عطي حصتج وطلعي اخر خبر بالراي

[اغلى دانة]

صاجين والله
بيئة الحريم حبايب القلب صوب والمغضوب عليهم صوب ثاني!!
وسياسة لا حبتك عيني ماشية زي الفل
بس والله اذا الوزير شاطر لا يخلي دوام المعلم شفتين
شفت الصبح وشفت الظهر
يعني كل معلمة لها ثلاث ساعات و كسور..... يا صبح يا ظهرويتغير
يعني يومين صبح وثلاث ايام ظهر مثلا
جذي محد يقدر يدبس المعلمة لو شنووووو
يفلفلوووون ههههههه
على الاقل تقدر تطلع تسأل عن عيالها بالمدارس ...تمر عيادة ...تروح البنك...تخلص مشاويرها ...وحتى تحظر حق باجر وتفتك !!
وعلى طاري المقصف
الوزير حطوا بالتلفزون يقول الطلبة الصبيان يشقحون الطوفة ويروحون الفرع ليش ما نييب الفرع بالمدرسة ونحل المشكلة
وماكو شي اسمه معلم يمسك مقصف
لأ ...موظف تابع لفرع الجمعية يكون مسؤول عن الفرع والفرع شغال صبح وعصر عشان رزق الريال ما ينقطع
وله باب ودريشه برة المدرسة وادوات قرطاسية بعد مثل ادوات هندسة اقلام رصاص وحبر ومحايات لان وايد طلبة ينسون اغراضهم بالبيت
هذا كلام بو انس
ترا يفكر بس يبي اقتراحات عدلة عشان يعرف شلون يساعدنا
شرايكم انتو؟

​

 

[رائعة]

وزارة التربية يا كثر ما تصرح

 

[Turquoiseya]

امحق قرار

مايعرفون يريحون المعلم من المناوبة وتربية الصف والاحتياطات

وقفت على قرار يكون بايد الادارة تتلاعب فيه
يريحون اللي يبونه والمغضوب عليها ملعون خيرها

 

[Miss Cherry]

تدرون شنو مشكلة المليفي ..

انه مو من رحم التربية ولا من اهل الميدان على باله الدنيا وردية والادارات بشر يخافون الله


انا اتابعه حتى بتويتر ابن الحلال مجتهد حتى لو كان هدفه تكسب انتخابي بس يحاول يصلح وزارته

وقاعد يتواصل ويرد على الناس .. وهالشي ما شفناه بقيادي من قبل وهذي تحسب له


اما الاقتراح هذا حجي فاضي ومستحيل يطبقونه والله يستخفون دينصورات وعجايز التربية .. وبعدين منو قال انه حنا شغلنا بس حصص نقدمها ؟ حنا اغلب شغلنا مو من نطاق وظيفتنا الاساسية يعني نشتغل شغلنا وشغل غيرنا

وفوق هذا لو تطبق هالقرار وانا اقول مستحييل بس لو صار بتشتغل لعانة الحريم يحطون الجداول مطشره حصة اولى وحصة اخيرة عشان ما نطلع .. وحق ربعهم حصص على كيفهم بيصير فيها ظلم


انا اقول لو يحددون شغلنا بحصص نقدمها وبس مالنا اي شغل بغير حصتنا بيكون احسن من هالقرار العايم اللي بيكون فيه مشاكل وظلم وجور من الادارات .. حنا مشكلتنا الادارات صراحة لو الوزارة حطت قانون يعطي الادارة اي صلاحية بيكون هذا مو من صالحنا فحنا نبي شي ثابت يضمن حقنا ومحد يقدر يستغله .. مانبي نطلع ومستعدين نقعد بالمدرسة نخلص شغلنا ونهتم بالطلبة ونعطي بس بدون ضغط وبدون مسئوليات مو من صميم عملنا

الوزير حطوا بالتلفزون يقول الطلبة الصبيان يشقحون الطوفة ويروحون الفرع ليش ما نييب الفرع بالمدرسة ونحل المشكلة
وماكو شي اسمه معلم يمسك مقصف
لأ ...موظف تابع لفرع الجمعية يكون مسؤول عن الفرع والفرع شغال صبح وعصر عشان رزق الريال ما ينقطع
وله باب ودريشه برة المدرسة وادوات قرطاسية بعد مثل ادوات هندسة اقلام رصاص وحبر ومحايات لان وايد طلبة ينسون اغراضهم بالبيت
هذا كلام بو انس

ايه شفت اللقاء .. اهو كاقتراح حلو بس يبيله ميزانية ومو معقول كل مدرسة بتكون فيها جمعية اهو على كلامه يقول نفس فرع مستقل له باب من داخل المدرسة وباب من برا وبعد ما ينتهي الدوام يظل شغال .. الكلام سهل بس هذا يبيله شغل يبيله موظفين يمكن لو يطبقه بس بالمرحلة الثانوية بس بيكون حلو

 

[(كويتيه عسل)]

ونااااااااااااااااااسه ياريت احلى شي ياريت يطبقونه

 

[البـتول]

القرار المفروض يطبق بمعاير
بمصر اما تاخذ حصصك من الحصص الاولية بحيث تداوم مبجر وتطلع مبجر
او تاخذ حصصك من الحصص الاخيرة وتي متأخر على وقت حصصك وبس

بس اهني لو ما حطو هالمعيار الوكيلات بيصكونا حصة اولى واخيرة عشان نقبع في المدرسة خو اهم ما يطبقون اي شي من صالحنا بتاتا بس يطبقون الاشياء الي تقث

 

[هجووورة]

مبرووووووووك عليكم الحصص الاخيرة

 

[مظلومه ياناس]

علشان نشوف الحرب والضرب وطق المطاقق على الحصه الاولى والثانيه وانا اولهم ،،، وغير كلمة اشمعنى فلانه وانا لا !! مااعتقد تتطبق

 

[fri2010]

انا بصراحه لو اتطبق هالقرار

ما راح اهتم عطوني حصه اولى والا بالوسط والا الاخيره

اهم شي ان يتطبق سالفه اعطي حصتي واطلع مهما كان وقتها

 

[جمانه وحنين]

يارررررررررررريت

 

[miss lulu]

بالمشمش واذا تطبق اكيد الناظره تستخدمه بمزاجها مثل اي قرار ندري عنه وما يطبقونه بالمدرسة

 

[أحلى البشر]

خوش شي جان زين يطبقونه

 

[اريج الجوري]

ننطر ونشوف ما تحمله لنا الايام ,,, هع

 

[( المـلاك )]

اه بس اه
جان زين
جاااان زييييييييييييين

 

[kuwaitya_zoGaa]

هالسالفه سامعه فيها من 2004 وماشفنا شي

 

[قاهرتهم 2011]

جان زين ونفتك من مجابلهم

 

[حكستار]

جاااااااااااااااااااااااااااااااان زين!

 

[-لورا-]

يا رب الله كريم

 

[أم أنور]

ياكثر مايتكلم هالوزير عالفاضي
بالله اذا طبقوه منو بيمسك الاشراف والمناوبه
امبيه صعبه لاتصدقووون

 

[e.ngland]

المفروض يزيدون الباصات ويخلون اهالي الطلاب يوقعون على ورقة عشان يروح بيوتهم بالباصات
وثاني ششي الابله اللي تخلص دوامها وماعندها لا حصص وولا شي شحقى تقعد لاخر الدوام @@
وثالث شي المدارس خلو الابتدائي والروضه طلعه وحده يعني بحزه وحده يطلعون
والثانوي والمتوسط حزه وحده

لو يتبعون هالشي والله جان الشوارع بخير