علمني كيف انساك<<<والعبر منّه

[امل وكلي آمآل]

مع احترامي:
1-الخيانه غير مبرره اطلاقا
2-لوصاير العكس؟ الحرمه هي الخاينه كان وش يكون الوضع؟

 

[مقمش لولو]

فعلا انا متابعته صج ماحبيت اول حلقاته لكن كل يوم الحلقات تنظر وتتطور فى الطرح واعتقد القصه واقعيه

الحريم مايدرون ان الريال لازم تمر عليه نزوه فى حياته لازم يمر بهالشي طبعا وهو لقى هالحلوه اللى تدلعه

وتطير فيه بعكس هدى حسين اللى كانت كل متملله ومبهذله الحوار وانتقاء الكلمات اتمني الحريم يشوفونها

ويستفيدون منها وفعلا كل وحده تزعل على طول طلقنى ماتفكر لا بالعيال ولابنفسها العيال اهم الضحيه البنتين

وحده عانس وحده تبي تتطلق وتاخذ واحد كبر ابوها

كل الشكر لطرح هالموضوع الحلو

 

[اميره1980]

ما شفته بس سمعت فيه
بعد رمضان اكيد بيعيدونه و اشوفه ان شاء الله

 

[ألماس q8]

المسلسل فعلااااا فيه عبر مو طبيعيه
نفس ما ذكرتو بس اللي غاثني ليش الواحد سهل يبيع العشره ويشتت البنات على نزوه
مو كاسر خاطري الا هدى ما قصرت بشي اللهم شكها الزايد

 

[!! D m i r a a !!]

تسلم ايدج فوفو على هالكلام



أضيف عليه :




1: الابتسامه .. وطولت البال


الهام كانت على طول تبتسم .. وحتى لما تتضايق ماتتنرفز عليه .. بالها كان وسيع يعني كانت تتحمل بعكس هدى




2: الصوت الهادي

الهام صوتها كان أنثوي هادي يعني جذااااااااب .. هدى كانت صراخ × صراخ ..




هذا اللي يحضرني حاليا ً

 

[قلبي محمد]

صح كلامج فوفو
المسلسل انا متابعته وبصراحه واااااايد
احس قصته واقعيه واللي تشوف المسلسل راح تستفيد من قصته وايد
وعموما هو المسلسل روووعه والممثلين بدعوا في التمثيل
مشكوووره فوفو على الطرح
صج اني احبج وااايد والله يخليج لنا ان شاءالله داايما

 

[م.كيكه]

لحظه ....لحظه....
حتى لو قعدت ببيتها ....هل هذا راح يمنع زواج خالد اين من الهام؟ام حبه لها راح يخليه يضحي بكل شيء؟

 

[ماريمار الكويت]

صراحه روعه المسلسل يبين للوحده انها لازم ماتهمل زوجها على ابو اليهال شاغلينها وشكاكه وبالدخله والطلعه تساله ودفشه وماكانت تكشخ

والهام كانت نعومه ودلع زوجها ومهتمه فيه
وشفتو يوم الهام الفضاله بعيد الحب شسوت وتجهيزات وشموع وحركات

صج روووعه

 

[فوفو22]

مقارنه بين شخصيات الابطال

الاولى ( هدى حسين )

شكاكه ....صوت عالي .....تهستر بالمناقشه........قليله الاناقه......قليله الادب مع زوجها وقت الخلااااف

متسرعه بالقرار....

الثانية (الهامة الفضاله)
انوثه...صوت واطي.....ما تفتح المواضيع اللي تضيّق خلق الزوج.....تحترم خصوصياته

تفكّر قبل ما تتكلم ....... انيقه ....استقباله يومي بشكل ممتاز

......تحب هواياته....مستمعه له اكثر من متحدثه

الزوج(خالد امين)

يبحث عن الراحه ....والانوثه.....والدلع ....

