عفوا...بس مو كفو تكونين ام

[برونزيه كويتيه]

السلام عليكم ورحمه الله وبركاته .......



شلوونكم وشخبااركم ... مع الحر ... والعطله ؟!!

ايييه .. ماعليه .... الله كريم ...



ادري العنوان شوي لكم عليه ..... بس.........




للاسف الشديد .. هذا الشي واايد منتشر في مجتمعنا ...

راح احط شخصيات ... عشان اسهل الموضوع ....

حمد .... وامه " ام حمد "... ومرته "مرت حمد "..........

الي صاير هالايام ... انا نشوف "ام حمد " ... اهيا الي مربيه .. الحفيد "ولد حمد"

و "مرت حمد" ... وله عليها ... مستانسه بحيااتها ... ولاجنه متزوجه ... ولا جنه عندها يهال ....

باليمعه ... يمعه العايله الكبيييره ....

طبعا كل اليهال .... بصالتهم الخاصه مع خدمهم ... والكبار برووح ... منعا للازعاج اكيد ...

الا هذي .. ماتقدر تفارق نظر عينها ... وحشاشة يوفها ... ولييدها ... ولا اهوا ... خنات حييلي ... ما يعبر على فراق امه >> لوول مو تضحكون على الاسلوب اسلوب العيايز


والله يسلمكم .... تشووف الياهل تحت ريل امه ... فاااااااااااحط من البجي ... شكله يقطع القلب ... ويهه احممممر ....

و الام ... وله صووبه ... معاهم بالسوالف .. وطبخات رمضان ... وريل النائبه .. و الكريم الي بيض ....... الخ

و الولد على نفس الخط يبجي وصراخ يبي امه تلتفت ... تعطيه ويه ... مااااكوا امل

>> حشى قلب .... اشك انه في قلب ينبض ... اكو احد مايعور قلبه من هالمشهد ....؟!! حتى الي مايميلون لليهال ... بينكسر خاطرهم


اخر اخر شي ... تيي "ام حمد " ... تشيل الولد واداريه ... وتسكته ... لاسباب

1. قلبها تقطع على الياهل الي انبح صوته
2. صدع راس الاوادم .. والام تفشلت من مرت ولدها الي دووم ترزز فيها واخرتها جذي !!

و الحبيبه لي الحين مو هامها شي ... طاابه بفلانه وعلانه ...

ولو تسمعون سوالفها ..:"وااااي انا ما احب الخدم".... "اصلا خدامتي ماجيس البيت"..."كل شي بالبيت انا اسويه"

>> يرحم امج لا جذبين !! ... عندج خدامتين ... وحده حق البيت .. وحده حق مجابل اليهال ...

>> انا عندي الي تعترف انها ماتقدر تستغني عن الخدم ارحم منها ...


يبا مالج خلق اجابيلين يهال ولووويه ... لا تبين يهاال الحين ... يبا على الاقل مو دق دق وره بعض ...

والله يكسرون خاطري العيال ... الي جي امهاتهم ...

امي تقوول هذي اليهال اكثر يهال ربي حافظهم ...

جد لان تلاقينهم ... كل حوادث الدنيا .. صايره فيهم ... من اهمال الام

مثاال :

وحده اعرفها ... شفت ولدها ... وله ايده محروقه .. لدرجه ان اللحم طالع ...>>احححح

اقولها شفيه وانا مصدوومه

تقوول : ههههههه >> تضحك هاا .... جاس مطارة الماي المغلي

تضحكيين ؟! ... انتي عندج قلب ..؟!! ... اشك انه صخر مو قلب ...


>>ناس تقل ملااااااااااييين الملايين .. عشان هالنعمه ... عشان يحصلون على واحد بس

وانتوا النعمه عندكم ورافسينها بريوولكم ؟!

اذا كبرتوا .. و كبروا عيالكم ... و احتجتوا ان احد يداااريكم .. ويداري شيبتكم ...

تبونهم تبونهم يسون هالشي حبا فيكم ... ردا للجميل و ردا لافضالكم .. وللتعب الي تعبتوه عليهم ...

مو بس لان واجب عليهم .. وغصبن عليهم !!

النقاش ......

