علاقات الملابس الحديد مو حابه منظرهم ابدااا...

[انفال]

اشلونكم يابنات ...
طبعا تعرفون علاقات الملابس الحديد اللي تكون مع ملابس المصبغه...واعتقد غالبيتنا كباتتهم متروسه منها طبعا معلقين عليها الملابس.. والعلاقات اللي اقصدها مثل اللي بالصورة

فكرت اني كل مده اشتري علاقات بلاستيك وابدلهم بدال الحديد ...اشرايكم بنات واعتقد الفكرة بتكلف ويمكن يصيرالبلاستيك ثقيل ...
مثل اللي بالصورة..

​

عطونا رايكم نورونا[/COLOR]

 

[انفال]

ياسلااااااااااااام على المنظر ...بالذمه مو احسن من العلاق الحديد

 

[زهرااا]

انا ما استخدم الحديد
اشتري البلاستيك من لوازم العايله احسن

 

[أمواج البحر]

انا الحديد كلللش ما احبه

وعلى طول اقطه من اييب الهدوم من المصبغه

دايما اشتري علاليق خشب من ايكيا شكلهم احلى و ما يخربون الملابس

والبلاستيك جق ملابس اليهال

 

[Smarties]

فكرتج حلوة
بــس انا ما احبهم لان ياخذون مكان بالعلاق لان ملابسي وايد و لازقييين ابعض
اذا حطيتلهم العلاق البلاستيك يصير مافي مكان
انا استعمل البلاستيك حق بعض القطع اللي تخترب على علاق الحديد
و استعملهم بعد حق البدل الثقيلة

 

[اوتار الحياه]

انا ما استخدم الحديد
اشتري البلاستيك

 

[MALAAK22]

حدا الحديد اذيه وغير هذا مع الوقت يخترب ويصدي !!
انا اشتري البلاستك من سيتي سنتر وعلاقه حلو يتحرك يفتر علي اي اتجاه تبنه

 

[أم ضاااري]

أنا مااستعملها بالكبتات بس بعلاق الكوي ولما تكوي الخدامة وتخلص اقطها
مااحبها خصوصا اني اخاف منها لانها خطرة

 

[انفال]

مشكوووورين يا بنات عللى ردودكم........
بس تدرون ..على ما اغير كل العلاليق الحديد ..شلحق ..ما شاءالله اشكثرهم غير شذي يبيله ميزانية..
بس شكلي بعتمد كل مده اغير مجموعه...وانا حاليا الملابس الثقيله والجاكيتات الكبيرة والملابس الشتوية الثقيله ..احطهم عالبلاستيك..

 

[انفال]

بس ..ام ضاري شنو خطورتهم على الصحه؟؟
توني ادري ان لهم مضار!!

 

[مدام فاشن]

انا يوم جهزت حق عرسي ويت اخذ هدومي بيت ريلي غيرت كل علاليقي خليتهم خشب اخذتهم من ايكيا بس طلعو موزينين بسرعه الحديده تطلع من الخشبه

ورحت من بو اميه واخذتلي خشب يهبلووووووووون ولا يتكسرون

والحين كل مااروح بو اميه اخذلي 15 حبه يطلعون علي دينار ونص يابلاش

وبصراحه احلى وارتب من العلاليق الحديد

 

[فطوم باك]

مووووفقه

 

[أم ناصر البحرين]

انا اليوم قطيت مجموعة كبيرة منهم في الزبالة الله يعزكم
لأن الحديد مشكلته يخرب الملابس ويصدي ووزنه أثقل من البلاستك
عكس البلاستك، الشكل أحلى + عملي أكثر + يحافظ على شكل الملابس

 

[زلابيا]

ماحب العلاليق الحديد شكلهم على العلاق كلش مو حلو

بين فتره وفتره اشتري لبلاستيك كل مازادت هدومي لوووول

 

[انفال]

حلوه ردودكم يابنات...الله يعطيكم العافية

 

[ميــآســهـ ..!]

وربي قبل يومين قاااطه شكثر علاقات حديد من كبتي

ماااحبها تخرب الملابس وتتشابك وتزهقني .. وكثر ما قط يطلعون لي غيرهم وربي كيس ملياان امس قاطته وخدامتي تقوول حرام ماما !!

مالي غناة عن الخشب واخذهم من الجمعيه .. بو اميه عادي كلها علاليق والسلام

 

[البرن<أنا>سيسة]

انا احب استعمال العلاق الي بمركز سلطان احس جودة

 

[حصووونه]

صراحه احلا علاقات استخدمتهم الخام اللي مبطن اسفنج ماتتعفس الملابس الدراريع والعبايات ولاتاخذ شكل العلاقه بالعكس تضل بشكلها وروعه صراحه اخذته من المعلم حولي حوالي 50 حبه والحمدالله لهم عندي اكثر من سنتين واخذت من ايكيا الدوائر هم مرتب لي الملافع وعندي من ايكيا الل ييصير حق البناطيل يصير تحطين فيه خمس بناطيل فوق بعض واخذت بعد من المعلم اللي فيه مثل الجلاب يقضب التنانير ويحافظ عليها واقفه بدون ماتثنينها وتسفطينها على العلاق تطلعينها وتلبسينها سيده على ترتيبها شحلاته ماستغنى عنهم صراحه..
البلاستيم مانصحج فيه ماعجبوني ياخذون حيز مايتحملون كلش والحديد اصلا حاطه لهم جيس بالمطبخ اجمعهم كل شهر واروح اقطهم بالزباله تكرمين يتكودون من المصبغه..

 

[سمرة كويتية]

والله يا بنات بمركز سلطان فوق في علاليق اشكال والوان .. تحتارون شتاخذون

شي مثل البلاستيك منقط ومعاه كيس شفاف تقدرون تحفظون فيه ملابس (قطعة ثانية)

وعلاليق فضية تلمع وفي الوان تكون اضعف شوي وفي خشب ...
وهم خذيت من ايكيا علاليق ملوت اليهال البلاستيك الوان اعلق عليهم قطع الملابس الصغيرة..
اما علاليق المصبغة احذفهم اول ما اجيب ملابسي من الصبغة.. ويع ما احبهم بسرعة ينعوون ويعفسون الهدوم ..صج بو طقة..

 

[شيهانه]

انا ولا عندي ولا علاق حديد اينرفزوووني .. كله خشب والي غامق اجبه واتكون العصايه مالته امغلفه ابلاستيك علشان الجفسه مالت التنانيير والبنطرونات ما تطلع بالهدووم .. بس شوقتوني على الي بمركز سلطان بس اتوقع غالايا .. واايد مركز سلطان امبدع بالغلا ذاك اليوم غطا الجدر ينباع ابروحه با 4 و ديناريين اشدعوووه !!