عطي حصتج وطلعي اخر خبر بالراي

[اغلى دانة]

انصراف بعد أداء الحصص

آلية جديدة لنظام دوام المعلمين

كشفت مصادر تربوية مسؤولة لـ «الراي»عن توجه وزارة التربية لاعتماد آلية جديدة لنظام دوام المعلمين والمعلمات في جميع مدارس التعليم العام، حيث سيتم منح المعلم حق الانصراف بعد انتهاء عمله حسب نصاب الحصص في الجدول الدراسي، مشيرة الى انه جارٍ دراس الآلية الجديدة من قبل اهل الميدان تمهيدا لتطبيقها.

وأكدت المصادر أن نظام الدوام الجديد سيمنح المعلمين حرية البقاء بالمدرسة او الانصراف حسب رغبته في حال انتهائه من عمله، لافتة الى انه سيتم العمل على عدم ربط دوام المعلم بالدوام الرسمي المقرر بحسب نظام ديوان الخدمة المدنية. ولفتت المصادر الى انه من المتوقع ان يتم تطبيق آلية العمل الجديدة لدوام المعلمين في منتصف العام الدراسي المقبل وذلك بعد الانتهاء من وضع الآلية المحددة واعتمادها بصورتها النهائية.
​

جريدة الراي
http://www.alraimedia.com/Alrai/Article.aspx?id=290512&date=03082011


​

 

[ترف بابا]

كلام بس فعل ما شفنا مصر سوريا هذي طريقتهم من سنين

ومدارس الرياييل بعد !

 

[بنات حواء2]

اصلن هذا الصح
اهمه مو يقولون يبون يحلون مشكلت الزحمه
اشلون بحلونها و كل المواطنين يطلعون حزه وحده ؟؟؟؟؟؟؟؟
اشلوووووووووووووووووووووووووووووووووووووووووووووووون
يعني الله عرفناه بالعقل
في وظايف يخلصون شغلهم مبجر ليش القعده
مثلنه احنه يالمدرسات خلصنه حصصنه ليش ننسجن بالمدرسه لي اخر الدوم ؟؟؟؟؟؟؟؟
ليش
و ليش نروح مبجر من الساعه 7 ونص واحنه ما عندنه حصص

و بنهياه كلعاده
و نفس كل مره اقولكم
هذي ابرة مخدر لكم بس كبدايه شان بيستلمونكم بقرارات غريبه بدايه الدوام وقولو ام زنوب ماقالت

 

[ذلهم‏"غروري]

يارررررررررررريت
والله نبدع ونعطي من قلب من غير حسوفه بلا منة الناظره وغيرها

 

[LA TROO7]

خوش خبر ان شاءالله يتم

 

[درة أهل الطولات]

اي صح اتوقع يطبقونهااا لكن

هذا ويهي اذا ما عطونا حصة اولى والحصة اللي بعدها السابعه

علشان يحبسونه بالمدرســة

 

[مهرهـ]

هههههههههه
جان يزوغ عقل وكيلتنا
جان لعانه بس تعطينا الحصه السابعه
جان يكدشونا بامور اداريه
جان خششهم تورم
جان تصير شليليات <<ويسوون جداول حلوه لربعهم عشان يطلعون ابجر

^
^
حريم

 

[miele]

هههههههههه
جان يزوغ عقل وكيلتنا
جان لعانه بس تعطينا الحصه السابعه
جان يكدشونا بامور اداريه
جان خششهم تورم
جان تصير شليليات <<ويسوون جداول حلوه لربعهم عشان يطلعون ابجر

^
^
حريم

عشاان چذي انا اكررره مجتمع الحرييم المدرسي .. كله نحاااسه ولعانه وناس ترزز وتقلقس استغفر الله.. عاد الا من رحم ربي وهذا نادر ..ما يتعلموون من مدارس البنين واداراتهم الله يهنييهم ما شا الله ناس فاهمه

 

[مشغوله و محتاسه]

توجه ...


على ما هالتوجه يصير قرار

و القرار يعمم

و الادارات تستوعبه واتطبقه صح ..




الا احنا متقاعدين ببيوتنا

 

[PuPa^^SWeeT]

بس جذي الله يعينا عالاحتياطات

كل يوم يدبسونا احتياطات

 

[ذكريات عشاق]

يااكثر ما يصدرون هالقرارات دون تطبيق
الله يعين بس

 

[raaad]

يعطيك العافيه

 

[مشغوله و محتاسه]

يااكثر ما يصدرون هالقرارات دون تطبيق
الله يعين بس

مو قرار للحين مجرد توجه على قولتهم .. فكره بس


ما ادري ليش يصرحون وايد ..

خو فكرو و قررو و عقب صرحو للجرايد


يحبون الخبه :eh_s(22):

 

[مدرسة المستقبل]

مشكورة ع الخبر أحلى دانة

إن شاء الله يطبقونه

وتلتزم الإدارات بتطبيقه بدون تحيز لربعهم

 

[قاهرتهم 2011]

حتى لو أقروه معظم ادارات الحريم يتحايلون وما يطبقونه
منو راح يكرف عندهم بالمدرسه ويشيل شغل الاداريات وامينة المخزن ومشرفات التغذيه والفراشات !!

 

[ام عفاف الكويت]

عز الله بشرنا بالاحتياط الحصص الاخيره هههههههههههه

والابلات يبون جداولهم حصص اولي

<< ماكلتها كل سنه 3 اخيرات

 

[koookaa99]

السلام عليكم
هذا القرار صعب تطبيقة لانه لو كل وحدة خلصت الحصص واطلعت منو راح يبقى
اذا صار شي طارئ
وحق كثيرات الغياب حرام يتطبق احنا جذيه مو ملحقين عليهم

 

[om mariam]

اصلا جذي لا تشوفين غياب ولاتاخير ولا ناخذ احتياط وكل واحد يبدع في مادته
بس هذا اقتراح للكورس الثاني مو الاول
وان شاء الله يطبقونه يارب
ومشكوره

 

[** رش رش **]

فعلا حتى لو اقروه ما راح يطبق
احنا يوم الغبار و وكيله الوزاره بالتلفزيون تقول عطله و ناظرتنا صاكه الباب ما تبي تطلع احد
يمااااا يا نحاسه الحريم

 

[BadoOora.m]

وااااااااااااي استغفر الله بيئه الحريييم .. اصلا بس يتطبق هالقانوون شوفي بعض المدرسات اللي تحبهم الاداره جدولهم زي الوررررررد .. والباجي مساكين بينقطون حصص اولى و سابعه و احتياطاات اللهم يا كافي

كل وحده تحط على الثانيه جنج ماكله حلال ابوهم .. ماااحب بيئه الحرييييييييييييييييييييييييم بالمدرسه استغفر الله