شنو رايكم في هالفئه من الامهات ؟

شنو سببها ؟؟

وشنو الحل بوجهت نظركم ؟؟

 

[دايم على البال]

يسعدني اكون اول وحدة ترد
شنو رايكم في هالفئه من الامهات ؟

رايي انه اشرهه موعليها على ام ريلها اللي معطتها ويه لو من الاول مخليتهم كيفها هي ولدها جان ماوصل حال الولد جذي

ورايي فيها انها ماتستاهل كلمة ام في ناس غيره محومين من الضنى احسن منها

 

[عيالي...حياتي...]

يسعدني ان شفت موضوعج



والله الواحد ما ادري شنو يقول ولا شنو يسوي
والله انا عندي حمواتي دايم يقولون لي انتي فيج وسواس

بس انا اشوفه حب وواجب ووظيفه الله خلقهم وخلقني علشان اربيهم واشوف حاجاتهم.

طبعا اهم يسموني موسوسه لان خدمهم يسبحون اعيالهم ويبدلونهم وياكلونهم وينزلون معاهم تحت ويجابلونهم ويقعدونهم معاهم بالمطبخ لا ويبوسونهم ويشمشمون عيالهم
جدامي
واذا صار بالليل راحت الخدامه خذت اليهال وعشتهم وبدلتهم وحطتهم بحضنها ونومتهم
لا ومرت حمايه اللي بنتها ماصار عمرخا سنه
قامتتنوم البنت بغرفة الخدامه اذا راحت زوارة اهلها
خميس ويمعه وسبت
ع اساس انها تعور راسها بحنتها
شقول ولا شقوووول

والله ضاق خلقي والبنت اللي عمرها عمر ولدي راحت تشكي لخالتي وتسالها ( ايديده) منو كان يلبس ابو ويعطيه اكله لما كان صغير؟؟

شوفو اشلون الياهل يفهم وينتبه؟؟

ولانها تشوفني حزة الريوق والغدا والعشا عقب ما الخدامه تعطيها اكلها تصعد عندي فوق.
وتشوف عيالي اسمالله عليهم حنه وونه ويمعتهم على السفره حتى ولدي الصغينون عمرة سنه من يومي اخلي وقت غداه وعشاه مع اخوانه

المهم انا بصراحه شاكرة لج هالموضوع وادري في بنااات ولدها وبنتهااا يموتون من الابجي وتخلي الخدامه تاخذهم عنها علشان تجابل النت ..​

 

[برونزيه كويتيه]

يسعدني ان شفت موضوعج



والله الواحد ما ادري شنو يقول ولا شنو يسوي
والله انا عندي حمواتي دايم يقولون لي انتي فيج وسواس

بس انا اشوفه حب وواجب ووظيفه الله خلقهم وخلقني علشان اربيهم واشوف حاجاتهم.

طبعا اهم يسموني موسوسه لان خدمهم يسبحون اعيالهم ويبدلونهم وياكلونهم وينزلون معاهم تحت ويجابلونهم ويقعدونهم معاهم بالمطبخ لا ويبوسونهم ويشمشمون عيالهم
جدامي
واذا صار بالليل راحت الخدامه خذت اليهال وعشتهم وبدلتهم وحطتهم بحضنها ونومتهم
لا ومرت حمايه اللي بنتها ماصار عمرخا سنه
قامتتنوم البنت بغرفة الخدامه اذا راحت زوارة اهلها
خميس ويمعه وسبت
ع اساس انها تعور راسها بحنتها
شقول ولا شقوووول

والله ضاق خلقي والبنت اللي عمرها عمر ولدي راحت تشكي لخالتي وتسالها ( ايديده) منو كان يلبس ابو ويعطيه اكله لما كان صغير؟؟

شوفو اشلون الياهل يفهم وينتبه؟؟

ولانها تشوفني حزة الريوق والغدا والعشا عقب ما الخدامه تعطيها اكلها تصعد عندي فوق.
وتشوف عيالي اسمالله عليهم حنه وونه ويمعتهم على السفره حتى ولدي الصغينون عمرة سنه من يومي اخلي وقت غداه وعشاه مع اخوانه

المهم انا بصراحه شاكرة لج هالموضوع وادري في بنااات ولدها وبنتهااا يموتون من الابجي وتخلي الخدامه تاخذهم عنها علشان تجابل النت ..​

انا مادري شلووون الام تخلي اعيالها عند الخدم

ما تخااااف تسوي بعيالها شي؟؟؟؟؟

والله ان اكثر المصايب تي من وره هالخدم!!

