عقدتي تكفون ساعدوني

[ملك الحب]

صباح الخير ياطباخات مشكورين ع مجهودكم والله يعطيكم العافيه

انا بغيت اطرح عقدتي وان شاء الله القى الحل عندكم
انا ماعرف بالطبخ يعني توني متعلمه ع الخفيف يعني اطبخ ع قدي انا وزوجي وماشي الحال المشكله انه خوات زوجي قاعدين عندي فتره وبيروحوووون ان شاء الله اللي ابغى اوصله
اني ماادري شنو اطبخلهم وطبيعتهم مو اي شي يعجبهم يعني
نفسهم شينه واحترت ماعرف شي الى العيش والمعكرونه
وماياكلونه والله مليت منهم وماادري شالحل ساعدوني :eh_s(2):

 

[MiSS B.K]

الله يعينج صج وهقة اعتقدمافيها شي اذا دخلوا معاج المطبخ انتو اهل وتمونون على بعض

 

[جارة القمر]

هلا حبيبتي


شنو يحبون يأكلون



أو يحبون موضة هالأيام الأكلات السريعه وأكلات المطاعم

 

[ملك الحب]

هلا حبيبتي جاره القمر
اي يفضلون اكل المطلعم واكلات سريعه

 

[ام الدرر]

حبوبة
سوي لهم صواني الفرن
مثلا
دجاجه قطعيها 8 قطع تبليها (ملح -بهارات-زنجبيل -ثوم - معجون طماط )
قطعي خضار مكعبات جزر بطاط فلفل بارد
امسحي صينية الفرن بزيت وحطي فيها الدجاج والخضار وغطيه بقصدير وممكن تستعملين اكياس الفرن تسرع عملية الطبخ
وقدميه مع سلطه وخبز
همبورجر -لحم سويه نفس الطريقة فوق
سمك فيليه اذا يحبون السمك تبلين بملح وشوية بهارات
وغلفيه بطحين و اقليه بالزيت

كرات البطاط
4 بطاط مسلوق اهرسيه وخلطي معاه ملح وجبن شيدر الازرق مبشور
كوريه بحجم البيضة او اكبر شوي وغلفيه ببقسماط وخليه على صوب
احمسي زبدة +مكعب ماجي خضار +كوبين ملفوف (كرنب ) شرايح رفيعه +كوب جزر شرايح لحد مايذبل الكرنب
حطي الخلطة بصينية فرن ورصي فوقها كرات البطاط وصبي الخلطة
قيمر كي دي دي+ كريمة كي دي دي +2 م ك جبن كرافت كلاص بالخلاط
وحطي الصينيةبالفرن نص ساعة من تحت
وعقب حمريها من فوق
قدميها مع همبورجر او دجاج مشوي ​

 

[ام الدرر]

ممكن تسوين دجاج بالفرن (شوايه نفس المطعم )
تبلي الدجاج من داخل بملح وبهارات
ومن برا بملح وزيت بس وكثري الملح
هاتي غرشة ورق عنب او مخللات كبيرة وحطي نصها ماي
ووقفي الدجاج عليها مثل القاعدة
وحطي الغرشة داخل الفرن بصينية
وشغلي الفرن من تحت نارعالية 10 دقايق وعقب وطي النار ساعة ونص او لحد ما تستوي الدجاجة
وقدمي معاها مقالي بطاط - باذنجان - بصل
خلطة الثوم مع الروب والبطاط المهروس
سلطات
مثل سلطة معكرونه الملونه
اسلقي ثلث الكيس
وحطي معاها
مشورم معلب مقطع
فاصوليا حمراء
ذرة
مرتديللا مقطع مكعبات
جبن حلوم او شيدر
وحطي فوقها صلصة ايطاليه
والمنتدى فيه طبخات واااايد تخذي لج فرةعالمواضيع وخزنيهم بالمفضلة ​

 

[جارة القمر]

ام الدرر



مشكوووووووووووووره



http://www.q8yat.com/t881530.html



http://www.q8yat.com/t341943.html



http://www.q8yat.com/t364112.html



http://www.q8yat.com/t223548.html


http://www.q8yat.com/t40243.html



http://www.q8yat.com/t886627.html



http://www.q8yat.com/t854130.html



http://www.q8yat.com/t97576.html



http://www.q8yat.com/t416093.html



http://www.q8yat.com/t14895.html



http://www.q8yat.com/t132696.html

 

[أحلى همبه كويتية]

عليكم بالعافية وشكرا لكم

 

[ملك الحب]

ماقصرتي ام الدرر وجاره القمر يعطيك العافيه مشكورين