عفية بنات و الله محتاسة غرفة التبديل عندي حووووووووووووسة و ابي حل

[اناقة كويتية]

السلام عليكم

بنات بقولكم شنو مشكلتي و الله حدي مضايقة من شكل غرفة التبديل
انا شريت غرفة نومي و اكلت فيها مقلب استغفر الله العظيم الكبتات و الله لوعة و جنها قرقور تلوع الجبد مساحة ماكو

ماشاء الله ملابسي وااااااااااااايد الطلعة و البيت وماكو مكان انظم فيهم ملابس الطلعة لان مكان التعليق بالكبت مو وسيعة

و طبعا زوجي دثرته دثرة مو طبيعية كل يوم يايبلي ملاب و هدوم و كابات ودلاغات لاعت جبدي
شريت ستاند حق ملابسة من طثر الملابس ما تحمل و كل شوي يطيح

تكفون بنات ابي حل

ابي حل ابي شغلات حلو انتوا شايفينها للتخزين و الترتيب و اماكنها

عندي الكفرات دثرة
ملابس ريلي دثرة
ملابسي دثرة
ملافعي بعد دثرة
ماعندي مكان احط في جناطي ابي مكان يكون ثقة اشتري منه شغلات التخزين
لا تقولون ايكيا لان ايكيا كلش ما يعجبني شغلهم
تكفون الي شاطرة بهالسوالف لا تبخل علي​

 

[الجوهرة777]

السلام عليكم


أول شي الصراحة انا داشة بقولج ايكيا



يعني هم أحسن ناس في سوالف التنظيم والترتيب

عندهم الأدراج اللي تكون على سلال أو خام أبيض ( نايلون ) قابل للتنظيف هذا حلو حق دلاغات - كابات ...

وعندهم الأرفف القماش اللي تتعلق بالكبت ( حق ملافع - بديات )

وعندهم المنظم مال الأدراج ( حق ملابس داخلية )

يعني اللي تبين

اذا عندج مكان اشتري كبت ثاني وصمميه مثل ما انت تبين ( يعني ضيفي رفوف - ضيفي أدراج )

وتقدرين تسوينه حسب المساحة اللي عندج


يعني انا سويته مترين ونص بس ( ما شاء الله ) فيه بركة

شايل بلاااااااااااوي

لأني قسمته مثل ما أبي ( زدت الرفوف وصغرت المساحة اللي بينهم - وتحت حطيت أدراج )

وكبتج القديم خليه لزوجج



والجناط أحسن شي (شوفونيرة )

 

[aengineera]

انا بقولج افكاري وانتي شوفي شنو يناسبج
حق الشيلات في علاق اساسا مصمم يكون للبنطرونات .. انا ماخذته من سنتر بوينت العلاق الواحد يشيلج اربع شيلااات طبعا راح يوفر لج مساحه وايد
حق الكفرات والشراشف وخلافه بدايسو في مثل جناط خام للتخزين شكلهم ذرب ويمنعون الغبار وهالسوالف
حق الملابس الداخلية والمكسرات والفنايل في بالزهور الشرقيه " بياع الورد" مثلا سلال قش ملبسه بخام وايد شكلهم حلو وذرب تصفين الملابس داخلهم
اشتريلج شوفنيرة كبيره حق التسفط ... وكبتج يبي نجار يشيل الارفف اللي فيه ويركبج الحديدة مالت التعليق افضل

وما اوصيييج الجرد الجرد الجرد
اي شي انتي مو بحاجته ترى في ناس محتاجة انتي تستقيدين واهم يستفيدوون

 

[مناير خزنة التاير]

حالتج من حالتي

ويع الدثرة اتييب اللوعه

انا حق ملافعي شريت علاليق .. مثل ما قالت الاخت
الواحد يكفي 4 و تقدرين تخلينها حق 8

و احسن شي بالعلاق ما يتعفس الملفع .. احسن من التسفيط

الكفرات في جياس اللي تشفط الهوا ! انا ما جربتهم بس البنات يمدحونهم

بالنسبة للدلاغات السلال اشكال و الوان .. ولا تدرين اكو الريارارات البلاستيك عرفتيهم اللي بالجمعية و الاسواق الشعبيه

واكو احجاام شوفي اللي يناسبج

ال

 

[عاشقة الكاكاو]

ايكيا سواالفهم مو حق هدومنا احنا هدومنا ثقيله وحوووسه

احسن شي النجاره احسن لج من كل هالحووووسه

ادراج حق كل شي ترتاحين من كل هالووويه وانتي بين كل فتره والثانيه سوي تصفيه حف الملابس

 

[قمر2009]

حبيبتي روحي لدايسو ضروري ضروري راح تلقين كل شي حق الترتيب واكياس اليباجات روعه رتب لي البيت فظيع وفيه مقسم حطيت كل دلاغاتي الله يكرمج فيه قبل حوسه روووحي وجربي وادعي لي انا ماعرف:e3:ت دايسو الا بالمنتدى واشكر خواتي اللي ساعدوني​

 

[قمر2009]

بالاضافه عندهم جميع انواع المعاليق للملافع وكل شي​

 

[احب الكاكاو]

هذه مشكلتي ساااابقا بس سكرت البلكون وسويتها دار ملابس وغرفة التخزين حطيت فيها الفوط والكفرات لاني ساكنة في بيت
شوفي اختي اذا انتي بشقة الكفرات سفطيهم وحطيهم بكياس تحت السرير مع الشنط السفر حطي ملابس الشتويه تحت الفراش
وحاولي تشترين منظم العلاليق في وحده تبيعم

 

[ام فجور 2008]

ايكيا سواالفهم مو حق هدومنا احنا هدومنا ثقيله وحوووسه

احسن شي النجاره احسن لج من كل هالحووووسه

ادراج حق كل شي ترتاحين من كل هالووويه وانتي بين كل فتره والثانيه سوي تصفيه حف الملابس

صح كلامج ايكيا حق ملابس الاجانب شوية وخفاف مو احنا
مانعرف بالشهر ما نشتري شي

 

[بيت التوت]

سبحان الله وبحمده سبحان الله العظيم؟..............؟...........؟ لاحول ولاقوة الابالله



عندي منظم الأدراج تقدرين اتخلينه حق لدلاغات أو الملابس الداخليه أو العطور اللي تبين بتاع كلوه

ايوفرلج مساح وتحصلين اللي تبين بسرعه

وهم أكياس الضغط شوفي صورته بتوقيعي حل مثالي للترتيب