علاج الخطوط البيضاء

[esperanza]

نبي تجارب وخبرااات

 

[مراسي الشوق]

امممممم بالليزر اتروووح ...بس جلسات الليزر الي اتروح الخووط يبيلها ميزانيه ...

 

[alfajr alb3eed]

اذا نحفتي وانشد جسمك بتروح جربي شدي منطقه الحين ماراح تلاقين اثر لهاا

 

[بريق]

بيو اويل احس ما فادني غالي عالفاضي يمكن بشرتي ما تقبلته

انا بطني شوارع هههههههه اللي عندها حل لا تبخل

حتي الليزر ما يشيلها بس يخفف منها

 

[زقرتيه]

الي تكلمت عن البلوغ و الي اضحكت عليها اي ايهي صاجه لآن البلوغ يحدث طول بالجسم فيتمدد الجلد بسبب طولالجسم و تغيراته و بروز الصدر بشكل مفاجئ و و و فتصير في سوتج مارك

 

[زقرتيه]

ام العلاج مثل ماقالت مايروح بس يخفف و لكن الخطوط الجمره و البنفسجي هذي تروح^^ بمستحضرات معيته له و انشالله اكون افدتج

 

[جذابه بنت ذيابه]

عندي كريم واجد خذووه ومدحوووه وانا كنت مجربته بنفااسي رهيييب

 

[كويتيه بالفراوله]

ياليت اللي تعرف تفيدنا

 

[السـ بنت ـعوديه]

يعطيكم العافيه على الردود والليز مشكلته الميزانيه
اتمنى حد ييعطينا تجاربه:0bee2e8d89:
ولعيونك وشو الكريم ياليت تعطينا اسمه

 

[so delicious]

أنا فيني خطوط حمرا من الحمل زين طمنتوني انها تروح

 

[@استثمار@]

حبيبتي فيه كريم الماني معروف جدا بامريكا

واسمه : Mederma

واهو مخصص حق السكارالقديم او اليديد>الجروح او الندبات او الحروق

او الندبات بعد العمليات الجراحيه او الولادات القيصريه

آثار حب الشباب والسترتش مارك القديم واليديد واهو جل مو كريم

وهذي السايتات ممكن تفيدج للي كاتبين تجاربهم مع الكريم

http://www.mederma.com/testimonials6.html

http://dermatology.about.com/b/2007/07/16/mederma-does-it-really-improve-scars.htm

http://www.heart-valve-surgery.com/open-heart-surgery-scar-mederma.php

والنتيجه سريعه اذا الندبه يديده يعني من 3 شهور الى 6 شهور

وبالنسبه للستريتش مارك القديم من 6 شهور الى سنه وشهرين

/COLOR]

 

[" أضـــــوى "]

زيت جنين القمح بالعطار عجييييييييييييييييييييييييييييب عجييييييييييييييييييييييييييييييييييييب

 

[بنت مطير وتطرح الطير]

بنتات مستحيل هالخطووط ترووح مستحيل

لان هالشي يصير من المتن والضعف

بس في تاجرة اهني اسمها ام خالد تبيع صابونة القهوة يقوولون تخففها


موفقين

 

[بنت مطير وتطرح الطير]

بنات شوفوا شلقيت وانا افرفر بالنت

السلام عليكم ورحمة الله وبركااااات
وش لووونكم ؟؟
حبيت انزل تجربتي علشااان الكل يستفيد بإذن الله
اول كنت اعاني من تشققاااات البيضا والحمرا صاير جسمي شوارع
وتعرفت على بنت كانت نفس الحاله وشفتها بعد 4 شهوووور
والله ماشفت ولا شارع بجسمها
قلت لازم اعرف وش سوت
سألتها قال من زين الأتات لبست عبايتي ودقيت البرقع والحق المحل قبل لايقفل
واشتريت من عنده 2
والله يابنات استمريت عليه كل يوم طبعا ريحته مره خفيفه ومايطبع باللبس مره مزيون الكريم
ولمده شهرررين بس اختفت السكك الحديديه تماما وان شاء الله استمر علشان ماترجع وبعد سويت توصيل للبيت
ويلا يابنات انصحكم تجربونه بلا خلطات بلاقرف
وهذي صوره الكريم

زيت لوسيون لتشققات البطن
يستخدم لإزالة تشققات البطن .
يستخدم لإزالة آثار تشققات الحمل .
يستخدم لإزالة تشققات الأرداف .

