عفيا فيدوني بسرعه ابي اروح الهـــــــــــــند

[lyali]

السلام عليكم جميعا

اشلونكم شخباركم يتي
ما اطول عليكم
بنات تكفون ابي اروح الهند و ابي اعرف احسن المناطق
قالولي كشمير و دلهي و قوا احلىى شي
بس شنو الي فيهم حلو لانه قاعدده اقنع ريلي و ريلي يقول مافيها غير اكل ونوم


ف الي تعرف شنو الاماكن السياحيه و وين اقدر اروح تفيـــــــــــــــــدني ضروري و بسرعه
و يا ليت يا ليــــت تفيدوني ب الاسعار
من سعر التذكره لي الفنادق و الاماكن و كل شي


لانه ميزانيتي محدوده و قليله و بخاطري اروح الهند .... فقولو لي تسوى ؟ يعني راح استانس ولا لا
ناطرتكم فديتــــــــــــكم :balo:

 

[الــريــامــي00]

ان شاء الله البنات يفيدونج

 

[lyali]

رد : عفيا فيدوني بسرعه ابي اروح الهـــــــــــــند

ياوخيتي محد فادني مادري اشفيهم :s

 

[دلوعت مودها]

انا رحت الهند سكنت بمريديان يهببببببببببل وبعد آخر يومسكنت بشنقرلا
لان مالت السفريات الله يسامحها حاجزتلي 8ليالي ولازم 9ليالي فضطريت احجز مره ثانيه,,,
انا رحت مع ريلي لان كان يقدم امتحانات بالجامعه رحت السوق وحديقه الحيوان مالتهم بس يمه تخرع لان الحيوانات مو محطوطين باقفاص لا
بس محاوطينهم بماي؟؟؟,,,
ورحت انديا قيت هذا القصر الاحمر يعني معلم عندهم ورحت تاج محل طبعا هذا يبعد 4ساعات اهو لازم ساعتين بس الله طيحنا بتكسي خايف على سيارته ههههههههههههههههههههههههه ويمشي بطيئ
بس صج اهو من عجايب الدنيا السبع بس مافي شي كل هالطريج ماقعدنا الا نص ساعه يعني الرحله قضيناها طريج
واذا تبين الاماكن الحلوه روحي كيرلا يقولج تهبل بس لازم تعرفين اي مطار لان فيها اكثر من مطار وواحد اللي يوديج حق المنطقه الحلوه فيها
وعن الجو ...حلو مو حر ولابرد انا رحت بشهر 8 ومطرت يومين ونااااااااااسه والطبيعه حلووووووووه
كان ودي اروح كيرلا بس ماقدرت وان شاء الله تقوليلي التفاصيل اذا رحتي واروح لها,,,

 

[دلوعت مودها]

نسيت اقولج انا رحت دلهي,,

 

[مريم الحنونه]

هلا حبيبتي انا سرت دلهي و سرت حيدر اباد و بعد بمبي بس الي شفتهم احسن شي بمبي و بنجلور //بمبي حلوه في الصيف بس بانجلور بارده طول السنه بس فمبمبي عندج كندالا و عندج الاسواق بانجلور الاسواق و حديقة الزهور و حديقة الفراشات و دلهي رحنا تاج محل بس 4 ساعات روحه و رده بس حلوه الرحله كانت كانه شي خيالي بس انا انصحج اذا تبين تسيرين احينه في الشتا سيري دلهي و اذا تبين في الصيف الهند و بنجلور جوها حلو طول السنه انشالله كنت فدتج

 

[الأميرة جوري]

رد : عفيا فيدوني بسرعه ابي اروح الهـــــــــــــند

تبين طبيعه وجو كيرلا رووووووووووعه وسوي بحث بجوجل جنه الله في ارضه ياسبحان الله وناويه عليها

 

[Om_Ksha]

انا ريلي يمدح قوااا وكلا يقولي الا اوديييج .. بس احس الهنددددددد كلش مادري انا تلوع جبدي منهم .. بس يقول قوا غيييييييير نظيفه واللي فيها ذربين ويعني

 

[mafio98]

انا ماعرف شي عن الهند بس دكتورنا كان وايد يتكلم عنها ويقول لو يعطوني فلوس الدنيا مارحت لها اهو كان يسوي ماجستير عن بناياتهم وشغلات جذي يقول اصلا ماتقدرين تمشين من الوصخ والبقر يبدونهم عليج واذا بينامون يقول ايمعون كل البقر بساحه وينامون يقووووووول لووووعه ماانصح احد فيها اذا تبين طبيعه وسوالف بحر وجذي روحي السيلان وايد يمدحونها​

 

