علاج السيلوليت مهم الدخول

[ورقات]

السلام عليكم

بنات نزلت استفسار عن كم منتج

وطلع البنات مو عرفين محلول كاريان س ونزلت لكم معلومات عنه عشان تعرفون ليش انا مكسره الدنيا ابي احصل عليه هههه

هذا الرابط

http://www.q8yat.com/t1133762.html

وقلت بنزل لكم عن المنتجين الثانيه ايش الفائده منهم

وهذا رابط الاستفسار لاتنسوا تفدوني


http://www.q8yat.com/t1133752.html



المنتجين الثانيه علاج السيلوليت من الاخت عابرة سبيل من منتدي عالم حواء

وبنقل لكم كلامها




خلاصه بحوثاتي كانت .. اكثر الاشياء اللي تجيب نتيجه هي:

- زبدة الشيا ( لها دور في تخفيف الخطوط البيضا و التنعيم)
- زبدة الكاكاو ( لها دور في تخفيف الخطوط البيضا )
- الكولاجين ( يجدد لك طبقة الجلد التالفه )

ملاحظه/ لا تخافون حبيباتي كملوا الموضوع وكل شي متووووفررررررر و يمكن عندكم فالبيت ..
و موجود بالصيدليات و بعض العطارين ..

لقيت زبدة الشيا في لوكسيان - الظهران مول .. بس العلبه صغيييييره ماتكفي شي ..
و بغيت زبدة الكاكاو من بالمرز وما ألقى الا الحجم الكبييييييير ..
و انا مو من النوع اللي اشتري من النت و كذا .. ما احب ..

و تعرفوني حبيباتي احب استخدم اشياء ما تكثر عن 50 ريال .. ولو زاد يزيد بـ شي معقول ..
مو بخل والله .. بس كثير رميت فلوسي على منتجات غاليه ما جابت معي أي نتيجه ..



اللي بقوله لكم ما بيكلفكم شييي .. كل اللي تحتاجونه شيئين:







- كريم ريينيوول ( Renewal ) البنفسجي من فازلين ..
- كريم زبدة الكاكاو و الشيا من فازلين .. ( العلبه المدوره و ليست الطويله ) ..



ملاحظه/ بعض الاخوات يبالغون لما يقولون ريحته تلوع الكبد و بغينا نستفرغ ..
بصراحه ريحته اقل من عاديه .. و اذا تشربته البشره يروح على طول ..
انا اختي تحب ريحته ..










و كريم فازلين المدور يحتوي على ( زبدة الكاكاو + زبدة الشيا ) مع بعض ..







انتبهوا يا بنات انا قلت العلبه المدوره و ليست اللوشن الطويل ..
لان اللوشن يحتوي على زبدة كاكاو و فيتامين E و ليست زبدة شيا ..








يعني الاختصار المفيد هالصوره تعبر ..






----------------

النتايج :

مدة استخدامه:
عندي خطوط بيضا في:

صدري: اسبوعين ونص ..
جوانب بطني: اسبوعين ونص ..
اسفل ظهري (بداية المؤخره): 3-4 اسابيع ..
الفخوذ: 3 اسابيع ..

كيفية استخدامه:
كريم زبدة الكاكاو و الشيا: العصر او الصبح
كريم رينيوول: قبل النوم

حطيتهم بدون لا تدليك ولا مساج ولا شي ..
فقط لين تتشربه البشره و ألبس لبسي

ملاحظه/ اذا بتحطينه الصبح او العصر لا تتعرضين لأشعة الشمس ..
لان معروف منتجات فازلين بالشمس تسمر .. وهذا مكتوب خلف كل علبه ..


الخطوط البيضا:
في اول اسبوع راح تحسين ان لمعة الخطوط البيضا تنطفي .. ثم بعدها بتخف بالتدريج ..

الخطوط الحمرا:
في اول اسبوع راح تحسين ان لونها ينقلب للبني .. ثم بعدها بتخف بالتدريج ..


النتيجه:
صدري: اختفت بنسبة 98%
جوانب بطني: اختفت 95%
اسفل ظهري (بداية المؤخره): جهه 96% .. و جهه 90%
الفخوذ: جهه 100% .. جهه 99%

مدة النتيجه:

صدري: اختفت بعد اسبوعين ونص
جوانب بطني: اختفت بعد اسبوعين ونص
اسفل ظهري (بداية المؤخره): جهه اختفت و جهه بقى لها شوي
الفخوذ: جهه اختفت و جهه بقى لها شييييي يذكر (ما تبان ابد)

ملاحظه/ احيانا اسحب كم يوم لاني اضطر انام خارج البيت وما تكون عندي العلب ..
( ممكن تلاحظين الخطوط تخف في اقل من مدتي انا .. لان كل وحده تختلف خطوطها عن الثانيه
يعني حطوا في بالكم ان الخطوط البيضا اساسا يبيلها 3 شهور لكن الحمدلله جبت لكم شي بأقل بإذن الله)


السعر المستخدم كله:

33 ريال ونص ..

كريم رينيوول: 26 ريال ونص ..
كريم زبدة الكاكاو و الشيا: 7 ريال (العلبه الصغيره) ..

