رد: على الخير ♥والمحبة ღ اجتمعت قلوب ღ صبايا كويتيات - حياااااااااكم
،
قوووه بنااات
انا جديده بقسم الطبخ
اول شي رحبو فيني :$
انا مادل طريج المطبخ اصلا بس تزوجت ولازم اطبخ خخخخخ
اول شي زوجي علمني ع العيش والدجاج وعمري ماسويت غيره اصلا باول عرسي انصدمت ان العيش ينظفونه عبالي من الخيشه للجدر على طول
بس الي اسويه عيش عادي بماي وملح وفلفل اسود عيش ابيض صارلي 8 شهور ماسويت غيره
وذاك اليوم خذيت طريقة حلوة ومملوحة الكويت والحمد الله ضبط وطلع روووووعه وحيل استانست
وقاعده افتر بالقسم واكتب الخطوات والوصفات وبجرب عشان رمضان قرب مابي اصير رفله
بس بناات انا اكره البصل لاتقولون لي اكليه او لازم مسسسستحيل لو اموت ما احط بصل اكره منظره ولما اعلجه بحلجي عزكم الله ركض ع الحمام ما اقدر ما اتقبله ابد مفكره اعصره مثل العصير توقعون ينفع؟
اي وصج واكثر الوصفات فيها بقدونس وخضروات مفرومه شلون افرمهم بنات ماعرف كلش ؟؟
وان شاءالله بتواصل معاكم دايما بهالقسم
واتعلم واصير ربة منزل يارب