مع اي انثى سواء زوجه 1 او 2 او عشيقه

فوفو

 

[مشتــآقـه]

تسلمييين قلبي ع الافااده

 

[ELFAD3Ah]

مشكورة على النصايح

 

[{نور الليالي}]

تسلمينــــــــــــــــ


كلام عين العقل

 

[samyah a.o]

كلامك صحيح اختي فوفو بس وش تسوي المره العصبيه الي ماتقدرتمسك نفسهاوقت الهواش والغلط انامن طبعي اصرررررررررررررخ واجيب الأولي والتالي بعدين اتندم عن بعض الي قلته مولأنه غلط لأنه جااااااااااااارح احيانا وصريح في الصميم..........لالفف ولادوران اماإني أتدلع واسوي أنوثه وقت الزعل والله ما أقدر لييييييييييش لأني وبكل وضوح نفس هدى حسين بالمسلسل شخصيتي جديه أكثرمن الازم

 

[aloooya]

ما شفته بس شكله حلو

 

[kuwaitya_zoGaa]

1-ان الزوجه لما يخونها زوجها ........لا تترك البيت ابدا وتزعل وترضي,,,, ببيتها

اسمحيلي انا رايي عكسج ... شفتيها اشلون عطته فرصه وسامحته اشسوي ؟؟؟ رجع لالهام ... واصلا غلط انه المره لما تكتشف خيانه زوجها تبين له ان الموضوع عادي واني سامحتك حتي لو زعلت عليه ... المشكله انه الريال مثل الياهل يقايس على اول ردت فعل علشان جذيه تمادا وتزوجها ..

2-ان اليهال بعد الانفصال لا يتقبلون العيش الا ببيت ابوهم وبغرفتهم ...ولا يتأقلمون ببيت الام

مو شرط معروف ان اليهال يتعلقون بالام اكثر من الابو ووين ماتروح حلو على قلبهم واذا كانت فى مشاكل كبيره بين الزوجين مو بيئة صحيه انه العيال يعيشون فيها لما يشوفون بعين الاب والام الكره بعيونهم

3- ان هدى حسين لا تعمل ولا تملك شهاده واعتمدت على مصروف زوجها الطيار خالد امين وكان كريم معها ولم تحسب حساب للمستقبل
لانه بعد الانفصال تعرضت لازمات ماليه وليس لديها سلاح الدنيا وهو الشهاده ...... انا معاج بهالنقطه

4- الزوج الخائن بصفه عامه يهرب من بيته لما زوجته تحاصره بالتحقيق والسين والجيم (كما حصل للزوجين هدى حسين وخالد امين )ويلجأ الى العشيقه الحنونه (الهام الفضاله )اللي ما يسمع منها الا حاضر وان شاء الله وتستغل نقاط

منو قال ؟؟؟
اذا كان الزوج ندمان ندم حقيقي من قلبه بيحاول يرضيها باى شى مو يزيد الشك اللى بقلبها مثل ما سوا ؟؟
اذا تذكرين اللقطه لما كان بدبي وتساله وينك يقول لها انا قاعد ويمي وحده حلوه ؟؟ ومره تسمعه يتغزل برفيجه ؟؟؟
بصراحه انا استغرب يعنى الزوجه جاكه زوجها من حقها تزعل وتكون لها وقت من الزمن تتعافا فيه من الصدمه وكل حركاتها لها مبررات لانها جاكه زوجها فصارت الثقه معدومه بينهم

 

[لمى...]

المسلسل روعة وأداء هدى حسين قمة الروعة يجنن واداء خالد أمين بعد واااااااااااااااااااااايد حلو

انا وزوجي مانفوت ولاحلقة

 

[أحبك أمي]

بصراحه انا ماتبعت المسلسل
مشكوره على طرح الموضوع

 

[شقرديـه عالطل]

من كلامج باين خوش مسلسل

 

[&موناليزا&]

مسلسل حلوووووو وفيه واقعيه

لكن ردة فعل هدى حسين لمى اكتشفت خيانته وزواجه بالسر ردة فعل متوقعه

 

[حكآية قلب]

صج صج صج صج صج


المسلسل اللي فييييييييييييييييييه عبر ..


وووو تحسيييييييييييين انه وآآآآآآآآآآآقع ..



مو الافلام الهنديه !! بوكريم امبيه موصصج