بنات عندي مشكلة بنت وطلبت مني انقلها لها لان مشاركاتها قليلة في المنتدى فا حبيت اساعدها
هاذي مشكلتها واتمنا تساعدونها : طبعا اهيا اللى كاتبه كل شي بيدها
هاذي مشكلتها واتمنا تساعدونها : طبعا اهيا اللى كاتبه كل شي بيدها
بنات انا ملجة من خمس شهور وخلال هالفترة صارت شوية مشاكل بيني وبيني ريلي بحكم انه زوج ويبي
يفرض رايه واني لازم اسمع كلامه انا بداية دلوعه ببيت اهلى ومو متعودة اني اسمع كلام احد غيرهم
فا واجهت صعوبة اني اسمع كلامه واطيعه وادري انه غلط وقاعدة احاول بس صعب علي
مشكلتي اني تهاوشت ويا ريلي لانه من فترة 3 شهور اكتشفت عنده خط ثاني عن طريق الواتس اب
ما لكم بالطويلة المهم من حزتها قتله لمن يكون عندك خط ثاني رد علي وقولي ولو كلمة
قولي شوي واكلمج اى شي المهم ترد علي لمن ادق ويكون عندك انتظار طبعا هالشي
من الشك .
المهم على يوم ياني كان عندي شغل اسوية وياي الحبيب بيوديني وادق انتظار ومار د
طبعا الشيطان ما قصر وعما عيني وطنقرت حدي وما قمت اتكلم عدل وما سلمت ورحت وياه
ومو عاجبني الوضع وطالعين جان اعصب زيادة من بروده وانه ساكت ما تكلم بالموضوع
جان اقوله ردني البيت مابي اطلع وياك هونت ومعصبة حدي جان يقولي لا خل نروح نسوي شغلج
وانا الا عناد مابي وانواع العصبية مني وعند اهو الا نروح نخلص شغلج ولو ما سويناه ترا بتردين بيتكم
وماكو طلعه ومارح تسوين شى ،ـ طبعا ما عجبني الكلام وقتله بروح وبتشوف وعصبت حيل وقتله ردني
جان يصفت السيارة ويقولي ماكو رده دقيت على امي قتله يما دقي على زوجي اللى يمي وقولي له رد بنتي
البيت جان يقول تليفوني ما فيه شحن خالتي بصوت عالي حق امي المهم سكرته ومسكت الباب ببطله
بنزل ولا اهوا يمسكني حيل من ايدي وارد اسويها عناد ويتلي من شعري طبعا بجيت حيل ومن حرتي
كسرت جامت سيارته وزفيته حيل وسب له ولامه لاني مقهورة منها تبي تختار اغراض البيت على كيفها وتمشي كلمتها وتبيني غصب البس حجاب وقت ما تبي اهيا ومو عشان ولدها ولا عشان ستر بس تحكم وانا طبعا معصبه وما يبي يروح ويبي يقعد وياي وانا من بروده عصبت زيادة وزادت المشكلة ويت امي وقتلها وقعد وتاسف ونزلت وياه نيب اكل وحاولت اساحله ماكو منتح حده جان اقوله كيفك ومشيت.
ثاني يوم ادق بتاسف ولا فل ضغطه ويقولي مابي اسف كنت ابيه امس وسكتي وقالي تبين ارضا لي 3 شروط
اولا تعتذرين لامي على انج غلطتي بحقها امس يوم سبيتيها ( قصده اني سبيته وسبيت امه بالكلام امس بهوشتنا بسيارة) وتروح لها البيت وتنزلين تبوسين ريلها قتله نعم نعم قالي اي اي تنزلين تبوسين ريلها على بالي استهبال
وعصبية رحت صج بيتهم واعتذرت منها بدون لااذكر تفاصيل وسكتت ومشيت دقيت عليه ولا يقولي نزلتي على
ريلها قتله شفيك صاحي انت قالي ردي الحين ونزل على ريلها فاهمه قتله خير وسده بويهي رديت بيتهم وقتلها
شوفي خالتي ولدج قالي انزل على ريلج انا بنت ناس وراس مرفوع ولي كرامتي ويوم اتاسف لج لانج لج
قدر ومثل امي واحترامج واجب وشي مني انا مو لان ولدج قال اعتذر واهيا بكل برود تقولي غريبة ولدي
قال جذي وشنو اللى وصله لي هالمرحلة انا هني انصدمت من ردها على بالي بتقولي لا عيب وانتي مثل
بنتي وما ارضا جان اعصب واقولها الزبدة مابي ولدج وابيه يطلقني زين انا لي كرامتي غصب عن الكل
ودقيت قتله هالكلام جدامها وقتله تعال طلقني طنش فيني وسكر بويهي .
طبعا طلعت مو شايفة جدامي ما خليت حبوب ما خذيتها عشان اهدا وحالتي بالويل وشباب يلحقون ومو قادرة
ارد بيتنا من الضيقة تميت من الساعة 10 ونص تخيلوا بالشارع لى 12 واهلى يدقون مو قادرة ارد ضايقة
فيني الدنيا من اللى صارلي وشلون قالي جذي وسوا فيني جذي وما خاف علي اروح بروحي واطلع متاخرة
من بيتهم ولا دق عقبها يتطمن ويدري بحالتي.
ورحت بيتنا يومين بالفراش وحالتي ويل ونفسية دمار ولا الاخ بكل برود دازلي واتس اب ( اول خميس مادري عنج ) بكل برود
قولولي بنات شنو اسوي وياه وويا امه وشنو الحل ؟؟؟؟؟؟؟؟؟
![[[ عيون جابر ]]](/data/avatars/m/88/88982.jpg?1621060915){kind=avatar}
