تروح ولا تجي
وغير المعامله الشينه لها من ابوها وامها وخوانها الخدامه احسن منها

يارب لاتصخط علينـــآآآ..اذا اللي ماخذته انسان مو كفووو اتعيش معاه ليش.؟.

اذا اهو عافها ..غصب ترمي نفسها عليه..

الاهل ليش ماقدروها وصانوها وحفظوها هاذي امانة عندهم الله عطاهم وبياخذها منهم ..حسسسبي الله ونعمم الوكيـــــــــل

انقههرت .. يااارب .. اسسسترنا فووق الارض .. وتحت الارض.. ويوووم العرض..

 

[دنيا جديدة]

سبحان الله ماتضيق الا تفرج امانة هاذي اللي حاذفينها بالسطح لو انها لا عبة بذيلها كان الله مافتحها عليها
لكن شكلها صابرة واذاكرة ربها
سبحان الله مااكرمة


اختي ياسمينا قولي لعمتج
بدال لا تشارك بالبيتكم وتقط فية خليها تعزل نفسها وتجيب لها ثلاجة صغيرة وتتجنب امج
قدر المستطاع وكنها عايشة بشقة وانتي ابدن لاتخلينها
والا بذكر الله تطمئن القلوب
وزي ماقلت الاخت بنفس الوقت لا تقهرين امج
اللهم اني كريمة اكرم ضيوفك فهذة ضيفتك ياكريم اكرمها وكون في عونها

 

[am faisal]

عجبى على اخوة هذا الزمان نهان وتنتهك حقوقنا باسم الاخوة اى اخ ونحن نقول اخ من الاخ اى سند نلتمسة من اخ تلجمة زوجتة يا اللة ياحياتى يا يسمينا ما ارق قلبك ويا قساوة بعض القلوب قلب ابيك وقلب اخى كونى لها الياسمين وخففى عنها مرارة العيش مع امك حتى يكبر ابنها ويعزها من ذل ابيك

 

[هيا349]

مره ومرتين وقولي لها حطي نفسك مكانها وعيدي مره ومرتين

 

[.. آبيك لي ..]

يَ قلبي عليهآ
أشوآ آنج عندهآ لولآج جآن علوم ,

حيآتي كلمي آمج مره مرتين قوليلهآ كم كلممه خل تحس فيهآ
أبووج آقضبيييه كلميه مآينسكت عن هآلوضضع !

ودربآلج عليهآ وطمنينآ

 

[حظ من عنده انا]

امج ماتخاف من ربي يقدر يسسلط عليها اللي اقوى منها

لاتاخذها العزه بالمعصيه

عمتج مظلووومه خل امج تخاااف من دعوة المظلوم

لسانها وكلامها الجارح والفلوس اللي تاخذهم من المسكينه

ماراح تنفعها يوم القياامه *

 

[Meyyawa]

مافي وحدة تتمنى تكون احد مشاركتها بالبيت سواء العمة الخالة ولا ام الريل .. بس هم لازم نشفق عليها لا عيال ولا ريل ولا اخو بعد؟ الله يفرج على عمتج بس حاولي بطريقتج توصلين حق امج ان لوما الحاجة ما يات سكنت ببيتنا يعني هالشي ما بيدها وحاولي بطريقتج واسلوبج تبينين حق امج ان الدنيا مو دايمة لحد و الدنيا تدور سواء حق عيالها الي اهمه انتو ولا منو ماكان قريب على قلبها .. خل تخف عليها حتى لو مضايقها وجودها و قوليلها ان الله يمهل ولا يهمل و لها اجر بسكن العمة عندكم .. الله يفرج على عمتج .. بس اذا عيالها كبار خل يحطونها عندهم

 

[..<< ندى الورد >>..]

ناقشي امج قولي لها لو كنت انا مكانهاشنو راح تسوين

 

[ياسمينا344]

الله يشرح صدوركم ماقصرتم ويمكن حطيتوا ببالكم اني بصف عمتي بس لا انا عارفه انها امي واكلمها بالعقل وقلت لها كل الكلام اللي قلتوه بس امي عنيده من 15 سنه ماتغير اللي براسها وعمتي كل شي يخصها امي مخليته عليها يعني تقط بالثلاجه وحتى الصابون الي تغسل ملابسها تشتريه بروحها والمشكله ان امي عند عماتي تبين انها طيبه معها وعمتي ماتشتكي لخواتها اولا لانهم مشغولين ببيوتهم وعيالهم وقبل اشتكت لهم يقلون اي عارفين واصبري والخ ولان مانشوفهم الا بالمناسبات مابي منكم غير دعوه لعمتي اشوفها تنهار كاسره خاطري دعواتكم ربي يفرجها عليها ويشفيها ويشرح صدرها ويرزقها بيت يغنيها عن اهلي والله امي قبل تقريبا 6شهور اخذت اغراضهاورمتها لها بالحوش واهي اللي ردت وجمعتها وردتها للغرفه ادعوا لها وادعوا الله يهدي امي لاتدعون عليها

 

[جناين ورد]

يا سمينا
ماعندي شي أقوله بس ابي أقول
((الله يسعدك ويوفقك بالدنيا والأخره))

 

[قيد آآلغرام]

قولي لامج باجر تدور الايام وماتلقين احد يقعدج ابيته ولا الله باجر يعاقبج فيني
حاولي تخلين امج تستوعب ان الله يمهل ولا يهمل والله يهديها ان شالله ويفرج لعمتج ويوفقج حبيبتي
ولاتخلين عمتج حرام ولا تحسسينها انه كاسرة خاطرج لا عادي حسسيها انكم خوات وميانه صج عمرها كبير بس حرام راح تحس انها كاسرة خاطرج
وهذا الشعور مو حلو كللللش
موفقه حبيبتي

 

[الهنوؤوفـ]

يارب لك الحمد كما ينبغي لجلال وجهك وعظيم سلطانك