علاج الخيانة

[ديانا سبنسر]

مساء الخير ياحلوات

شلونكم مع رمضان ولياليه قرقعتو والالا

بنات انا بالي هالموضوع من زمان دايم نقرا بالمواضيع عن بنات يشتكن من خيانة ازواجهن وحتى بمسلسل زوارة خميس حاطين نموذج الرجل الخاين يعني هذا الشي صار واقع بسب المغريات وعدم الالتزام الديني من الرجل والمراة ومعظمنا اذا موكلنا مرينا بخيانة لازواجنا او وحدة نعرفها مرت بخيانة زوجها اخت صديقة قريبة واحترنا شنو ننصحها فيه انا وحدة من النا س اعترف تعرضت لخيانة من زوجي السنة اللي طافت لان كنت حامل ومااهتميت فيه

سؤالي شلون تصرف المراة مع زوجها الخاين ؟وشلون تقدر تادبه وتسترده بدون ماتخرب بيتها؟ وايهم افضل المواجهة والاعدم المواجهة؟يلا بنات نبي تفاعلكن ونصايحكن وتجاربكن يمكن يكون كلامنا مرجع لوحدة تعرضت للخيانة ولاتدري شنو تسوي

حياكن بموضوعنا على ريحة القهوة واللقيمات تفضلن اقلطن

 

[ورق عنب]

انا رايي ان الخيانه مالها مبرر ابداااااا كلش ولا في اي حال من الاحوال سواء الوحده حامل وتعبانه المفروض يقدرها مو يخونها ... حلها مادري في ناس يقولون سامحي لاتواجهين اهتمي فيه وفي ناس رايهم واجهي وتكلمي معاه وفي ناس يقولون انا ماتحمل الخيانه ولا اسامح ووووووووووووو ... كل وحده حسب تفكيرها هالشي الوحده تقرره... انا رايي الشخصي ما اسامح على الخيانة ! اني ما اسامح مو شرط انه اطلب طلاق يعني على حسب الوضع .. بس المهم ما اسامح ...

 

[ديانا سبنسر]

الف شكر على الرد والتفاعل والموضوع عن الخيانةعلى العموم موموقف شخصي لي لان انا مريت بشي وعالجته بس حبيت اكون مثل يلا وين البقية مشغولين بالسحور

 

[توليب بنفسجي]

رد : علاج الخيانة

احسن شي المرة تسكت او تعاتب بهدوء
لان الريال ما يهمه شي لو بيخون يخون و جنه العيد و بالاخير المرة اهي الخسرانه
اذا كان الزوج زين مع مرته و مو مقصر معاها خلاص اهم شي بالليل يحط راسه على مخدتها
و مرده يعقل و يرد لزوجته ام عياله بعد ليش المرة تعور قلبها ؟
يخون الله حسيبه انا ما ازيد النار حطب و لا افاتحه بالموضوع لانه ممكن يتمادي و تصير عنده سالفه عاديه او ممكن ياخذها حجة و يكبر الهواش و يطلق ساعتها منو اللي بياكلها غير المرة و عيالها ؟
المرة السنه تقضب و تخلي رضى ربها جدام عينها و ربها مابيكسر قلبها

 

[أبله كويتيه]

شوفي حبيبتي الخيانه عشان نقدر نلقى لها حل لازم نعرف السبب والمشكله شنو

بس بكل الاحوال بتكون وحده من هالاسباب

واحد اما اهمال الزوجه وسمحولي على الكلمه بس جهلها بالحياه الزوجيه الصحيحه


ثانيا اكو رياييل بطبعهم الخيانه يعني تلاقينه قبل لا يتزوج كان يلعب ويخربط وزوجوه اهله عشان بيستانسون بالعرس وبيكشخون ومايهمهم بنت الناس مع ان اكثر الاهالي والامهات يعرفون عيالهم يلعبون ويخربطون


ثالثا بنات الحرام الله لايبلانا طالعين لنا طلعه .. والريال مهما راح ومهما رد اكيد بيتاثر بهالمغريات يشوف هاللبس وهالمكياج الحين حتى الفلبن والهنود استغفرالله بصوب والباجي بصوب اللهم ياكافي

