عطيني سر من اسرار تعلق محبة حمولتج لج

[كويتيه بنت قناص]

الرسميه الرسميه الرسميه

الميانه تجيب المشاكل حتي لوكانوا زينيين ولاتخلونهم شغلكم الشاغل

شلون اكسبهم وشلون ارضيهم اهم شي ان الوحده ماتغلط وتوجبهم

انا عن نفسي ساكنه مع حمولتي بس مو يوميا انزل ساعات يمر اسبوع ما

انزل وحمولتي تري زينين حيل ويقربونلي بس خصله وحده اكرهها فيهم دفاشتهم

مع ان قلوبهم نظيفه ان شالله بس انا استفدت من تجربة خالتي والله ثم والله ثم والله

ان عمري وحياتي ماشفت جنه مثل خالتي طيبه حيييل معاهم خدامتها 24 ساعه عندهم

وهي عيالها واحد ورا الثاني شقتها دار نوم ودار صغيره تضحك وهي عيالها وقتها سته

لاصار عشا او مناسبه هي من بد جناينهم تطلع تغسل معاهم الحوش وهذيلاك يصبغون اظافرهم

ويتلمعون تصير عندنا عشيات فبيت خوالي نطلع البر هي ماتجي ليش والله ديوانيتهم عندهم عشا

ذبيحه هي اللي تطبخها لاطاحوا حمواتها مرضي تكمدهم وكله عن طيب خاطر اخر شي شنو صار

انبذوا عيالها فجاه ويسمعونها كلام متي تطلعون من البيت والحين السنعات بنظرهم هذيلاك اللي كانوا مطنشاتهم

انا لايمكن اعطيهم اكبر من حجمهم علشان لا احتر علي نفسي بعدين اصلا لو تصير مشكله بينج وبين حماتج تلاقين

خالتج اللي عادتها امج بتوقف مع بنتها

 

[أم ميميتو]

يعطيج العافيه فوفو على الموضوع الحلو انا معاملتي مع اهل زوجي هي سر حبهم لي و الاهم من هذا كله تغير معاملة زوجي مع اهله بعد زواجنا و طبعاً للافضل لدرجة ان اهله دايماً يقولون حق ريلي ياليت زوجناك فلانه من زمان و انا قبل ما اتزوج وعدت نفسي اني احب خالتي و عاملها مثل ما اعامل امي و الي ما ارضاه على امي مارح ارضاه على خالتي و الحمدلله قدرت اكسب محبة اهل زوجي كلهم بدون استثناء

 

[ya al3rosa]

اب



اب

 

[عالمي المجنون]

للأسف ريلي من أسوا اعيالها و معذبها بحياتها الله يسامحه

بس تموت علي و علي ولدي وتموت فينا وحتي حمواتي حبيباتي

لأني طيبة معاهم و كلمة خالتي ع طول أسمعها و احترمها اول ما اييها ابوسها ع راسها

ولازم ايدي فيها شي مستحيل ازورهم و ايدي فاضية حتي لما انعزم معاها وغيره أني دايم

اسولف و اضحك مع انها ع طول حزينة وغير انها تدري ان ماكو احد يستحمل ولدها *

 

[ام عثومي]

السر اني لما اجيهم ايدي موخاليه لازم حلوووو وفطاير ومرات اسوي عشا عندهم خالتي تشقق من الوناسه صج من قال اطعم الفم تستحي العين

 

[تبيني آرضى عليك]

ااااااااااااااااب

 

[* بنت المطر *]

اتوقع يافوفو حبيبتي من الولد اللي اهو الزوج اذا يحبونه بيحبون زوجته واذا ماضيه اسود مع اهله ومايحبونه ماراح يحبون

زوجته لو مهما سووت !!