انزين شذنب الياهل ياخذ الحنان من الخدامه مو من الام؟؟؟

ما اقول غير الله يعين الياهل الي امه من هالفئه

و تسلمييييييين حبيبتي ع المرور

 

[برونزيه كويتيه]

يسعدني اكون اول وحدة ترد
شنو رايكم في هالفئه من الامهات ؟

رايي انه اشرهه موعليها على ام ريلها اللي معطتها ويه لو من الاول مخليتهم كيفها هي ولدها جان ماوصل حال الولد جذي

ورايي فيها انها ماتستاهل كلمة ام في ناس غيره محومين من الضنى احسن منها

حبيبتي انا معاج اشرهه على ام حمد

بس حتى لو هذا ولدها يعني انشالله ما تخليه يمووووت من البجي عشان تكمل سالفتها

و من ناحيه ما تستاهل تكون ام فا صح السانج حبوووبه

غيرها يتمنوون ضنا

شاااااااااااكره مرووورج الحلوو حبيبتي

 

[أم عبداللطيف]

اي والله وانتي الصاااجه ماتستاهل تكون ام ولا حتى اسم ام

الله عطااانااا هذي الامانة ولازم نحافظ عليها ووربنا راح يسالنا عليها

كل شئ يتعوض الا العيال وتربيتهم والله عن وجهه نظري اخلي كل شئ بسبيل عيالي اهم شئ عيالي والله حتى على نفسي حتى مثل ما قالت الخات (عيالي حياتي) ينادوني وسواسية لووووول الله لا يخسر تعبنااااااا ويعينااا على تربيتهم

والله برد على اسألتج

شنو رايكم في هالفئه من الامهات ؟

للأسف كلمه ام لها

شنو سببها ؟؟

وحدة ماهمها احد همها حيااتهااا وكشختها وطلعتهاااااا وبس وعايشه حياتهااا بروحهاااا


وشنو الحل بوجهت نظركم ؟؟

الشرهه مو على البنت (الام للأطفال ) الشرهه على امهاااا وزوجهااا معطينهم وي لازم يكوون لها هيبه وكلمه انه العيال يكونون تحت نظرج وعينج مو للخدم يراعونهم

الخدم ربي سخرهم لنا لمساعدتنا في الحياة مو نقط كل شئ عليهم انتي وين دورج كأم

والله اعرف وحدة معاااي في الدوااااااام تسهر مع ريلها وتطلع ماترد الا الفير وماتشوف بنتهاا على طول عند الخداااامه اقول لهااا حراام بنتج صغير ه ماتعدت سنة ترد علي خداامتي طيبه وتحبهاا حيل وتعرف لهااااا وبنتي هادية واانا قلبي منقطع من داخل اروح استاانس وواخلص شغلي وبنتي يعلم فيها الله

 

[در الـبحـور]

السلام عليكم

تسلمين يا قلبي عالموضوع و الله انج صاجة ياخيتي بكلامج

و الأم مو اللي تولد لأ اللي تربي

و انتي شايفة عيال الحين أستغفر الله يا رب الحمد لله الذي عافانا لا أدب و لا أخلاق و البعض هايت بالشوارع عسى الله يهديهم

و بالنسبة لموضوع النقاش:

شنو رايكم في هالفئه من الامهات ؟

عسى الله يهديهم و يصلحهم يجيبون هالعيال والجدة أو الخادمة تربيهم و إلا الشارع

شنو سببها ؟؟

- قلة الوازع الديني يعني لو الأم تخاف الله و لا جان تطبق حديث الرسول صلى الله عليه و سلم :
(( كلكم راع وكلكم مسؤول ، فالإمام راع وهو مسؤول ، والرجل راع على أهله وهو مسؤول ، والمرأة راعية على بيت زوجها وهي مسؤولة ، والعبد راع على مال سيده وهو مسؤول ، ألا فكلكم راع وكلكم مسؤول ))

- تلاقين الأم صغيرة بالعمر و أصلا اطلعت من بيت ما فيه تربية سنعة

وشنو الحل بوجهت نظركم ؟؟

- تقرى تتثقف في الدين مثل ما تتثقف في الموضة و شنو نازل من ماركات الله المستعان
- تتثقف و تقرى كتب عن عناية بالأطفال و طرق التربية الصحيحة
- تجابل العيال و تخصص و تنظم حملها علشان كل جاهل ينولد يتربى عدل مو بس تفريخ و بس

و شاكرتلج يا قلبي الموضوع مرة ثانية