علاج زياده الماي عند الحريم

[ابوي دنيتي كله]

السلام عليكم
بنات انا حملت وفجأه بسابع زاااااتد الماي وسبب تشوه للجاهل المهم في وحده قالتلي ان الحريم يعالجون هلشي بدوياتهم واعشابهم تكفون الي تعرف تفيدني والله العظيم لدعيلها كل دقيقه ولاتقولولي الطب رحت وماكوفايده
باللله عليكم تفيدوني

 

[أأأميرة الورد]

اول مره اسمع ان الحريم يعالجون الماي الزايد

ان شالله البنات يفيدونج


الله يسهل امورج ويوفقج

 

[Aloe Vera]

يعني شلون مافهمت حالتج؟
الجنين متشوه و لا الماي زايد حوالين الجنين؟ و لا فيج احتباس بالماي؟؟؟
الله يشافيج و يرزقج طفل سليم

 

[ابوي دنيتي كله]

لا بسابع زاد الماي عندي فوق المعدل الطبيعي وسبب تشوه خلقي للطفل

 

[أأأميرة الورد]

ولدتي ولا للحين ؟؟؟؟

 

[أأأميرة الورد]

ولد اخوووي وهو بطن امه من الثامن اكتشفوا الماي زايد براسه عن المعدل الطبيعي

والله يشاافيه ياارب بعد مانولد سووا عمليه وحطوا براسه بربيش

وسافروا بره لندن يعالجونه وماكو فايده

الحمدالله يااارب اللهم لا اعتراض


الدكاتره يقولون مو بكل حمل تصير هذا من رب العالمين واتوقع من زواج الاقارب

لان مرته تصير بنت عمتي

اتوقع وراثه

الله يشافيه ويشاافي كل مسلم

 

[DivaQ8]

الله يشفيج يارب انني والبيبي
بس شنو السبب ما قالج الدكتور ؟

 

[ابوي دنيتي كله]

الله يشفيه ولد اخوج يارب
انا ولدت الحمدلله من بعد معاااناه والبيبي مات الحمدلله عل كل حال والاطباء قالولي مانعرف السبب ويمكن بيتكرر بحمالاتج الجايه
والله المستعان لاكن يقولون في حريم تعالج الشي والله كريم

 

[أأأميرة الورد]

الله يعوضج يااارب

مرت اخوي اسالت الدكاتره وراجعت قبل لاتحمل

وقالوا مانقدر نسوي لج اي شي وماكو تحاليل معينه علشان حالتها

بس انصحوها بالفوليك اسد قبل الحمل بثلاث شهور

 

[أأأميرة الورد]

انتي اذا حملتي ان شالله راجعي دكتور اول باول واخذي الفوليك اسد وفيتامينات قبل لاتحملين

واستودعيه ربك وارقي نفسج بالقران

وربج كريم

 

[M!SS.LOBY]

الله يسهل أمورج

 

[ابوي دنيتي كله]

لاتقصرون معاي بالدعاء وادعولي ان الله يرزقني ذريه صالحه سليمه ولكم بالمثل يارب

 

[فبيت العز]

الله يشفيج ان شالله فيه وحده سمعت انه تعالجت نفس الشي

وكان الماي زايد وسبب تشوه بالراس حتا انه مايبن بالسونار

الراس مختفي لله الحمد على كل شي يارب

المره اللي تعالج يقولون تعبانه من السكر عشان كبيره شويه

الله يشافيها ان شالله بس دقي عليها انتي وحظج اذا ردوا عليج

بس ترا علاجاتها والله زينه

للحمال والاجهاض وتعالج رياييل بعد ومنهم زوجي كان عنده ضعف وايد

بس الحمد لله

 

[ابوي دنيتي كله]

تكفيييييين ابي رقمها المره واللله لادعيلج من كل قلبي
نااااطرتج

 

[ابوي دنيتي كله]

الحمدلله
استغفر الله
لااله الا الله

 

[قمر 777]

عسى ربي يعوضج ياعمري ويرزقج بطفل سليم يفرح قلبج

 

[قمر 777]

اب اب اب

 

[~Rou7~]

الله يرزقج ويرزقني يارب

 

[ابوي دنيتي كله]

اللهم اميييين
الله يرزقنا بذريه صالحه سليمه كلنا ياارب يارحيم

 

[الـــغـــلآ]

انا اعرف ان اذا كان الماي زايد يكون في خلل بنمو الجنين ف ما ينمو عدل أما الماي يزيد طبيعي


يعني الماي مو اساس المشكله المشكله بالجنين نفسه ..

وبخصوص التشوهات دايما ينصحون بالفوليك اسيد قبل الحمل بثلاث شهور منعاً للتشوهات

الله يعوضج خير يا رب