رد : عـن تجربــه .. شاركونا بتجاربكم الناجحة حياكم ..
مشكوره كوين حبيبتي عالطريقه شكلها يشوووووووووق
أنا اليوم سويت دياي بالكريمه وماشد بوتاتو
نحتاج صدور دياي علبه وحده
كريمه حمرا كي دي دي علبه وحده
بصل مقطع جوانح كبيره
مكعب ماجي
زبده
فلفل وملح وصلصة صويا
مشروم شرايح
الطريقه
حطي شويه زبده عالنار وحطي عليها الدياي (يكون منظف ومعاه نتفة فلفل اسود وصلصة صويا)
وخليه يطبخ لين يطلع مايه تالي حطي على نار حيل هاديه مع البصل لما يبدي يذبل حطي نص قالب زبده والمشروم وخليه شوي عالنار مغطى
تالي حطيه ببايركس مع علبة الكريمه والماجي وملح وفلفل وصلصة صويا (أنا خلطتهم بماعون تالي حطيتهم عليه)
حطيه بالفرن بحراره منخفضه ساعه تقريبا أو ساعه الا ربع
mushed potato
كيلو بطاط (حوالي أربعه كبار)
راس ثوم وسط
ربع كوب كريمه حمرا
نص كوب حليب سائل كي دي دي
ملح حوالي ملعقه وسط شوي متروسه
فلفل رشه
3قفاش زبده
الطريقه
غطي الثوم بالقصدير وحطيه بالفرن ساعه الا ربع
فوحي البطاط لين يلين كلش بس مو ملش
هرسي البطاط مع الثوم بعدين حطي باجي المقادير
هذي الطريقه خذيتها من مون غيرل من عالم حوا بس هذي طريقة أبل بيز لكن الطعم نفس طعم تشيليز بالضضضضضضضضضضضبط اينن
جربوهم صدقوني شئ ايننون
تدرون اشسويت؟؟
قبل لا أبدي بالدياي حطيت الثوم بالفرن وخليت البطاط يفوح على ما دخلت الدياي الفرن الا البطاط والثوم خالصين هرستهم وسويت كل شئ بس هرست بطاطه بطاطه لأن إذا كله مع بعض صعب شوي
وبس بالعافيه على قلوبكم وأي شئ أجربه بقولكم