 

[SWEET18]

اهم شي الترطيب الداخلي والخارجي يعني شربوا ماي ودهنوا روحكم

موعلشان يروح علشان لاتطلع خطوط يديده

 

[رمل الشاطئ]

زيت جنين القمح بالعطار عجييييييييييييييييييييييييييييب عجييييييييييييييييييييييييييييييييييييب

طيب انتي استخدمتيه ولا ضرك وكم المده

بنات شوفوا شلقيت وانا افرفر بالنت

تتوقعين موجود بالسعوديه:tek:

 

[غنج اهلها]

هذا الشئ اللي اسمع عنة مستحيل يروح مهما سويتي الااذا كنتي لحقتي عليهم واهي لونهم احمر

غيرة لاتحلمين

 

[kuwaitiaaa]

أنا مستمره على زيت اللوز المر والجلسرين تخلطينهم والحمدالله خف ويوحد اللون بس لازم تستمرين عليه على طول

وتلقونا بالعطار البطل الواحد 500 فلس

 

[نوره في وسط صوره]

بنات حبيت اشارك بتجربة اختي الخطوط البيضة
اختي جسمها حلو وكانت حامل ولما ولدت طلعتلها كرشه صغيره وخطوط بيضه في بطنها وجربت كل شي وماكو نتيجه كل كريم جربته وقطعت فلوس واجد وماكو فايده لين طاحت على ابر الميزوثيربي اخذت 6 ابر وباقيلها 6 الي اخذتهم دخل كرشتها واللون الابيض راح 90 بالميه وباقي شي خفيف جدا مايبن
وسوتهم في بهمن كلنك كانو مسوين عرض ال6 جلسات ووحده مجانا ب112 ومع العلم ان الوحده ب35 دينار بس عرضهم كان بالصيف عاد قالت اختي اسويهم وهذا الي بقى معاها من الفلوس وبتسوي الباقي بعد ولادتها انشالله ادعولها بولاده سهله
وعلى فكره اهي سوت ابر حق الشعر والوجه والنتيجه صفر بس الي فرق معاها البطن فعلا حلوه
والحين جا دوري بالسؤال وفيدونا يابنات
ابي توحيد اللون بالليزر منو جربته او سامعه فيه تفيدنا
الكوع والركب والاباط والرقبه هبابا شنسوي ولا تقولون خلطان لاعت جبدي وانا اعابل بنفسي وماكو فايده ابي جلسات وانشالله نستفيد
لاتنسون الدعاء يابنات

 

[هدهد الكويت]

والله يابنات انا مرة خالي تقول انها حيل خفت الخطوط البيضا من جسمها وحتى السولولايت

والطريقه اهيا 1- تيبين علبه فاضيه طبعا الي فيها بخاخ علشان ترشين على جمسج
2- تحطين نص كوب ماي ورد وربع كوب خل تقعدين ترشين على جسمج اكثر من 3 مرات باليوم
يعني الظهر لارديتي من الدوام فصخي هدوومج ورشي على جسمج وقعدي دقيقه لين ينشف ولبسي هدوومج وتقول ترى مافي ريحه حيل لانها مخففه بماي الورد والنتيجه تبين من سبوعين وطالع




وفي وحده بالمنتدى نسيت اسمها تقول انه الخطوط راحت بنسبة 60 % عن طريق بيبي اويل الاخضر الي بالصبار تقول ادهن جسمي فيه صبح وليل علشان جلدها ناشف بس تقول مع الوقت اكتشفت انه الخطوط خفة بجسمي ودريت انه من الزيت