للامانه انا استخدمت علبه وربع من كريم زبدة الكاكاو و الشيا ..
يعني الاجماعي: 40 ريال ونص ..

ملاحظه/ صيدلية النهدي تبيعه بـ 8 ريال .. اما الدواء تبيعه بـ 7 ريال ..
--------------

عذرا:
حبيباتي ماكان ودي اقلل من قيمة الموضوع لكن..

الردود المتوقعه من بعض العضوات:
ملاحظه/ بعض الردود كانت حقيقيه موجهه لي و لبعض الاخوات في مواضيعهم ..

- وش عندها ذي تتفلسف علينا كأن عندها سالفه
- نصااااااابه اصلا مافي شي يوخرها غير الليزر لا و يخففها بس
- اللي يقولك استخدمي (........) كذب كذب كذب انا استخدمته ولا جاب اي نتيجه
- دكتورتي تقولي مالها حل وفقدت الامل
- انا جربت كل شي ولا فاد
- انتي مجنوونه حبيبتي شوفي الامر الواقع هذي بلوى من ربي
- انتي تستهبلين ولا مين قاص عليك انها تروح
- انتي شكلك ماتشوفين زين و على بالك انها راحت روحي شيكي نظرك
- بنت خالة عم جد ام خال ابوي تصير اختي من الرضاعه قالت ان دكتورها قال الليزر بس يخففها

و انا اقول لكم ستووووووووووووووووووووووووووب من هالاسلوب السلبي ..
خلوا عندكم امل بالله و توكلوا عليه .. ليه التحطيم !!!
و اللي تقول انا جربت كل شي ولا فاد!!!!! طيب انتي جربتي اللي قلت لك عليه ولا فاد ؟؟
لا تحطمون بنات عندهم امل .. بـ جملة ( الليزر بس يخففها ما يوخرها) ..

للمعلوميه//
هالكريمات عطيتهم:
امي: زنودها الخطوط البيضا خففت كثيييييير
اختي: خطوطها حمرا (في بطنها) خفت كثييييييير مع انها ما تداوم ابد ابد ..
خالتي: خطوطها البيضا في زندها رااااحت
خالتي الثانيه: دكتورها قال لها مافي فايده من هالخطوط مافي شي يوخرها .. الليزر فقط يخففها ..
وكانت فاقده الامل .. ولما شافت الخطوط عندنا راحت انصدمت و بتستخدم هالكريمين بإذن الله ..

-----------------
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

 

[fatma A]

مشكوره على المعلومه عاد انا ادور شي يوخر الخطوط الي بجسمي ويشده وانشالله بجربه

 

[مدّهره !]

تسلم إيدك ع المجهوووود ...~

 

[ورقات]

الله يسلمكم

بنات في اي صيدليه في الكويت موجوده هذي الكريمات

ويالت تعطوني العنوان عشان البنت اللي بتزوركم ماتعرف شيء في الكويت

 

[M!SS.LOBY]

مشكووورة ما قصرتي

 

[أنثى ملاائكيه]

انا دوم ادور الموف حق التجديد مااحصله حتى بالصيدليات

 

[أنثى ملاائكيه]

يعطيك العافيه يالـــغلا

 

[نوف الصقعبي]

بنات السترتش مارك علامات الخطوط المتن والضعف

والله مايوخرها غير الزيوووووووت غرقي جسمج زيت وانتى بالحمام

عندج بايو اويل من بوتس

وانا عن نفسي جربت زيت الزيتون روعه شوى عليه

مايبيله مره بالشهر وتقولين ماشفت نتيجه كل يوم نقعي جسمج بالزيت خليه يتشررررررب عدل​

 

[أم*سلمان]

ثاانكس

خواتي الغاليات اللي عندها انستقرام تضيفني على اكاونتي الخاص

om_salmanq8yat

 

[MRS.coupe]

يعطيج العافية حبيبتي


اليأس متغلب عليهم عذريهم

بامريكا اغلبهم يتخدمون خل التفاح apple cider
حق السلووليت انا شكلي بجرب هالكريمات يس ما شفت البنفسجي بالكويت
​

 

[ام عبد العزيز م]

الرفع

 

[M!SS.LOBY]

ثاانكس

 

[صمت العذاري]

حتى انا امس رحت لصيدليه معرروفه قلت ابي كريمات ڤازلين قالي روحي قسم ڤازلين رحت البني والبنفسجي مالقيتهم سألت عنه يقول حنا مانبيعهم حسسسافه راحت علي اول موجودات اللحين مالقيتهم

 

[ريتال العسل]

 

[liloz1]

مشششششششكورة

​

 

[بنت حاتم الطائي]

مشكووووره

 

[cute_mama83]

يعطييييج العافيه

تصدقين الردوود اللي حطيتها باخر الموضوع علي انها سلبيه بس حمستني اجرب هالكريمات بسسس ان شاءالله احصلهم

ولي عوده بالنتيجه

 

[مشتاقه لعيونه ~]

عيل جل قود باي سيلوليت من نيفيا مو شي ؟

 

[صمت العذاري]

مشكوره

 

[تبيني آرضى عليك]

مشكورررررره