عفيا بناااات طلبتكم الي تعرف حق المجلس الطبي

[جمالي ايطالي]

بنات ممكن سؤال

اذا عطوكم مجلس طبي,, كم اسبوع يعطومكم او كم شهر


والمجلس الطبي قابل انج تمددينه او تجددينه

 

[ice-moon]

جمالي ايطالي على حسب حالتج يعطونج

واتوقع اكثر شي ٨ اسابيع

وقابل للتجديد

 

[shoshowh]

ام نهارر

انا دقيت عاالعيادة قالولي ييبي ورقه من دوامج انج تبين تتحولين مجلس طبي

وبعدين الدكتورة تكتبلج تقرير

والله يسهل اموري وماتتعسر معاي

 

[shoshowh]

اب
اب
اب

 

[cherry tree]

انتي الحين نساة الله يعييينج
بس ترا المجلس يطول يعني على ما تسوينه الا انتي خالصة نساة ان شاءالله
انا اقولج بالتفصيل شنو سويت
١- رحت حق دكتوري وقلت له ابي اقرير عن حالتي حق المجلس الطبي وقالي يبيله اسبوع على ما يتصدق
بس انا وديته بايدي وصدقته بنفس اليوم بالسالمية
٢- عطيت التقرير حق الشؤون الادارية بدوامي وطلبت يسوون لي ورقة طلب مجلس طبي وعطوني ورقة انا اعبيها يعني صارو ٣ اوراق ووقعوهم من المدرا وعقب دزوهم عالوزارة عشان يعطوني تحويل مجلس
طبعا اذا عطوج اياهم بايدج احسن بلا نطرة اسبوع على ما توصل الوزارة
٣- الوزارة يطبعون لج كتاب ويدزونه دوامج ويفضل انتي تاخذينه بايدج عشان لا يتأخر بالصادر والوارد
يعطيها العافية وحدة تشتغل بالوزارة طبعته لي و نص ساعة وسلمتني اياه
٤- تروحين بالكتاب المجلس الطبي بالصباح تدخلين عالدكتورة وحاولي تروحين مبجر حيل ٧ عشان يدخلونج الدكتورة نفس اليوم وتخلصين خلال ساعة تعطيج تحويل حق المستشفى الي انتي تابعة له ويطبعون لج الاوراق
٥- تروحين فيهم المستشفى يعطونج موعد مو بعد اقل من اسبوعين
٦- تروحين موعدج تدشين عالدكتور اذا شاف حالتج تستدعي يسجل لج لجنة اسبوعين ثلاثة على حسب
وطبعا تسألينه ويبلغج ان من باجر تبدا اجازتج يعني لا تداومين بس بلغي دوامج انج اجازة مجلس طبي
٧- اذاخلصو اوراقج بيودونهم المجلس الطبي بخلصون بعد ١٠ ايام وتخبين احد يوديهم دوامج

يعني بتاخذين لج تقريبا شهر ياالله تريحين
بس سمعت ان عادي تطلبين من دوامج يعطونج ورقة اعتماد الاجازات المرضية وتاخذين طبياتج وتودينهم المجلس الطبي ويعتمدونهم
*