[نوتلا]

رد : عفيا فيدوني بسرعه ابي اروح الهـــــــــــــند

شوفي ياحبيبتي اذا تبين الطبيعة الخلابة والجو والنظافة في الهند لاتعدين كيرلا صحيح انا مارحت الا لكيرلا في الهند لكنها من افضل ولاياتها على حسب كلام الي راحوا لغيرها بس في هالفترة راح تكون غالية شوي لانه هالحين موسم الغربين وينكبون فيها اصبري شهرين او الصيف وراح تكون اسعارها نازلة للنصف تقريبا وبصراحة طبيعتها احلى من سيرلانكا واكثر راحة نفسية فيها هذا الي حسيته فيها وتابعي تقريري في هاالبوابة وبتلقين الي يسرك ان شاء اللة

 

[سياسية]

رد : عفيا فيدوني بسرعه ابي اروح الهـــــــــــــند

كان عندي تقرير بهالقسم عن سفرتي للهند..

رحت بومبي و جيبور و دلهي.. شوفي الصور و انتي حكمي على اللي تبينه

 

[White Musk]

مساء الورد
شوفي حجزي الكويت دلهي
ومن دلهي تاخذين سيارة توديج اقرا تزورين تاج محل اول يوم نامي وثاني يوم روحي تاج محل واخذي فيها جولة
واليوم الثالث بتاكسي روحي لجيبور قعدي فيها 5 ايام
باقرا جربت فندق تاج اقرا
وبجيبور جربت جاي محل بس اخذي فيه الغرف اللي برة ستايل هندي غالية بس حلوة
لان هذه المناطق نظيفة وراقية بالنسبة لكيرلا
وممكن تطلعين بالليل تروحين مطاعم او اماكن عكس كيرلا

 

[White Musk]

اذا ميزانيتج تسمح روحي من جيبور لأي منطقة بكيرلا فيها منتجعات قعدي اربع او خمس ايام هدوء وريلاكس انا جربت منتجع كوماراكوم ليك ريزورت بمنطقة كوماراكوم ومنها تطلعين يوم رحلة بالهاوس بوت
وانشاء الله اكون فدتج
وشوفي تقرير سياسية وايد ممتع

 

[White Musk]

المنتدى بطئ بعدل الاخطاء ما قدرت
ممكن من كيرلا تروحين ميسور ومن ميسور بنقلور
كله بالسيارة
بس من بنغلور لقوا لازم طيارة
بس ترا السفر بالسيار ة يطول عندهم تلقين المسافة قصيرة بس تاخذ دبل الوق يعني الثلاث ساعات تصير 6 ساعات لان ما في طرق سريعه ومرات تمشي السيارة بطريفق كله تراب جنج ابر
بس والله الهند ممتعه
بس مكلفة فنادقها غالية

 

[White Musk]

اذكر من جيبور لي كرلا كانت رحلتنا يمكن ساعتين من جيبور لي بومبي
بعدين ترانزيت في بومبي 3 ساعات
وبعدين من بومبي لي كيرلا يمكن ساعتين
ومن المطار لي المنطقة ماذكر كم ساعة
بس رحلة حلوة وظبيعه هادية وبساطة بعيد عن التكنولوجيا

 

[White Musk]

شةفي من منطقة كاليكوت بكيرلا لي ميسور سبع ساعات بالسارة طريق بري
ميسور صغيرة 3 ايام كافي عليها
ومن ميسور لي بنغلور بعد 7 ساعات بالسيارة
قوا حلوة وتحصلين لها خط دايركت منتجع عالبحر بس بالصيف مافي سباحة لان مو موسم
الموسم عندهم يبدا بسهر ديسمبر ويناير
سكنا بمنتجع تبع فنادق تاج خذينا شاليه على حمام السباحة بس 4 ايام كافي عليها

 

[فوفو22]

رد : عفيا فيدوني بسرعه ابي اروح الهـــــــــــــند

انا رحت نيو دلهي من سنتين

حلوه

خاصة هالوقت جوهااا وايد حلو

الاكل عجيييييييييييب بالفنادق

سكنت مريديان 5 نجوم

واجروا سايق وسياره معاكم

لا يطوفج

الجواتي الشوارفسكي

المساج مال الفندق والدهونااات

الشالات والخامات

ترى دلهي ما عندهم ولا يعرفون البخور تلاقينه في بومبي

وايضا في شاي حلو

وسلامتج

فوفو

 

[سياسية]

رد : عفيا فيدوني بسرعه ابي اروح الهـــــــــــــند

http://www.q8yat.net/showthread.php?t=248351

هذا موضوعي عن الهند

إن شاء الله يفيدج