عطيني سر من اسرار تعلق محبة حمولتج لج

[وسطية ديمقراطية]

احترمي عمج وخالتج وعطي الباقي طاف
محد يستاهل الطيب الا هالاثنين

سئليني انا عن الحموات وعوابتهم وحسدهم وامراضهم

 

[SWiiiRZ]

الكلمة الطيبه
اهتمامج فيهم وبزوجج
اهتمامج بام ريلج (خالتج)
تتنقصين لها شي تدلعينها

انا خالتي تموت علي الحمدلله
الله يخليها لي

و دامها شايفتني مومقصره معاه اكيد بتحبني

 

[الجادل الترف]

موضوعك حلووو...ومفيد
وانا برااايي الوحده ماتصير ثقيلة طينه يعني تسولف بس بحدود ماتصير ملقوفهوالثقل زين...

والسنع كلن يعرفه...مايحتاج واهم شي الوحده اللي ماتصير نقالة حكي وياكثرهم هالسالفه تطيح الوحده من عين اهل زوجها
مع انه بنظري ماتوووو اللي ينقلون الكلام...خلاص الي متى

 

[ReD&FoSHia]

مادري
انا عايشة عالنية
يعني احبهم بالضبط مثل ما احب امي و خواتي

 

[fofo90]

والله كافية خيري شري
عنهم بس بعد شيبوووووووووووون ..

 

[غلآ نوآف]

الحمدلله اني بالبداية احب اقول
ان توفقت باهل زوج طيبين وايد
وينحطون عالجرح
ويستاهلون كل خير

اكثر شي قربني لهم
اطباعـــي

ولو ان لي اطباع شينة ياريت اقدر اتخلص منها خخخ
مثل مرات عنيدة او الزم برايي ما اقتنع براي احد وايد

لكن الحمدلله
بشوشه دائما
وصريحة معهم
وما اخش شي بقلبي لو عندي كلمة او شغله اقولها بكل صراحة وباحترام وود وكانهم اهلي
وما احب القيل والقال ونقل الاخبار وهم بعد مايحبون هالطبع الحمدلله
واخدمهم واحاول اني اعاونهم ولو باشياء بسيطة
ناقصهم شي بالبيت اذكر زوجي يجيبه وهو جاي
او خالتي تحتاج شي وهو معاي اعطيها اياه
او شي يصير بالبيت ويحتاجون شي وف مقدوري اساعدهم احاول اني ما اقصر
اذا صار لهم مناسبات بخير او بشر احاول اني اشاركهم افراحهم واحزانهم
وحتى اقوم بواجبهم اتجاه معارفهم وعشيرتهم
احترم ضيوفهم وابتسم ف وجههم واقدرهم واسوي الواجب والحشمة
ما اذمهم وبصراحة ماينذمون ماشاءالله خايفين الله وعاقلين ورزانة
اسال عنهم واداريهم واخلي قلبي ع قلبهم
احبهم واعزهم وابين هالشي بعد لهم باسلوبي ومعاملتي
امزح معهم واسولف معهم ونضحك سواء ونتغشمر ويكون بيننا ود
هالشي يخليهم ان غبتي عنهم يذكرونج بالطيب
ويشتاقون لج لو تغيبين يوم واحد
لان كان لج بصمة حلوة ف البيت ترد لهم الروح
بالابتسامة والكلمة الطيبة والمعاملة الحسنة تصيرين مثل النسمة الباردة عالقلب
تشيل الهم وتزيل الغم وتريح الخاطر والبال
يعرفون اني احب ولدهم واعزه واحترمه واقدره
يبان من اسلوبي وكلامي وتعاملي معاه وحتى يبان عليه لمايكون معهم
ويذكروني او يتكلم عني
يعني اخليهم يطمئنون اني ماراح اخذلهم ولا اخذل ولدهم

ف اكيد اذا الوحدة كانت جذي
راح يحبونج ويحترمونج
ويعدونج وحدة من بناتهم واعز مرات!


لاتعتبري نفسج غريبة
ولاتنقلي اسرار البيت لبره حتى لعند اهلج
ولا اسرارج الخاصة بينج وبين ريلج
او حتى مشاكلج

 

[عروس فبراير]

انا سري ماتدخل بحياة احد ودايما اطوف اي موضوع ضايقني علشان المركب يمشي لكن عندي سؤال في جناين مهما يسووووون دايما يطلعون بشينه او يتعاملون بسلبية مقابل تصرفاتهم الزينة والسنعه ؟؟؟ هل السبب انه بعض الناس مزاجيييين او شسالفه؟؟؟

لانه وايد اصادف بنات زينين حمولتهم لا والعكس صحيح

انا منهم :eh_s(2):
مهما سويت حق خالتي ما يبين فيها :eh_s(16):

مع اني يوميا ابوس راسها واعاملها بكل ادب واحتراام , حتى لو قطت علي حجي ما الاسنها ولا اقل ادبي اسكت عنها واطوف :eh_s(1): ,, الله الشاهد اني حاسبتها حسبة امي ... وقول ميخالف مره تعبانه ومريضه وعيالها ماذينها ..
بس للاسف انا ما اعجبها دايما تعيب علي وتقط حجي ,, ووصلت انه بناتها يقلون ادبهم علي جدامها وتسكت عادي عندها ..
وقامت تشيش ريلي علي والمشكله ريلي حتى لو يشوف الشي بعينه ويشوف الغلط يووقف مع خالتي .. انا مابيه يوقف ضدها ابد بس انا ابيه يكون حقاني امه على عيني وراسي بس الحق حق ..

الله يهديها ان شاءالله ويعيني :eh_s(17):

 

[BubbLe87]

المعاملة الطيبة
النية الصافية
تطنيش الكلام الي ما يعجبني و تلمس الاعذار
اعاملهم مثل اخواني و خواتي و اهم بالمثل تبارك الرحمن
حبهم لبنتي
حبهم لريلي فمعزتي من معزته
انا نوعي عشرية اسولف و ضحك و اجامل يعني من ول ما دخلت عليهم خذت عليهم ما حسسوني اني غريبة و انا اندمجت معاهم على طول
الله يخليهم لي يا رب و يبعد عنا الحساد قوو لو امين

 

[عروس فبراير]

اميين

 

[استبـــرق**]

بصراحه ليش حبوني حمولتي
اولا ما اتدخل في شوونهم
ما اجيب واودي سوالف
ودايما الهديا شغاله

 

[ورود متناثره]

عن نفسي مثل بنتهم ياربي لك الحمد يمكن لاني من الاساس بنت عمهم وككمان طرحت الميانه بيننا عااادي

 

[Zaina-al-zaina]

السلام عليكم

ماتلاحظين ( فوفو ) ان اللي ماتحب ريلها ، مايهمها اهله ؟؟؟
والعكس صحيح ؟؟؟

 

[Zaina-al-zaina]

يعني من الاسرار اهيا حب الزوج ، فكل ماتعلقت فيه شالت اهله فوق راسها
واذا مااحبته طنشتهم او مالقت لهم بال !!!