 

[سوزي الشرقية]

عن نفسي اني ماتدخل في الأمور الي ماتخصني واذا كان في ناس موجودين في المكان اذا جوسلموا علي ارد عليهم السلام بمثل ماسلمو علي واح ح سنــ..حركات ربشة بزيادة قدامهم ماحب ضحك بصوت عالي بشكل جنوني ماحب
احب اكون مبتسمه بشكل هادئ واجلس هادية جدا
ما اقول اليهم تعالوا ابدو رايكم في اغراضي غصب عنكم ........
حبو يجو عندي في شقة حياهم الله العين اوسع لهم من الأرض ماحبو هم هم حرين في انفسهم اذا احدمنهم ردمن السفر اوعندهم عزيمة اني ساعات اقول حق زوجي قوم نروح حق اختك مع_____ اني سافرت مرتين ولاحدفيهم كلف روحه وجا ليـــ................................
بالأختصار وفي الأخير مع الحمولة كل شيء يكون له حدود ..

 

[بـ بذاليه ـويه]

متااااااااااااااااااااااابــــــــــــــــــــــــــــعه

 

[نجمة فجر]

استغرب البنات اللي يقولون انا غريبه عنهم

قبل لاتتزوجين ولدهم كنتي غريبة الحين انتي منهم

اذا عديتيهم اهلج بتغفرين لهم زلتهم

الام تقسى على ولدها فمابالج باللي تقولين عنهم غرب

اهل ريلي اهلي وماشفت منهم الا الخير لان ماشافو مني الا الخير الله ايخليهم لي

 

[Miss.sho sho]

برآيي . . آلاحترآم . . والكلمه الطيبه
والهدآيآ < طبعآ لآم الزوج بس مو بخبآل يعني بس بالمنآسبآت وتعآملينهآ مثل ماتعآملين آمك
وبعض آلطلعآت للبر آو آلبحر اتصل فيهم واعزمهم يعني مآيصير كل طلعه ونآسه تطنشينهم
لهم حق ووآجب
وبعد فيه شغله تخلي حمولتي تحترمني وتحبني ( عدم التدخل في شؤؤنهم آلخاااااااااصه آبد )
وآبعد عن آلقيل والقآل لا جيب طآري فلانه وعلآنه ولو صآر وجت سيره آحد اتبع آلصمت ولا آعلق آبد
وهالشي مبعدني عن آلمشآكل وآي شي يصير مآيعجبني آعطي خآلتي خبر فيه من دون مآأسوي شي
آدخل فرفوشه آضحك وآسولف ( صآر شي مآعجبني شلت نفسي ورحت آكمل ونآستي ببيتي ) وبس . . !

 

[مشتاقة الى الله]

بيني وبينج

كنت متعبة روحي اول الايام عشان خاطرهم واسوي المستحيل للاجل عيونهم

بس اكتشفت إنهم مزاجيين ومتقلبين مرة زينين ومرة نخليها على الله

بس بعد ما درستهم وحفظتهم قررت أن

ما اتدخل في امورهم الا اذا إسالوني

اسرار بيتهم اخليها وراي بعد ما اطلع من البيت ولا كانه صار شيء

الي بيني وبين زوجي ما اذكره لهم خير شر

اعاملهم احسن المعاملة واحترمهم واحطهم فوق الراس

وان هم عاملوني بعكس الي انا اسويه والله اتغاضى عن حركاتهم ولا كانه صارلي شيء

 

[قمرية الفيس]

انا من تزوجت معودتهم اني مالي شغل باحد وعلي قولة خالتي ياحليلها كافيه خيرها شرها لا اسال ولا اتدخل ولا اسمح لاحد يتدخل فيني ولاقول شعندي ماعندي انزل فترة وجيزة واصعد وان كان لهم مناسبة وجبتهم وبالي اقدر عليه

 

[ميما الاموره]

دائما حسن النيه لجميع الناس مو بس لاهل زوجك
الكلمه الحلوه طالعه والشينه طالعه لأ بطلع الكلمه الحلوه وبكسب فيها اهل زوجي
والابتسامه هي سر حب الناس الك
​

 

[أحبك أمي]

والله بالنسبه لي اول ماتزوجة ماكان لي محبه زي الان
الحمدلله بحسن التعامل واكرمهم والهدايا اللي تكون موتباهي
طبعا تكون لها مناسبه والاحترم واكيد الاهتمام بولدهم ههههه
حلوه هذي المهم يارب ترزقنا على قد نيتنا
اشكرك فوفو على هيك موضوع

 

[اهذريبك~]

خوش نصايح والمحترم يجبر اللي جدامه يحترمه غصب عنه

 

[تحبني ولا ...]

