عـــــــاجــل عن قرصت النامس او الباعوضة

[۩ غيـر عنهم ۩]

السلام عليكم

اولا عيدكم مبارك

ثانيا ابي اسأل شنو اللي يخفف من قرصت النامس (( الحكه )) لا ني تعرضت الى قررررررررررررصاااتت مو طبيعيه

وارمه من كل صوب الايد والرقبه والاهم الوجه والله مو مترقعه
ساعدوني باجر العيد وشكلي اكس مقرصه ذبحني واحس بحراره مكان القرصه لا تقولون روحي المستوصف اليوم مسكر​

 

[سمسميه]

شيهانه
ما ادري اشيسالفة هالفارص هالايام زايد
بس نصيحه اذا القرصه كبيره حيل تحسينها مو عاديه روحي الطبيب لان ساعات الجسم يحسس من القرصه وتصير حساسيه لان امس اختي نفس الشي ماكانت مصدقتني قلت لها لازم تروحين الطبيب وفعلا عطوها ابره
ما تشوفين شر

 

[*ستايل*]

فيه كريم بالصيدليه حق هالسوالف لما كنا بلبنان ذبحنا القارص ووصفله لنا الصيدلانى من هناك بس لما جينا الكويت رحت باخذه عشان عيالى فيهم جم قرصه قال ممنوع صرفه بالكويت لازم وصفه
بس بعطيج نفسه ونفس الماركه بس اخف هذاا مسموح
الفرق بينهم ان اللى ابيه فيه خط احمر وبرتقالى واللى
مسموح بالكويت فيه خط اسود
اسم الكريم يا قلبى Fucicort
ترى مرسوم عليه رسمه اسد صغيره روحى الصيدليه وساليه عن هالكريم ان شاء الله ينفعج بس مثل ما قلتلج احنا اللى نفعنا اللى فيه خط احمر وبرتقالى

 

[زلابيا]

تره زايد هالبق مادري شسالفته صرنا العن من مصر

انا بعد ذبحني ومكانها يصير في اثر معناته انها وايد وصخه !!

حطيت عليها فازلين شوي خفت وهم رحت الصيدليه شريتلي كريم والحمدالله حييل خفت لأنها صج كانت تورم علي شكلها يخرع وخفت انها تترك أثر مثل اللي قبلها ...

 

[الاسطورية]

مره سمعت بالراديو بس ماجربتها بعد ان تحكين الورمه بقشره الموزه من داخل
وراح تخف

 

[شهدQ]

ابررررررررررررره من الطبيب وعيدك مبارك باكر تكونين فاشه

 

[hada]

calamine lotion مخصوص حق هالسوالف قرصات وغيرة ومطهر وبسرعه تروح القرصه
كالامين لوشن ورخيص يمكن دينار او دينارين من الصيدليه

 

[ii DareeN ii]

ابيه طلعنا كلنا
انا مقرصه تقرص الي صاير مثل التطعيم ولا احلا وحده الي على يبهتي خوش نيشان حق العيد

 

[رفرف]

واي شسالفة حتى اختي منتفها القارص مسكينة وانا احسب بس اهيه طلعت السالفة منتشره !!!
والله مادري انصحج تروحين الطبيب بعد شتسوين

 

[۩ غيـر عنهم ۩]

تعتذر شيهانه عن استقبال المهنئين بعيد الفطر السعيد
مافي الا اسوي جذي واحط بالجرايد
الكل منقرص بس الضرر الاكبر فيني المفروض ماخذه ابره بس شسوى اليوم عطله وتعاجزت اروح
مافي الا اشتري كريم واحط كمادات بارده ابهامي وارم جنه ابهام مصارع والخد بعد

ديرررررررو بالكم منهم ذبحوهم لا تخلون ولا ناموسه <<<< وحده متعقده​