عطوني شي يوخر حليب الكاكاو من الموكيت (الزوليه)

[دنيا من الوله]

السلام

كويتيات مالي غيركم

ولدي كت حليب كاكاو على الموكيت وفركته بصابون

وملح بس مارح ظل له اثر

وواضح شكلها يفشل وحرام الزوليه يديده


بليز قولولي شلون اوخره اللي عندها خبره تفيدني

 

[نوووور الشمس]

رد : عطوني شي يوخر حليب الكاكاو من الموكيت (الزوليه)

الله يعينج
شوفي مركز سلطان اتوقع تحصلين فيه سئليهم

 

[big heart]

رد : عطوني شي يوخر حليب الكاكاو من الموكيت (الزوليه)

حطي فانيش مال الملابس ترى سحر

وفي دوا يبيعونه بيوريكا بخاخ واااااايد زين ما يخلي شي

 

[الافنيوز]

حليب الكاكاو والفيمتو والشاى والسوائل اللى فيها اصباغ
لازم تنظفينها اول باول والا مايروح مع الاسف ....
انا سامعه السفن اب يشيل البقع جربى يمكن يفيد والا مالج الا شركه تنظفها

 

[ليل]

مالج إلا فااااااااااااااااااااااانيش مال الموكيت والسجاد ..تلاقينه بالجمعيات ,, وادعيلي

 

[دنيا من الوله]

والله ياليل دعيتلج من كل قلبي من قبل لا اجربه بعد <:

 

[دنيا من الوله]

ومشكورين كللللل اللي ردو الله لا يخلينا منكم

 

[اوراق التوت]

رد : عطوني شي يوخر حليب الكاكاو من الموكيت (الزوليه)

معاي حل سحري لك
وهذي نصيحة سمعتها من واحدة وهي صابون الجسم اي بقعة تبعدها على طول والطريقة باللي المكان اللي توسخ بشوية ماي ودعكيه بصابون الجيم وشوفي النتيجة انا صرت اطبقها على اي شي

 

[فتافيت الكويت]

اى شئ ينكت على الموكيت لا يحوشه ماى نهائى
اخذيها قاعده انت وغيرج اذا انكت شاى فمتو اى شئ جيبى فوطه ناشفه ونشفى الموكيت عدل من السائل وبعدين جيبى رشاش لونه بنفسجى مكتوب عليه للسجاد شريته من الجمعيه عند رف المنظفات رشيت على البقعه وبس خليتها 10 دقايق وفركتها بماى ونشفتها واختفت البقعه طبعا ما استغنى عنه مو جود عندى دائما كل ما خلص شريت غيره من الجهال الله يخليهم

 

[دنيا من الوله]

واااي فديتكم صج صج مشكورين

ما نستغني عن خبراتكم