صبحكم الله بالخير
الحمد لله على سلامتج جوري بس بغيت أسألج ما فيه أماكن يديده طحتي عليها وأنتي هناك؟ أغلب الي راحوا العام عقب الأزمه قالوا سوقهم كان يلوع الكبد صار أحلى الحين؟
غسوقه العمر كله انشاءالله عسى الله يبلغ أهلج فيج ويشوفونج عروس بس مو ما تعزمينا على عرسج
أم لعيال يصبحج بالخير حبيبتي آنا رايحه لنياغرا 3 مرات بس من صوب كند ا ما يحتاج أوصفلك بعد خياليه ومره وحده رحت لها من صوب أمريكا بس كان شهرمارس97 ما شفنا شي بسبة البرد والثلج وكل من يقول انها من صوب كندا أحلى من ناحية المنظر المطل والمحلات الصغيره المنتشره حواليها والنظافه والترتيب أحنا بنروح لأن ولدي الصغير يقول آنا مو ذاكرها (كان عمره5 سنين )أبي أشوفها وما نبي نسوي فيزا حق كندا بس عشانها مع أنها تسوى
وشيكاغو بعد ما يحتاج اتينن بس بعيده ومتوهقه قاعده بالنص لا اهي الي منيه ولا منيه
هلا حبوبة
الصراحه سوووقهم ما عجبني كلش يعني اقصد الملابس وغيرها باسثناء نيمن ماركوس وساكس افنيو اما اليهال كان لهم نصيب الاسد السوق عجيب حقهم واذا تبين جناط ولاجواتي وانتي بكرامه اتحصلين بس ماركات امريكية لان الماركات الاوربية حدها غالية اهناك يعني باوربا مثلا يردون التاكس بس بامريكا لأ بيطلع عليج اغلى ما يسوى
امريكا اخذيها وناسه عندج ديزني يونفرسال والمولات عندج ساوث كوست بلازا وبفرلي سنتر وسان دييغو عندج فاشن فالي
والاولت في لوس انجلوس desert اظن هذا اسمه ولاس فيغاس بريميم اوت لت لاس فيغاس
ونصيحه لا اتطوفين بدلات السهره في بلومندل الماركات الامريكية اتهبل واسعارها معقوله
والجواتي وانتي بكرامه عندج نيمن ماركوس وايد حلوين خصوصا ماركةBCBG
والكريمات طبعا باث اند بودي وركس
واليهال كودي لهم من جمبوري وكارترس وبولو طبعا من الاوتلت لان يفرق بالسعر ونفس البضاعة
ونصيحه قسميييي روحتج شمال وجنوب عشان لا تتعبون
يعني سكني بالشمال بفرلي هيلز وعندج فندق ريسدنس ان بفرلي قريب من الرودو درايف وسعره معقول
وغطي بفرلي وهوليود واليونفرسال وسانتا مونيكا وذا جروف
وسكني بالجنوب وانصح باناهيم اذا معاج يهال او كوستا ميسا في فندق يم المجمع مال ساوث كوست بلازا اسمه ويستن
وغطي ديزني والمجمع ساوث كوست وفاشن ايلاند بنيوبورت بيتش و ذا بلوك فيه قهاوي وطاعم وسينما
وعندج سان دييغو روحي داون تاون وبورت فيلج روحي لها الصبح وعندج الجزيرة اظن اسمها كورنودو نسيت وتروحين لها بالسيارة عن طريق الجسر وايد حلوه روحي لها بالعصاري وعندج فاشن فالي مجمع حلو فيه ماركات وفيه نيمن ماكوس ونوردستوم وساكس افنيو وميسيز ومحلات وايده طبعا السي وورد والزوو.
الحين هذا اللي حاضرني واي شيء اتذكره راح اكتبه لج
)
