عفيه بنات قولولى شسوى فى بناتى الصغار

[ra3yat almorsids]

السلام عليكم الله يخليكم بناتى وحده عمرها سنه وشهر والثانيه ثلاث سنوات وعشرة اشهر امس اكتشفت انه شعورهم قمل وصيبان حبيبتى ام سنه تحك شعرها حيل وتبجى وبالليل ماتنام تقعد عليى بالليل تبجى وتحك شعرها يوم حطيتها على حظنى بنومها ولا اشوف بشعرها يمشى قمل واى اخترعت وقعدت الصبح ولا اختها اللى اكبر منها هم فيها قمل وشوف اخوهم اللى بالروضه ولا شعره متروس بعد قمل وصيبان جان اكتشف انه اخوهم يايبه لهم من الروضه الولد على طول وديته وقرعته اما البنات شريتلهم دوا وشامبو من الصيدليه وهم ماراح عقب الاستعمال شسوى ياربى عمرى انا مايانى قمل يوم انا صغيره ياربى هل امهات مايجيكون على شعور عيالهم يخلونهم يعادون هاليهال بنات اللى تعرف دوا زين تقولى بليز

 

[mrs_sugar]

وديهم المستوصف يعطونج دوا لهم و يعلمونج طريقته

الله يفكهم من هالبلوة

حبايبي​

 

[*دبدوووبه*]

وااااي
الله يعينج والله
شوفي سألي قبل امهاتنا الكبار
اكيد بيعطونج علاج
بس حاولي لا تعقدين البنات
ولاتفكرين تقرعينهم او تقصين شعرهم حرام
لان ان شاءالله كلها يوم او يومين وبيروح ياااااااارب

 

[المنقذه]

وعليكم السلام ورحمة الله وبركاته

الله يعيينج ..انا السنه اللي فاتت بنتي صادها من الروضه وصارت عندي

حالة طوارئ..لكن شريت من الصيدليه دوا القمل (بارا) بخاخ ومعاه شامبو

تبخينه مثل ما مكتوب ع العلبه وتسبحينهم بالشامبو.. واشتري المشط مال

العيايز (الفلاي) المربع الصغير ومشطيهم ع قماش ابيض وكله بروح ..

(والله وياج انا من ايي طاري القمل تصيدني حكه).

 

[لباس التقوىk]

سبحيهم
كل
يوم

 

[معكرونه أسبكتى يم يم]

الله يعينج وااااااااااااااااااااى

شوفي اخذى مشط وتحت الدش مشطى شعورهم وهم اشترى بارا والشامبو حقه العام اختى يابت خدامه وصخه والله ماطولت يومين واطردتها والله لايوريج شعر بنتها الصغيره اللى تشيلها الخدامه وبغينا نستخف بس الحمدلله شرت الشامبو والبخاخ وسوت هالطريقه تحت الماى ونظف شعرها على طول

الله يساعدج والله قهر وين هالناس كل هذا وصخ واللى يبتلش احنا الله يعينج