علموني شسوي الحين

[Esraa.a]

رد : علموني شسوي الحين

البنات كفو و وفوا ما قصروا


استغفر الله الذي لا إله إلا هو الحي القيوم واتوب إليه
عدد ما كان وعدد مايكون وعدد الحركات والسكون

 

[المـــــها]

و الله خرعتيني
جدامج 5 شهور تقريبا
شوفيلج خلطة زويت لشعرج عشان يطول و يصير كثيف اذا تحتاجين
و حطي فبالج صبغه شوفي صالون يضبطها شكثر الصالونات يضبطون صبغات و شغل عدل مايخرب الشعر انتبهي
و حطي فبالج قصة معينة لو على طولة عشان تتميزين و خلي لون صبغتج يكون مناسب لبشرتج و لون جديد و ما يكون فاتح يا غامج أو وسط



لون الأسنان مهم و الأظافر الايد وو الرجول سوي كل شهر بدي كير و منيكير و خليهم نفس الرسمه كل شهر
سوي خلطة تفتيح للوجه و الإيد و الرقبة
عندج كريم الدكوين حلو مع جولسليد يعني ما يضر



الأماكن الحساسة تعودي كل شهر تحفين شيرة
و إذا فبالج ليزر ابدي بس جيكي من سالفة الريحه اللي يقولون عنها ،،، ياريت اللي مجربة تقول لنا !!
و سوي خلطة أم شاهين اللي بقسم العناية جربيها شهر
و في خلطة كريم الدكوين و الفيسودين




الركب و الأكواع استخدمي ملح الحليب و سوي بالبيت حمام مغربي كل شهر
و الشهر الأخير سوي برنامج العروس عندج الشرقية أو البيادر بخيطان حلوين للعرايس




لازم تتميزين بلبسج حطي فبالج هالشغلة
أولا نفنوف ليلة العرس من وين بتاخذينه ؟؟؟
شوفي انجفه أو الدزه أو ديزاينرز أو لابرجوازيه و إذا لج روحه ع الخبر شوفي بدل ناعمه و راقيه


العبايات ذكرت محل الدب بموضوعي لمخحلات مميزة للعروس ،، بالفروانية
و عبايات الخبر حلوة للدوام أو الطلعات




الجناط
محل شاكيرا تقليد درجة أولى



تميزي بكريمج عندج ديور \ ماك \ فورإيفر \ استي لودر كلهم حلوين
الحمر لاااازم تكون ألوان حلوه مميزة و ذربة
عندج فورإيفر\ماك\عروس البحر حمرة سي ري روووووعه





الاكسسوارات
سارة كوليكشن






الصنادل و الشحاطات
حوش السالمية




عطورج خليها قويه \ بارده نوعي
و بخووووورج خليه يفوح برى الشقة : بخور أجمل \ القرشي
دهن عود المرشووود رووووعه رووووعه رووووعه
عطر أول ليلة شانيل 5 روووعه






شوفي جسمج إذا محتاج شي شفط نفخ ههههه
إذا يبي تنسيق ابدي من الحين




دراريع الحموله روحي العربيد و غيري بالموديل و اللون موديلاتهم واحد أحلا من الثاني
و فصلي بعد من مشاغل
او عند خياط إذا لج مزاج
انا ما أحب المشاغل ،،، أفصل من كتالوجات
و الحين نزل سحر الشرق
فصلي قبل العرس بشهرين






خلج راقية و ناعمه بالعرس و مكياجج فخم
عندج حنان دشتي و لمسة فن رووووعه اثنينهم




بدلة عشاج أو صباحيتج شدي حيلج فيها






و هالله هالله بزوجج و أهله هذا أهم شي
تعلميلج جم سلطة على جم حلا على جم طبخة
و الله صدقيني بتتميزين بهالشغلة
يعني ع الغدا أو العشا نزلي معاج صحن سلطة

إذا فاضية العصاري أو المغرب نزلي معاج حلاج و قهوتج



سوي طبق ع العشا


و الله جذي بتتميزين






و لا تنسين حمرج على ألوان دراريعج و عباياتج و بدلج
و لون الصبغ اخذيه نفس لون الحمرة








هذا اللي فبالي




و هونيها و تهون


عندج وقت كافي

 

[حبي لكـ وهـم]

رد : علموني شسوي الحين

امبييه خرعتينا صراحه انا قلت العرس شهر 2

عالعموم ماراح ازيد عالبنات لانهم مااقصروا والله يوفقكم