علاقة كيس الحمل بجنس الجنين

[تعبتوني]

سمعت يابنات ان شكل كيس الحمل له علاقة بجنس الجنين
ياليت اللي عندها معلومات تفيدنا وتعالوا نتناقش في الموضوع ونشوف منو ضبط معاها ومنو ماضبط

 

[lailalaila]

و الله ما اعتقد . كل حمله ولها ظروفها

 

[ام توفي وزنوبه]

ومنكم نستفيد,,,,,,,,بأنتظاركم

 

[تعبتوني]

للرفع

 

[al_gardenia]

والله امي كانت تقول اول كانو يعرفون الوحده اذا فيها بنت ولا ولد بس يطوف عليها اربعين يوم حامل اتنام على الارض وتتحس شوي شوي بطنها راح يبين شي يابس اذا كان مثل الكره بنت واذا طويل شوي مثل المانجا ولد بس لاتجربون بروحكم هذا يبيله خبرة حريم قدامه اذا جربتي يمكن ياذي البيبي

 

[جكورة]

اللي سمعته إذا بين بالسونار كيـس الحمــل هلالي أو بيضاوي ولـــد وإذا كروي بنـــت والله أعلــــم

 

[nonia]

والله أول مره أسمع .

 

[رقي]

مادري والله

 

[احلى كويتيه]

شوفوا من كثر ماسمعت طبقت على عيالي اثنينهم اسم الله عليهم كان هلالي وفي حملي هذا توني قبل يومين سويت سونار كان دائري وواضح انه دائري فاحتمال بنوته ادعولي الله يرزقني ببنوته حلوه وبيضه

 

[donat]

انا بعد دريت بهالمعلومة من وقت قريب و لما رديت شفت سونارات بناتي طلعوا دائرييين و الحين انا حامل وقالت لي الدكتورة ولد و كان الكيس هلالي او طوالي
بالنسبة لي المعلومة ضبطت معاي بس مادري اذا اهيا معتمدة للكل ولا لأ

 

[سوق الجمعة]

ياليت بس على كيس الحمل .. باقولكم بعض الطرق الطريفة ..

ناس تقول وانتي بكرامة حطي البول في وعاء لمدة خمس ساعات اذا ارتفعت الشوائب على سطحه كان ولد واذا ترسبت تحت بنت.. ادري لوعت جبودكم ..خخخخخ


واخذي هذه .. شوفي عينج اليسرى اذا تحت البؤبؤ مباشرة حرف ال y فمعناه بنت واذا مافيه ولد .. بس لا تمصعون عيونكم انتبهوا..

وهاج هذه.. اوقفي قدام المنظرة وشوفي صدرج اذا الحلمة غامقة سودة فهي بنت واذا فاتحة ودار مدار دائرة غامقة فهي ولد.. يازينكم تزلطون عند المنظرة..


واخذي هذه شفتها في برنامج اوبرا ويقولون مضمونة.. تاخذة خيط معلق فيه ابره او سلسلة ضعيفة وتفتحين كف ايدج وتخلينه يمر عليها اذا حركة دائرية بنت .. اذا خطوط مستقيمة رايحة رادة ولد ..

واللي طبقتها انا وهذه عن دراستي الخاصة بس لا احد يسرقها .. اذا توحمتي على فواكه واشياء حلوة بنت .. اذا لحوم وشغلات مالحة ولد<=== دراسة مسويتها على خمس افراد وتقول دراسة ..خخخخ .. بس احسها والله مقياس.. لا تستهينون بقدراتي.. بس المشكلة اللي كل يوم تتوحم على شغلة مثلي كم جنين في بطنها خخخخخ

تعبت اكمل ولا بعد...كخخخخخخخخ


طبقوا وقولوا النتايج خصوصا اللي مسوين سونار ..

 

[al_gardenia]

عاد انا عندي ثلاث بنات وولد وانطره اخو حق ولدي سويت مالت البول وطل الترسبات تحت ونساتي كلها فواكه وكاكاو بقلاوه وبسوي هذا الاسبوع سنوار وشكلها الثالثه ثابته راح يثبت ان بنت

 

[هياوووووووي]

بالنسبة لي على بناتي كان الكيس دائري
وعلى ولدي كان هلالي

 

[sHa6o0ra]

انا بالحملتين طوالي وواحد صبي ووحده بنت ماله شغل

 

[شندوخه]

موشرط اذا تنسن بموالح ولد
والله رفيجتى كانت تاكل الليمون بروحه تدور الحامض والمالح
ويابت بنوته الله يخليهم لبعض

 

[عبير الكويت%%]

اب اب

 

[farina]

شوفي جنس الجنين يتحدد من اول مايدش الحيوان المنوي البويضه و الجيس ماله شغل و اللى يجي من الله زين

 

[om batool]

انا الكيس هلالى بس مادري ولد ولا بنت

 

[شذر الحلوة]

والله ماادري مااعرف

 

[ام نوونه]

ومنكم نستفيد