عفيه دشوا شوفو الشغله الغريبه ابي تفسييييييييييييييييييييييييير ..

[الريحان]

مال هداعى كثر البوس كل ماقل كان له طعم

 

[روانه-9]

الله يهديه لج حبيبتي

 

[الحنونهـ]

حبيبتي لا تحطين ببالش ان فيه وحده وسبحان لو في شئ غلط ربي راح يكشفه فانتي ريحي بالش وانتبهي على حمالش..

 

[الصعيريه]

عادي يالغلاا...,
لاتحاتين يمكن كان مشغوول او في شي شاغل باله

الله يهديه لج ويسخره آمييين

 

[SaD FaCe]

الله يسخره لج

 

[*صَبا*]

اذكري الله ولاتكبرين السالفة

اذا عالبوسه

انتي نطي عليه وقوليله ابي اسلم عليك
يعني لو هو ماسلم انتي سلمي ولاتقطعين العاده
ولو قالج لا
بكل رقة ودلع قوليله افااا تحرمني من هالشي اللي مايكلفك شي ويعني لي الكثير

اما سالفة التلفون
عادي

هو يمكن يخاف يقرب صوبج عشان البيبي مايصير فيه شي
خاصه انج تقولين انج حملتي بصعوبه

ترا في كثييير ازواج كذا مايقربون صوب حريمهم ولا يقعدون حذاهم كل هذا عشان البيبي مايتأذى

 

[مخدوشة الوريد]

ريايل الخليج من طبعهم ملولين .. وتبين الصراحه بعد اهووو صاج اهووو مروتين .. الشي اذا طلع منه من غير ضغوط حلووو ..
واخذيها عادي ولا تكبرين السالفه .. وبخصوص فونه .. همن عادي لكل ياخذ الفون لحمام وانا منهم .. بس تقدرين تسـألينه ايزي .. وعن طريق غير مباشر بالنغزااات .. > اشتغلي عليه ..

 

[الخيانه ماتنسي]

لا تفكرين بالموضوع زيادة
انتي حامل ومو زين لج التنرفز
طوفي السالفة ولاكان شي صار
ويمكن مثل ماقالوا البنات ضغوط عمل
وعسى ربي يتمم حمالج ويهديه لج

 

[حبيبه بدر]

من ابليس وكثري استغفار ترى فوائد الاستغفار وايد ومنها تريح نفسيتج وادعي له بالهدايه وكل ماتضايقتي ردي استغفري امية مره والله اعلم ليش تغير زوجج فتوجهي له والله يبرد قلبج

 

[مو عايشة بالدنيا]

والله مادري شقولج
بس حاولي تخلينه هالبوسة اللي قبل وبعد كل طلعة فيها نوع من التغيير
روحيله انتي وبوسييه اذا ابتطلعين
لا تنطرينه هو يبوسج كلش
حتى لو طلع وماباسج
مو مشكلة
وحاولي مثل ما قلتلج يكون ببوستج شي من التغيير
انتي وطريقتج
يعني لاتخلين الموضوع من الروتيين والشي المفروض عليه
يعني مرة بوسي خده
ومرة راسه ومرة حضنييه قبل لا يطلع
يمكن هو يتقبل هالشي منج ويراجع نفسه ونتلقين منه هالتصرف من تلقا نفسه
بس انتي الحين تركييه لا تناقشينه بالموضوع
يمكن حس ان السالفة روتين اجباري عليه
ماتدرين
بس لا تشكيين بشي
وترى وايد رياييل ما يهتمون لحمال حريمهم
بس من يشوفون البيبي يتغيرون 180 درجة
ويقولون ياريتج حملتي من زمان
والله يسخركم حق بعض يارب

 

[om-HaSsoOon]

ميخالف يا قلبي لا توسوسين

ولا تكبرين الموضوع خليه على راحته بروحه راح يحس انه ضايقج ويرد يعتذر لج

ربي يهديه ويسخره لج

 

[AL 3la]

الله يهديه

 

[pearl-elq8]

تصرفي كأن شي ما صار ..
صيري طبيعيه جداً : )
حبيه أكثر ..

راح يستغرب ، فترتها كان متضايق أكيد ، و أكيد اهو يبي يرد مثل ما كان
بس حاس برفض منج .. غير مرئي
بعدين بهدوء قوليله بقولك أشياء بقلبي مضيقه خلقي
ابي أصفي مشاعري ..
قوليله انج تحبينه
انج مشتاقه
انج خفتي تفقدينه خفتي متغير
انج معصبه من ذيك المره

بس ابدي من تحت لي فوق
يعني آخر شي كلام الحب ..

قولي ابيك تسمعني .. محتاجه انك تسمعني و اشكر لك هالشي

 

[Miss DeTTOL]

حبيبتي كثري من الاستغفار والدعاء وقولي يارب سخره لي وحببه فيني

 

[{ عبره وهلت }]

اقطعي هالفتره عن هالعاده ،،



ولما تتعدل نفسيته ويقدرين تكسبينه مره ثانيه ردي وعوديه مره ثانيه


الله يوفقج

 

[Bent Ameer]

اكيد كان متضايق حزتها

انسي السالفه وطوفيها سالفه عاديه بس تحز بالخاطر

الله يسخرة لج

 

[جوزائيه مغروره]

لا توسوسين وان شاء الله ماكو الا كل خير

وبعدين عادي

انا ريلي يت له فتره قام ينسى او يتثيقل البوسه هذي

فقمت افكر شسوي شسوي

فطرت على بالي فكره انه كل ما يبي يطلع اناديه فلان بس يطالعني ادز له بوسه بالهوا واقوله الله يحفظك لي وانزل راسي يعني مستحيه واهو استانس ورجع حق البوسه قبل الطلعه

 

[لانجاوي]

يالغاليه يمكن يومتها كان باله مشغول بشي ونسى
لما ذكرتيه حس انه غلطان وطبعا هذا شي يكرهه الرجل مايحب يحس انه غلطان حتى لوكان الغلط لابسه من راسه الى قدمه
علشان جذي يبي يوريج انه شي عادي انتي طوفيها هالمره وبدي فيها استمري فيها والله يهديه لج
والزواج والعلاقه الزوجيه ماتوقف على هالشي
طولي بالج عليه

 

[اشتياق]

ألحين انتي تحملين واهو يتوحم والا شنو؟؟

عادي ياقلبي معصب من شغله منضغط من شي يحاتي شي لاتحاتين

انا مره زوجي كان متنرفز مادري شفيه مو على عادته وماله خلقي واشتغلت كل خمس دقايق شفيك شفيك انت ماتبيني انت ماتحبني قولي صارحني وشوي واعزف كمان هههههههههههههههههههه قال يبه فكيني هاج تلفوني شوفي مسجات انا واختي قاعدين نتهاوش وبينا سالفة شكبرها يعني حده مو وقتج خخخخخخخخخخخخ


شفتي شلون ترا الرياييل يخشون ويقمتون بقلبهم واحنا ياغافلين لكم الله

عسى ربي يثبت حملج ويباركلج فيه ويسخرلج زوجج يارب

 

[فراشة الرغد]

حبـــــبتي صار لي هالموقف
وكنت حامل بعد .. وترى عادي لو دخل التلفون معاه
ريلي بعد سواها بس مافي شي .. اصلا لانج حامل
تصيرين حساسة والشي يبين لج اكبر من ما اهو في الصج
هونيها يا قلبي .. وصيري عادية وياه ولا تزعلين
وبتشوفين اشلون يرجع منه ومن نفسه ويسلم عليج
قبل ما يطلع