دخيل السحاب إن مر يمطر بدون بروق
ترى لي ثلاث سنين من راح ما شفته !
يذكرني ، بـ مبسمه لاجيت أطالع : فوق
وأدنّق .. وانا التدنيق ، مالي بـ معرفته !
أدوّر .. خطأ ، من : ذكرياته عليه حقوق
عشان ، أتعـذّر في : عيـوبه ، ليا عفته!
ولا شفت غير اللي لـ مثل الدموع يلوق
وأعوّد على موضوع ( قلبي وعاطفته)
أحبّه ، كثر : ما سولفو به ، وانا مخنـوق
وأعذرْه ، كثر : ما أحب إسمي بسالفته !
خذاه المفارق من يديني بـ طيب وذوق
[ وحلفني .. إني : ما أخونه .. وحلفته ] !
على أيامه أشفق لـ أي جمعة غلا وأتوق
وعقبه .. ليا سيّر علي شخص ، صرفته !
أحس إني السارق وأحس إني المسروق
ليا هبّ .. من ، صوبه : براد ، وتلحفته !
من الشوق بين الناس أمشي تقل مطفوق
أحسّ .. إني مريته ، وانا مدري وطفته !
وإذا رحت صدفة لـ أي حاجة ولأية سوق
أطالع .. ( يمين ايسار ) أدور ولاشفته !
وأفكّر وأقول بـ قلب ينبض بضيق وشوق
على كثر .. طلعاتي ، ولا يوم : صادفته !
مما راق لي
