عزيزتي الطالبة بخصوص انج تأخرين الصبح عن الطابور ...... تبيني امرج الصبح واقعدج مثلا
عزيزتي الطالبة بخصوص انج ما تحيين العلم ..... الاخت جنسيتها أسبانية مثلا
عزيزتي الطالبة بخصوص مالج خلق الابلة تشرح الحصة الأولى ..... تبينها تلعب معاج أونو علشان تصحصحين مثلا
عزيزتي الطالبة بخصوص تزعلين اذا الابلة قالت لج ليش ما حليتي الواجب .... تبينها تقولج عطيني واجبج عمري وانا احله لج غصبن علي وعلى طوايف اهلي مثلا
عزيزتي الطالبة بخصوص انج تسولفين مع اللي يمج والابلة تشرح ..... تبين تحلين ازمة الشرق الاوسط مثلا ..
عزيزتي الطالبة بخصوص انج تمدحين الابلة بويها وتحشين فيها من ورا ظهرها ..... فيج انفصام شخصية مثلا
عزيزتي الطالبة البوية بخصوص انج تخزين الابلة وتطالعينها بنظرات وصخة ....... شايفة نفسج مهند مثلا
عزيزتي الطالبة البوية بخصوص انج تغارين على رفيجتج ...... صدقتي انج صبي مثلا
عزيزتي الطالبة المايعة بخصوص انج تتكلمين وتتدلعين وتقلدين حليمة ...... متى نشوفج بالاسفنج
عزيزتي الطالبة الفاشلة بخصوص ان حالج حال الطاولة اللي انتي قاعدة عليها .... ما في امل ابدا انج تترقين شوي وتبطلين حلجج وتجاوبين علشان استانس
عزيزتي الطالبة اللزقة اللي ما تخلي ابلة الا تتلزق فيها وتحبها .... عندج نقص حنان مثلا
عزيزتي الطالبة المؤدبة , المتفوقة , المحترمة .... انتي اللي صج عزيزتي
