عفيه منو تعرف طريقة الحسو؟؟

["النووور"]

شلونكم بنات؟
عفيه اللي تعرف شلون تسوي حسو تقولي الطريقه والمقادير بليز
كل وحده تقولي طريقتها ، لأن تدرون كل ناس طريقتهم غير
احنا نعرف طريقه وحده بس اختي كل مره تسويلياها
بس انا أبي طريقة الحسو اللي يكون ناعم نفس العصيده ولونه تقريبا بني غامج
وتحسين في حروره شويه جنه فيه فلفل أسود
ومايحطون معا رشاد

فهمتو قصدي؟؟

ماطول عليكم .. خل كل وحده عندها طرقه تكتبها عشان كلنا نستفيد
وكل وحده تاخذ الطريقه اللي تناسبها
وبس مشكورين مقدما

 

[ام صاالح]

طريقة عمل الحسو


بعد تنظيف الأعشاب تحمص على نار هادئة ثم تجرش بالمطحنة


اولا نضع الجدر على النار و نصب فيه حوالي 6 كاسات ماي .. و كاس سكر اسمر ( او ابيض حسب الرغبة ) ..نترك الماء يطبخ قليلا ثم نضيف فنجان من الاعشاب المخلوطة و تطبخ الاعشاب حوالي ربع ساعة

ناخذ فنجان طحين ابيض + فنجانين طحين اسمر و نحمصهم على النار بدون دهن الى ان يصبح لون الطحين اشقر

ثم نكب الطحين تدريجيا على الماء و الاعشاب ..و نحرك لتفادي تكون الكتل

يطبخ على نار هادئة الى ان يكتسب قواما ثخينا ..

 

[بناتي زينة حياتي]

دواء الحسو تحصلينه جاهز بعلبه اما عند عطار او شغل حريم وفي نوع يجي معاه سمسم ونوع بدونه ,,

المقادير :: طحين ابيض تحمسينه بروحه الين يصير لونه اشقر سوي الكمية اللي بتكفيج ,,, زبده او سمنه حسب الرغبة ,,,سكر ,, فلفل اسود حسب الرغبة

الطريقة تحمسين السكر الين يصير لونه اشقر وتضيفين زبده او سمنه وتظلين تحوسين السكر
تضيفين كمية الماي اللي تبينها تقريبا 3 اكواب ,, وبعدين الطحين شوي شوي وتظلين تحوسين حتى لايثقل الخليط والفلفل الاسود حسب الرغبه واخر شيء حطي قفشتين ونص من الحسو وحوسي وخفضي النار عالاخر واذا حسيتي انه طبخ شوي صكري الجوله وخليه يدفى

 

[حرم راشد الماجد]

هذا اللي تبينه ؟


اذا هذا

مقاديره :
فنجان سمن
ملعقتين طحين كامل ( البني )
نص كول سكر
كوب ونص ماي
ملعقتين حسو



الطريقه :
- نذوب السمن وبعدين نضيف له الطحين عالنار لين تطلع ريحة الطحين شوي
- نضيف كوب الماي ونحرك راح تلاقينه صار خفيف بعد اضافه الماي تضيفين السكر وتحركين لين يثقل وبعدين تحطين الحسو وتحركين عشان ما يفصد وبس صار جاهز للاكل

الحسو
نص دينار من كل شي
كمون حب
كزبر حب
فلفل اسود
كركم عدل
عرق الهيل
حبة البركة
حبة حلوة
زنجبيل
هيل

كمون والكزبرة ينغسل بماي وينشر بالشمس

 

[حرم راشد الماجد]

سوري الفلفل الاسود 100 فلس بس