عطوني حل يابنات ؟؟؟

[latkt7as]

توو اقرا ردددج الاخيير

بععض الرياجيل يخاف يطلق
والسبب الي راح يصير فيه بعد الطلاق
من نفقه وغيييره

 

[خابت هقواتي]

انا عطيته فرص ياكثر يعني كل يوم انا رايحه اهلي عشان مايوفي بشروطه

يوعد بشي وليمن ياخذني يقول ماعندي شي لج

انا منصدددددمه

افكاره غريبه جنه ريال ثاني !

يقول طلعه ماتطلعين الحرمه لازم ماتطلع برا بيتها

ولا يبين منها شششي !

احنا مو اجانب نطلع وحريمنا معانا


تبين شي انا اييبه لج غيره لا ماتطلعين معاي !!

امبيه لا مو جذي خواته يروحون ويردون وامه ماتحب البيت كلش اربعه وعشرين ساعه برا البيت

وانا لا ماتطلعين عيب الحرمه تطلع ،

انا امي وايد معانده تقول اهم خلوا بالشروط كل ماياخذج يقول راح اسوي وجذب

ع الحاله ٣ سنين

افكاره صارت غريبه والله مو قصة اني زعلانه او ماخذه بخاطري بس افكاره وايد صايره غريبه

يعني صار اسوأ !!!!

 

[اقماري]

مراحب اختي والله ماحب احرض ع الطلاق لكن هذا مريض بتتعبين وياه ،،

دام السالفه واصله يبي فلانه وفلانه كل شيء يتصلح الا الثقه اذا انعدمت ،،

تميها وتطلقي خليه يموت بحسرته وبنتج عندج واتشوف ابوها وخذي واحد احسن منه واستخيري قبل الطلاق وقبل اي قرار تتخذينه وربج كريم،،.

 

[خابت هقواتي]

حبايبي مشكورين ماقصرتوا

صراحه انا استخررررت

مادي احس اني مرتاحه اكثر اني ما ارد ! ما ادري ليش

مع اني اول ماصليت حسيت اني ملهوفه عليه وودي ارجع له

بس بعدين ارتحت شوي اني ما ارجع

والله مادري


بس يعني حجي امي صح تقول لو اهو تعبان صج ويحاتيكم ليش معاند ؟ ليش مايعطيج حقج

لو تعبان جان حاول يكلم اهله ويسوي شي عشانج

مو ساكت ويقول تعبان ومريض من فراقكم !

هو ولهان على بنته وايد بس مو قاعد يسعى مو قاعد يسوي لي شي

يعني حماي خاطب بنت عمته ..

انا لي ثلاث سنين ومرت الجبير وهذي صغيره عني يمكن بال٢١ سنه وريلها ٢٢

وحاطين لها شقه مثلي يعني غرفتين لها وهي ماعندها شي

بس لانهم حطو لي غرفتين عشان بنتي واني حامل حطو لها وهي حتى اليما الحين مايت

وانا من يبت بنتي كنت اقول ابي غرفه زياده غرفتي ضيجه

وبالغصب عطوني غرفه ليمن عرفو اني حامل

وهذي شقتها وايد جبيره وبصراحه مسكره باب بقفل

انا شقتي صايره جدام صالة حمولتي ويفتحون الباب ويحاجون ريلي اذا يبونه

هي لا غير شقتها مفتاح الصاله لها .. محد يدش !

شدعوه هذا كله لها وانا الي اولى بالشي هذا

مناشبيني بالقفل والتسكيره ، وابوه كل شي يعترض عليه

ببعد باب غرفتي عن باب الصاله قال لابوه قال ابوه لا ماتهدمون ولا تسون شي بالبيت

ولبنت اخته بكيفها وهي للحين مايت شلون لا يت ؟!!!!!

 

[eli87]

صراحه الله يعينج وايد مهم خصوصيه في حياة الزوجيه حتى لو رحتو شقه قعدتو بروحكم اعتقد نفس السى الاهل يتدخلون بكل اموركم عشان اساسا زوجج يعطيهم مجال اهو الوحيد الي يقدر يحط حدود حق هذا الوضع وانتي بهدوء كلميه كل مره لما يصير شى عشان يحس فيج وضحي له وقولي انا بستانس معاك مو كل طلعاتنا لازم مع اهلك مو مع عصبيه تقولين له خليج عياره واختاري وقت مناسب لما تبين تقولين له شى عشان تقدرين تاثرين عليه ويتغير مع مرور الوقت انشالله الله يوفقج

 

[خابت هقواتي]

والله حاولت ..

يعني لدرجه ابوي قال انا ادفع الشقه على حسابي بس بنتي ترتاح مانبي منكم شي

واهم رافضيين

قال خلاص عطوها شقتها الي بالبيت عندكم دامكم ماتبون ولدكم يطلع

هم بعد رافضيين

والمشكله اهو مقتنع انه اهله صح !

انزين بالله شلون جذي ريال اخوه شكبره اخر سنه بالثانويه القاه بصالتي احيانا يحوسسس

جنها وكاله من غير بواب ،،

واهو راضي قلت له يعني اروح اخذ شور اخوك جدامي شسالفه !

يقول اخذي شور بالوقت المناسب هههههههه

المشكله والله راسي حيل ذابحني صداااااع بموت منه وانا حامل نهاية الشهر الثاني


يعني الم مو طبيعي

ابوي رافض ارد يقول مانين عليج بجم طابوقه !

ماتردين الا وانتي معززه مكرمه .. مايبون كيفهم مو من زينهم

شنوووو اسوي ريلي معاند واهلي معانديين

 

[خابت هقواتي]

علما بان ريلي معاشه ٦٧٠ دينار وابوه عنده خير ماشاء الله


وامه لي الحين فتره عند اهلي لا دقت ولا سالت لا عني ولا عن حفيدتها


ولا حتى خواته كلموني وحاولوا يصلحون

امي متضايقه لان مهما يكن المفروض يدقون ويسالون ..

 

[-فلانة-]

ذكرتيني في بداية زواجي و شلون كانت أخت زوجي تتدخل بأدق خصوصياتي..وهو الله خير ما يقدر يتكلم لأنها أخته العودة ومايبي يزعلها..ما ارتحت إلا لما طلعت بروحي.

 

[Combat]

اتوقع اخو ريلج لما سواله شقة بروح لانه شاف اخوه تبهذل فقال اشتري راحتي
بس انا اشوف الامور مشدودة وايد بينكم شدعوة
انزين ماكو حد يمون عليهم عمه جده تكلمونه يكون رايه مسموع يحاول يقرب وجهات النظر
ليش العناد والله الدنياتافهه ماتسوى كل هذا شفيه اهو شنو مشكلته ليش معاند شحقة مكبر راسة
انا والله ماودي انج تتخذين خطوة الطلاق
لانه يحبج وانتي تبينه حسااافه والله
لازم ترخين شوية اختي ولمن ترخي اتوقع بيلين راسة يعني بينكم بيبي والثاني بالسكة
صدقيني البعد يقسي القلب من جذي انتي لمن ابعدتي عنه حسيت انج ماتبين تردين
انا رايي اذا تحبينه لا تفرطين فيه والله يملكج قلبه ويرده غصبن عنه ويحطج بالمكان الي تبينه ويحنن قلبه عليج