عطيني سر واعطيج سر

[قدســـاوية]

اشلونكم يا حلوااااااااااااااااات ،بنات ترى مادري اذا الموضوع مكرر سامحوني بدخل فالموضوع : اغلب الناس لهم اسرار في الطبخ تعطي الاكل طعم لذييييييييييييذ مثلا : تذوقين طبخه من جيرانكم او صديقتك او قريبتك وتسألينها عن الطريقه فيكون فيها سر اضاف للاكل طعم مميز .

ناخذ امثله : تتبيلة راااائعة للسلطة ..

فص ثوم وقطعيه حلقات وحطية بصحن وصبي عليه عصير ليمون وشوي خل وزيت زيتون وخليهم ينقعون مع بعض عشر دقائق على الاقل وبعدين حطي ملح على السلطة وصبي عليها التتبيلة بدون حلقات الثوم وقلبيها .. يممممممي
وايضا : لما يكون عندك نوع حلويات بحليب النيدو احمسي النيدو على النار لين يوصل لونه البني الاشقر واضيفيه لنوع حلوياتك
وشوفي الطعم شلون صار خطير

اكيد فهمتو علي نبي نعرف اسراركم في الطبخ يا حلوااااااااااااااات
واذا الموضوع مكرر ضعوا لي الرابط

بانتظار الاسرار وتطمنوا سركم في بير عميق

ومشكورييييييييييييييييييين

 

[جارة القمر]

رد : عطيني سر واعطيج سر

مشكووووره



وتقريبا موضوعك نفس هالموضوع

http://www.q8yat.net/showthread.php?t=37671

 

[أم حموووود]

عندي طريقة صوص للسلطة دائما استخدمها والكل يسأل عنها خصوصا للجرجير وهي:صلصة رانش ودبس الرمان وقليل من السكر لتقليل حموضة دبس الرمان

 

[ام الدرر]

عاد انا اسراري وايد
احم احم ..........
ورق العنب اذا طبخ وخلص خليه مغطى لحد مايبرد وعقب قدميه يظل لونه خضر مو يسود
اذا سويت لقيمات او اي حلو يبي شيرة وماعندج خلطي 2كوب سكر و1كوب ماي نص قفشية ليمون هيل وزعفران وحطيهم ببايركس بالميكرووييف 5 دقايق والشيرة جاهزة
مسحب الدجاج طبخي دجاجتين اوثلاث وسحبيهم وفرزنيهم كميات حسب حاجتج
معكرونة البشاميل بجميع انواعها المعكرونه لما تستوي شخليها ورديها الجدر وحطي عليها 1قيمر كي دي دي ونص علبة الكريمة و1مكعب ماجي وجبن موزاريللا وخلطيها وعقب سويها بطريقتج بلحم مفروم او دجاج وفوقها البشاميل
اذا قدمتيها بتصير المعكرونه لذيذة ولينه موناشفة
وسر ثاني البشاميل اذا سويتيه حطي عليه كيس صغير جبن موزاريللا قبل تصبينه فوق صينيتج وذوقي الطعم
وسلامتكم
اذا تذكرت شي برجع ​

 

[miss-zgrtiya]

رد : عطيني سر واعطيج سر

والله انا ما اطبخ بس سمعت مره معلوومه حلوة من فتافيت
اذا تبين تقللين من حدة البصل نقعيه في مكعبات ثلج ..
ومشكووره ع الموضوع

 

[قدســـاوية]

ويييي مشرفتنا سوري والله مادري


ام حمووود امووووووووووووت عالرنش سوس


ام الدرر تسلمين عالافكار الروعه واقدر اقول انقذتيني بالشيرة

زقرتيه طريق غريبه


وكلكم تسلمون عالردود المشجعه

 

[قدســـاوية]

اذا سويتي كشري حطي على البصل الشرائح دقيق وقلبيه وبعدين اقليه
يطلع مقرمش واينن وحلو مو ذبلان

 

[جارة القمر]

رد : عطيني سر واعطيج سر

قدساوية


ماشاء الله عليج


تقريبا



فكرتج للكشري أنا اسوي جذيه

وفكرة الورق للأخت أم الدرر أنا اسوي جذية علشانا الور عنب ما يصير اسود وأنا إذا عندي عزيمة أطبخ الورق عنب والمعكرونة بالباشميل قبله بيوم علشان أخفف علي نفس وحتي الحلو البارد أحب أسويه قبله بيوم

نبي بعد أفكار


خل نستفيد

 

[خضيرة]

اذا تبين العيش يكون نثرى وحبتة طويلة اول ما تكتين العيش فى الجدر قصرى عليه الجولة وخليه لمن ينشف

 

[سمآ الرياض]

انا كمان ابي اقولكم سر من اسرارى المطبخيه

1/صوص ينفع للكوشري والمنتو والمكرونهاو للبتزا او للمحشي السريع سهل وسريع المقادير
( طماط +زيت عادى او زيت زيتون +ثوم او بودره ثوم عادى +فلفل اسود +كمون+ملح) تقطعيها صغار او تطحنيها وتطبخ حتى يغلض قوامها
اذا تبي تضيفى اوريغانو مع المكرونه والبتزاء ضروري مره يضبط معها