على قولة الشاعر


والله لو تعطيهم من الطيب اطنان
تبقى النفوس الرديه رديه



انا كل شي سويت وحطيت ووجبت والكل يمموت فيني واعطيهم من قلبي وبكل شي اذكرهم حتى لما اروح السوق

بس حسبي الله على حماتي الكبيره شوهت صورتي عند اهلها من غيرتها مني


حسبي الله عليها الله يوريني فيها عجايب قدرته يارب

 

[كندوره]

انا بصراحة احب مرت اخوي واعتبرها اختي اللي ما يابتها امي ..
لان ما شفنا منها الا الخير
صج ساعات تتصرف تصرفات تضايقنا بس ما نحب نتكلم فيها
لان ندري بالنهايه اهي بشششر وتغلط
وحسناتها تشفع لها

واهم شي انها ما تشيش اخوي علينا او تفر راسه نفس ما نسمع من قصص الحريم اللي ما يخافون ربهم لا حول ولا قوة الا بالله
بالعكس لي كان اخوي متضايق منا اهي تهدّيه
وهالشي حيل نحبه فيها انها ما تشيش
والحمدلله انها مو مشكلجيه ولا عندها لسان
هادية ومرات حتى لو امي قالت كلمه بدون لا تقصد
اهيه تطوف

ولمن بنروح نوجب احد من اهلنا لازم اهي تيي معانا

فـ الحمدلله مرتاحين معاها
ايي وعيالها دايما تنزلهم مع الخدامة مكشختهم ومنظفتهم الحمدلله

مو نفس بعض الحريم ما يحبون عيالهم يروحون ويقعدون عند حمولتهم

 

[أم غيثة]

الموضوع حلو و عجبني وايد و اسمحولي اقول رايي :
في حالتين اذا الحموله طيبين و زينين وياي اعاملهم مثل هلي بالضضضضضضضضضضبط يعني افتح قلبي لهم و اعامل خالتي نفس امي و عمي نفس ابوي و الباجي نفس خواتي
أما اذا حسيت انهم حاسبيني غريبه و مو متقبليني بالعيله اتعامل وياهم باحترام و اجاملهم بالمناسبات و الافراح و الاحزان أسأل عنهم و اتصل فيهم بشكل دوري يعني ممكن تقولو علاقه رسمية و دبلوماسيه جدا و ما اجيب طاريهم جدام زوجي لا بزين و لا بعاطل
و بسسسسسسسسسسسسس
تقبلو مروري

 

[english muffin]

يسعدني اني اكون اول وحدهع ارد على موضوع الاكثر من رائع

والله يا فوفو انا عندي اكثر من سر بس عشان خاطر عيونج وعيون العضواااااااات راح اقولهم

1- الابتسامه اللي ما تفارق ويهي يعني على طول مبتسمه وهالشي يخلي اللي يطالعي يرتاح حتى لو فيني هموم الدنيا ليه رحت عندهم

ما يشوفون على ويهي غير الضحك وسوالف الوناسه بعيد عن القال والقيل

2- اوجبهم من نفسي ما انطر ريلي يقولي ويعلمني الواجب وساعات انا اللي انبه حق اشياء معينه يكون اهو غافل عنهاااااا

3- الاحترااااااااااااام لازم تفرضين احترامج عشان اهم يحترمونج

4- صريحه جدامهم واذا احد ضايقني اقولها بالويه ما اخش شي بقلبي وهالشي مريحهم

5- دايما اسأل عنهم وعن احوالهم

6- عمري ما تدخلت بأي مشكله بينهم وبين ولدهم لا من قريب ولا من بعيد

بالضببببط نفسي