علاج الصدفيه ياليت اللي عندها فكره تدخل

[فدعة الكويت]

السلام عليكم ورحمة الله وبركاته

قوه بنات شلونكم

الصراحه ماكتبت هالموضوع الا لما تطورت حالة اختي بالصدفيه طبعا اكيد الكل سامع عنها

اول شي بدت بإيدها والحين قام ينتشر بجسمها صار برجلها واكثر من مكان بجسمها

والطامه الكبره انه بادي يطلع بشعرها وماخلت شي ماسوته حتى الليزر

تكفون يابنات اللي تعرف احد صارت فيه نفس الحاله وتشافه لاتقصر

والله ماتدرون شكثر متعب نفسيتها هالشي

والله يعطيكم الصحه والعافيه ولايوريكم مكروه

 

[فدعة الكويت]

 

[noty]

ماتشوف شر يا قلبي

والله مادري يا قلبي اتروح طبيب افضل

ارشحلج دكتور ساهر بعياده الفوزان


و الف لا باس :tek:

 

[ريمه الكويت]

خليها تطلب تحويل عند مركز الحمد الي بالصباح هناك دكاتره جلديه ممتازين وعندهم علاج الضوئي للصدفيه فيه ناس طابو عليه فتره بس رجع اهي الصدفيه تروح وترد وقليل من الناس راحت عنهم كلش وماردت
واشوف بالتلفزيون عند زين الاتات حبوب وكريم خاص للصدفيه فيه ناس دقو يقولون طبنا عليه بس ماادري كلامهم صج ولادعايه

 

[فدعة الكويت]

يابعد عمري والله تسلمون على المرور

والله يعافيكم ولا يوريكم مكروه بغالي

 

[3loooooya]

هلا حبيبتي وماتشوفون شر ان شالله

أول شي قوليلي متأكده ان صدفية ولا مرض ثاني احتمال يكون التشخيص مو مضبوط
ثاني شي اللي فيها يتقشر ويحكها وشنو حجمهم؟
ردي علي وانشالله بفيدج.....

وعسى الله يشافي كل مريض

 

[عاقده النونه]

السلام عليكم

شوفي يالغاليه بنت اختي كان فيها صدفيه

والحمدلله بفضل من الله تشافت والسبب كان من البحر الميت

ولا اهي اول عالجت عند الدكتور ولا نفعها بشي بس ودتها امها وابوها

حق الاردن وهناك تسبحت في البحر الميت والحمدلله خفت عنها شوي شوي

عقب اختفت ولله الحمد اذا ماقدرتوا اتسافرون حاولوا احد يجيب لها ماي من البحر

الميت بس ناس ثقه والله يشافيها يارب

تحياتي​

 

[فدعة الكويت]

الشر مايجيج ياقلبي ولا تشوفينه انشالله

لا هو صدفيه وراحت لأكثر من دكتور حتى ليزر سوت

ويتقشر ويحكها

واتمنى تفيدينا يالغاليه

ويكفي مرورج والله

 

[فدعة الكويت]

عاقده النونه

صاجه والله قالوا لنا عن البحر الميت

وناويه يودونها انشالله

تسلمين ياقلبي

وعسى الله يرزقج بالرجال الصالح اللي يقدرج ويعرف قيمتج

ويوفقج ويستر عليج انشالله

 

[3loooooya]

حبيبتي خليها تروح عند مركز السالمية التخصصي اللي جنب مركز سلطان عالبحر
في دكتورة جلديه وااااااااااااااايد شاطرة ومعروفه بعلاج الصدفية
بس الله يعينج على المواعييد
وبحاول أشوف لج اسمها واسم الدوا

وعسى الله يلبسكم ثوب العافية

 

[ما أروعك!]

انا عارفة معاناة اختج لانها معاناتي انا بعد

الصدفية غالبا تجي من اسباب نفسية فلازم تحاول تبتعد عن الزعل والحساسية الزايدة

ثانيا مرتبطة بالعين "احيانا" فتحاول تكثر من قراءة القرآن وتواظب على الرقية الشرعية

وانا عن نفسي ما خليت دكتور ولا شيخ وسافرت للبحر الميت وراجعت عند دكتور بامريكا بكليفلاند كلينك

ولا فادني شي

افضل نتيجة حصلتها كانت بواسطة كريم اشتريه من واحد يبيع كريم للصدفية والاكزيما

وكنت ناوية اخذه للمختبر احلله واشوف محتوياته بس سبحان الله ما تيسر لي

بس الاكيد انه ما ترك على جلدي آثار ..بعكس الادوية الكيماوية اللي كان فيها كورتيزون

وبالعين المجردة واضح ان التكوين الاساسي للكريم هو "الحبة السودا" حبة البركة

العلبة الواحدة ب 15 دينار ..بعد مرتين او 3 مرات من الاستخدام تختفي الصدفية كأن لم تكن بس لمدة مؤقتة فقط

يعني تضطرين كل شهر تشترين ..والله مدري شبسوي اذا انقطع !

الله يشافينا ويشفي جميع مرضى المسلمين ..والحمدلله من شاف مصيبة غيره هانت عليه مصيبته

اذا تبين الرقم دزيلي ع الخاص

 

[فدعة الكويت]

حبيبتي خليها تروح عند مركز السالمية التخصصي اللي جنب مركز سلطان عالبحر
في دكتورة جلديه وااااااااااااااايد شاطرة ومعروفه بعلاج الصدفية
بس الله يعينج على المواعييد
وبحاول أشوف لج اسمها واسم الدوا

وعسى الله يلبسكم ثوب العافية

تكفين ياقلبي

ابي الرقم واسم العلاج

والله يعافيج ويسلمج من كل شر يارب

 

[فدعة الكويت]

ما أروعك!

جيكي على الخاص حبيبتي

 

[NoWay2know]

انا سمعت انه ماي البحر الميت يعالج هالشي لفترة معينه يروح وبعدين يرجع

 

[الشمريه]

والله هاذي معاناه اختي من زمان ما خلت شي الا وسوته والى الحين على حالها الله يعنيه ويشفيها ويشفي بنات المسلمين

 

[lolee]

السلام عليكم
واللي يعافيج حبيبتي مااروعك بغيت الرقم
انا عضوه جديده بالمنتدى ومااعرف ادزلج ع الخاص
ساعديني جزاج الله خير

 

[3loooooya]

سامحيني حبيبتي تأخرت عليج
ترى المركز تابع حق وزارة الصحه يعني اهوا مستوصف يسمونه مركز السالمية التخصصي يلي عالبحر بس حاولي تاخذين تحويل من مستوصفكم وروحي فوق العيادة الجلدية وسألي عن هذى الدكتورة عند الكاتبات اللي يسجلون المواعيد سأليها عن هالدكتورة وانشالله تفيدكم وانا عن نفسي بسأل بعد.

 

[ما أروعك!]

هلا لولي

اعذريني توني اشوف استفسارج

هذا الرقم

9666872

ولاتنسيني من الدعاء وكل من ينتفع بهذا الكريم

 

[sanyoreta]

ماتشوف شر يا قلبي

انشالله البنات يفيدونج ياقلبي

:tek:

 

[مسك الحلوة]

يمكن هذي عين سوولها رقية شرعية
وعالجوها بالقرآن (سورة البقرة)خل تقراها كل يوم