2/ استخدم عجينه العشر دقايق لكل معجناتى وحلوياتى حتى الدونات تضبط وياها تعلمتها من منتدى حواء والله يجزى كل من تعلمت منه خير


3/ الرز اذا تبينه نثري بعد ما تغسلى الرز حطيه بالقدر معه ملعقتين سمن واحمسه سوي وحطى البهارات الصحيحه (هيل +مسمار+كمون+ورقه غار) ضعى الماء وخليه يغلى على نار عاليه لين تحسه راح يستوي بعدها هدى على النار اقل شي واتركيه 30 ساعه



ان شاء الله راح افيدكم بكم سر بالايام الجايه لانى الان دخلت على السريع وهذا الى اتذكره وما حبيت اطلع وافيدكم بشي

 

[<<لمار>>]

شوربة ماجى اوكنور بالكريمة احط معاها ذرة ودجاج مسحب وتصير جنها شوربة قيصر والكل يطلبها منى وحسبالهم انا اسويها لوووووول

 

[النشبه88]

سالفة البصل المقرمش امي قالت لي عنه ذاك اليوم بعد لوول فعلا معلومه مهمه نقصه ضعيف عشان يطلع مقرمش :botetoo: :eh_s(15):
انا اتوقع عندي اسرار بس ناااااااسيتهم:eh_s(16):
بس بقول شغلات يمكن مو يديدة عليكم:082502bye_prv:
اذا فحتي البطاط بقشررره وتبين يسهل عليج تقشيرة على طول حطيه بمااااي ثلج ....يتقشر بسهوولة جدا
واذا فحتي بروكلي او فاصوليا او اي خضار تبينها تحتفظ بلووونها الحلو ..على طول عقب الفوح قطيها بماااي بااارد
والاحظ الكل يستخدم مكعبات ماجي الغير مفيده ابدا فانصحكم تستخدمون المنتجات ال organic ( العضوية ) وعندكم ارض الطبيعة .. مكعبات الخضار اصح ..صج انها اغلااا بس شنسوووي :flower: <<< شعندها استاذه التغذية

وانصحكم بالكركم مع البيديان اذا شويتوه بالفرن ..حطوا فوقه كركم يعطيه طعم احلى :eh_s(15):
ولي عودة اذا تذكرت شي وشكرا عالموضوع الجميل واللطيف في آن واحد

 

[النشبه88]

اي وعشان العيش ما يتكسر نقعووووه مع الملح :d
والنعناع لي بغيتوا تجففونه .. جففوه داخل المطبخ مو بالشمس لاااااانه بالشمس يصير اسود بس داخل يحتفظ بلوووونه

<<<<<<<< اسرار منال العالم لووووووووول وبايقتهم من امي ..وكل عايلتنا ما تحبها وهم مجابلينها لووول حتى اخوي يطب فيهااا

 

[عزتي مااهي غرور]

انا ما اعرف اطبخ ولا عندي اسرار بس مشا الله عليكم صرااحه فتاتك عليكم :::<<<

 

[همس الليالـي]

رد : عطيني سر واعطيج سر

امممم وانا شنو عندي شنو
اي
لجيت اسوي البروستد*بروستد الدجاج أقطعها 8قطع و انقعها قبلها بليلة بـ( ماي + ملح+ثوم مبشور+ فلفل اسود) والماي لازم يغمر الدجاج ع الاخر والملح حسب الرغبه يعني اذا حابه البروستد مالح كثري بس على فكرة الملح مو رشه لا اذا صار الماي مالح مثل ماي البحر وخليه بالثلاجه وبعدها نصفيه من الماي عدل .. ونغمسه ببيضه وبعدها الطحين
ولا تقلينه بسرعه خليه يتشرب الطحين وبعدها رجعي غمسيه بالطحين بس وبعدها قليه .. عشان يطلع مقرمش ..
وفي بعضهم يرجعون يغمسونه بالبيض وبعدها الطحين بس هالشغله ماعجبتني مو حلوة كلش ..
جربي طريقتي .. عجيبه بصراحة ..

واذا تذكرت شي ... سدحته

 

[فوشيه عجيبه]

يعطيكم العاااافيه بنااااات

 

[النشبه88]

اذا بغيتوا تنقعون الدياي او اي شي ثاني قبلها بليلة انصحكم تحطونه مع التتبيله مالته بجيس نايلون يمتص النكهات اكثر

 

[Great-Chef]

دايما لو حابة لون البصل المقلي للكشري يكون شكله لذيذ وكرسبي وهمن يمي وقت قليه حطي قفشة وسط سكر وادعوووولي

 

[حلو ريماس]

رد : عطيني سر واعطيج سر

يعطيكم العافية

اذا بحمس لحم امريكانا المفروم غنم طبعا ما اضيف ملح
بس حطي مكعب ماجي كافي
وتطلع ملحته مضبوطة