عفيه لاتتركون قلبي يحترق

[الجادل الخشف]

افضل اقعد مع اهلي ويحكروني والا اقعد مع زوج ياني نفور منه وكرهته ومو محترمني كلش وخربوطي مايخاف الله

 

[الحزينة_]

ماعليج منه أمي الله يحفظها تقول الريال اللي يهدد بالزواج ما يعرس على مرته بالعكس ينخاف من الساكت
طنشيه لاتدققين وأيد
الريال مثل إلياهل لاحنيتي عليه بشي يدخله رأسه ويسويه

 

[اوبراا]

الجادل معاج حق افكر مثلج وايد تعبت منه المشكله لو انه بديرتي جان تهون وصبرت يكفي الغربه فوق الغربه خيانه قلبي مايحتمل
الحزينه هو ساكت يسوي روحه محامي ملتزم وكل همه القضاياا وانا كاشفته من زمان بس ساكته كنت اقول عسى يهتدي ويتغير لكن اشوف زادت الامور سوء تعبني وايد بخش والدس هسوالف وقلة الحيا

 

[جوريـة السعودية]

نصيحتي لك الزمي الاستغفار وبتشوفين العجب
هذا وعد من الله مو مني
يقول الرسول صل الله عليه وسلم من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب

 

[بوح الحنين]

اوبرا حبيبتي هدي نفسك اووول وفكري بكل شي انتي شوفتي انه مسوي مع وحده منهم علاقه مثلا وضحيلنا اكثر انتي قعدي معه وتفاهمي وقولي كل اللي بخااااااااطرك قولي انا تعبت من سوالفك وصبرت وقلت يمكن تتعدل الامور بس للاسف تعقدت وابختصرلك تعب المشووووووووار اللي بننا انا ماتغربت وتحملت عشان القى منك هالسوالف واذا انت انساااااان منت قادر تترك هالسوالف انا بعد مو قادره اتحمل ولك حرية الاختياااااااااار اذا انت فعلا تبيني اثبتلي مو بالكلام بالفعل واذا لا الله يسهل لك ويسهلي خلي كلامك معه جدي وريحي نفسك ولا هالتفكييييييير والتعب الى متي بتسكتين وهو مبسووووط اصدميه بكلامك وشوفي شنو ردة فعله

 

[zain-alq8]

اقولج شي عن تجربببببببه حقريييييه والله اذا شافج حاقرته ومهتمه بنفسج وتضحكين ولاهامج شي بمووووت وادعييي وايد ولاتخلين الشفع والوتر والصدقات ادري انه هالشي يموووت والله حاسه فييج بس الدنيا دواره وبتشوفين شنو بيصير له خلج مع ربج لانه ربج كبيييير صدقييييني حقريييييييه ولاتنبشين من وراه صدقيييني اهتمي بنفسج ودلعيها وحبيها راح اييلج باذن الله مثل الجلب فصبرا جميلا

 

[بدون بس مغتربه]

الرابط مافتح معاي .. بس حسب مافهمت من البنات انه ماعنده شي بس انه يمدح بنات وسوالف شباب ... كل الشباب يحبون يسولفون عن البنات ووو ... بس دام مايتعدى حدوده يعني اخطائه قابله للغفران فطولي بالج معاه وبما انج تحسين بغربه كلميه وشديه لج خليه يسافر معاج روحي وردي لاهلج ... كلميه شوي شوي عن مستقبلكم خليه ينسى هل السوالف ونسيه سوالف الشباب وقولي له عيب تسولف عن البنات قدام الشباب حرام .. اذا هم مايحسون لازم انت تحس وهذه سوالف مراهقين وووو كملي من عندج..
وبس هذا اللي فهمته من موضوعج ودريت عليه
الله يهنيكم

 

[بدون بس مغتربه]

اهاا الحين فهمت انه خاين ... شوفي انا الا الخيانه الصجه والسوالف الوسخه ماحبها مستحيل اتحمل خاين ينام مع غيري ... وماارجع له الا بحاله وحده اذا اعترف وندم وتاب .. ممكن اسامحه ... ولا ليش اضيع عمري معاه واذل نفسي ... واذا تطلقتي مافيها مشكله تتحملين شوي وبيجيج نصيبج ان كان نصيبج مع غيره.. بس انتي واجهيه ولا تخافين كلميه بهدوؤ مثلا لاتنامين معاه حقريه فتره لين يجيج ويسال طبعا اذا عنده علاقه قويه مع وحده ثانيه ماينفع الحقرانه لان هذيج بتستغل الوضع ...