الحل شنو ؟

اوك تعصب وتبجي وتنرفز وتسوي الي تبيه بس اذا يت بتواجهه لازم تفكر بعقلها وتزهب لها حجي سنع وتواجهه

العصبيه ماراح تحل المشكله والهواش وتدخل الاهل بيكبرها وبتوصل لي الطلاق وبتفضح ريلها اذا كانت تحبه وتبيه وماتبي طلاق

اولا انا من رايي ماتواجهه حتى لو كان باار بلبها تحطه وتسكت انا اتكلم عن المره الشاطره مو الجبريت

مو الي يششونها رفيجاتها

تلبس وتكشخ وتحاول تلم بيتها وريلها ... السؤال ليش ماتواجهه ؟

لان اذا واجهته بعدين كشخت ولبست تدرون شنو بيفكر ؟ بيقول اي لمن خنتها طاع شلون قامت تلبس و تكشخ

ومو حلوه بحقج اصلا

عشان جذي لمي بيتج وريلج وشوفي قصة شعرج عطورج بخورج سنعج

الحجي الحلو يابنات والله الحجي الحلو اخيه لو تدرون شكثر بياثر بالريال

مثل الياهل اول مايوصل قومي فزي لميه هلا وغلا حبيبي

هلا بالغالي هلا بدنيتي

بوسيه قبل ماتطلعين .. دزيله مسجات احبك ولهت عليك

عوديه على هالسوالف عشان لمن يسمع هالحجي بره ولا هالحركات مايتاثر

يكو ن اصلا شبعان منه بيته ومع مرته حلاله

وشوفي شنو الحركات اليديده العاب زوجيه قمصان يديده سوالف يديده تيدد من حياتج سويها

قوليله بغير غرفتي ولا الكفر ...

وبعد فتره واجهيه وقوليله يافلان ترا ادري انك تخوني وادري وادري بس انا بنت ناس واعرف الاصول ومتربيه

لا فضحتك ولا سويت مشكله ولا طولت لساني ..

لاني احبك واحترمك واعزك بس اتمنى ماتكرر لاني ان طوفتها مره فهالشي عشان العشره الي بينا ...
شوفي شلون ويهه بينقص شوفي شلون بيقعد يتحيل ويتحرش عشان تسامحينه

وعشان ماتشيلين بخاطرج منه

وخل تراقبه .. خو الريال من يقرص مره ينخاف منه الف مره واسفه عالطواله

 

[روح عاشقها]

الله كريم

 

[الاسطورة]

انا من رايي ان المره لازم تكون
صديقه زوجها
ما تصيرله المحقق كونان
وينك
ومتى بترد
ومتى اتطلعني
وعطني

الريال يبي الوحده
الي يسولف معاها عن اي شي
سواء مباره ولا اي شي ثاني

شوفي انا قبل الزواج مالي بشي اسمه كوره

ولما تزوجت دريت ان زوجي اهتمامه كبير بالكوره
يعني يبي يروح الدوانيه علشان يطالع المباريات

فشسويت
قمت اشجع النادي الي يحبه وحبيته اكثر منه
وصرت مهتمه باخبار النادي
واقعد اناقشه بالاقوال الي انحطت

فصار عادي انه يتكلم بلي يبيه معاي
وماله داعي يروح عند ربعه

وبصراحه صرت مهتمه بالنادي اكثر منه
واعرف حزات المباره قبله
واقعده من النوم واقووله يالله تبي تبدي المباره


وبس
حدي قرقت

 

[هيبة ملك]

والله مادري شقولج

لكن المفروض نعرف أول هو ليش خان؟

نعالج المشكلة من جذورها وبعدين تصبر الوحدة وتحاول تجذبه لها

وتلفه صوبها بالكلام الزين والدلع وتحمله مسؤوليتها وتذكره بالله

وعقوبة الزنا وتذكره إن له عيال وبنات وأن البيوت لها حرمات

وعسى الله يرفع البلا عنا ويعصمنا ويعصم أزواجنا

 

[ديانا سبنسر]

مشكورين حبابيبي على المشاركة وناطرين اراء البقية