عطوني حل يابنات ؟؟؟

[خابت هقواتي]

السسلام عليكم ورحمة الله وبركاته ,,

بنات انا عندي مشكله وابي تساعدوني في حلها ..

انا زوجي ماعندي معاه اي خصوصيه ابداً

يعني باختصار كل شي انا اطلبه او ابيه لااااازم يشارك معاي اهله

يعني اقل شي ما يطلعني ابد بروحي

اذا بطلع حتى لو يبي يوديني لاهلي ..

لازم معاي وحده من اهله او امه !

يقول تبين جذي تبين .. غير جذي ماعندي

طلعه من غير اهلي ما اطلعج ..

وغير انه مايصرف علي او على بنته

اذا صار عنده جم فلس عطا خواته مصرف واشترا لخواته موبايلات يديده

وانا والله حتى فوني امي يابته لي هديه !

مستحيل يوم اهداني شي بالغلط ..

كل شي لاهله

وغير اذا قالو له كلمه عني .. تغير 180 درجه علي

حتى لو اني ما ضريته بشي او سويت له

بس كلمه وحده من امه او خواته تغيره علي

انا بيت اهلي صارلي شهر

اول المشكله تدخل اهله بحياتي وكل شي ياخذ راي اهله فيه

يعني ماكو خصوصيه بحياتي حتى شقتي ماتتسكر ولا تتقفل ابد

عشان اهله يمكن يبون شي ..فيخليها مبطله !

والله كل شي مسويته له مو مقصره وانا صريحه انا من البدايه امي اتفقت معاها

اني ما اخدم الا ريلي وعلي بريلي .. غيره مالها شغل لان بالدين هي عليها بخدمة ريلها بس

لان ماشاء الله هم عايله جبيره وايد وخواته وايد ونظامهم مايحبون احد يدش مطبخهم

فـ أمي .. شرطت ان بنتي لها شقه كامله بروحها

ووافقت امه بالشرط هذا وقالت اي هذا عين العقل .. هي عليها بريلها ,

بعد الزواج تغير هالحجي ..

وصار كل الي اسويه له مايعجبه لاني ما اختلط مع خواته وامه

والله يابنات ماعندي اي مشكله بس اهله نظامهم راعين سوالف وفلانه قالت وفلانه قالت

ودايم مشاكل مع مرت ابوهم !

وانا مبتعده عن المشاكل مابي ادش بهالسوالف عشان جذي عازله روحي

يعني ريلي شنو اقولكم !؟ .. والله مو مقصره بخدمته

بس هو يبي اخدم اهله يعني الاكل الي اسويه .. يقول حطيه عند اهلي وخليهم يشاركونا

اقوله انا استحي وما اعرف اكل جدامهم وهم ماشاء الله وااااايد ..!!!!

اخر شي قلت له انا طلعه بروحي ما اطلع خصوصيه ماكو ..

ومو مقصره معاك .. والي اوله شرط اخره نور ..

انا شرطي كان اني حياتي بروحي وان لي خصوصيه وما اخدم غير ريلي ... ووافقتوا !

وشقتي اقل الامور ما تخليني اقفلها وغير ان خدم امك ما يشتغلون لي ولا راضيه احط خدامه

جمعيه او مستشفى او اي شي ... لازم امك وخواتك معاي !

قامت امه وخواته يمدحون بنات جماعته ...

قام اذا شفته قال راح اتزوج ترا .. وياليتج مثل فلانه بنت فلان ..

او ويني عن فلانه وعن فلانه ..

ومن الحين اقولج راح اروح اجر شقه عشان حق مرتي اليديده

ويقولها بالاسم " فلانه " !

انا قلت له اوك ..

رحت لبيت اهلي وماقلت له اني زعلانه بس يوم وصلت كلمت امي وابوي واهلي ..

وقلت رده ماراح ارد ..

وقلت لهم كل شي ...

دق علي يسال عن بنته .. ويقول ترا انتي ماهميتني بس ابي اشوف بنتي شلونها ...

وبعدين يدق يقول يلا عشان امرج .. قلت مابي ارد والي بيني وبينك انتهى

خلاص دامك تبي فلانه وفلانه ..

روح لهم !

لي 3 سنين معاه على هالحاله ومتحمله وساكته

واكثر من جذي ووالله مابي اقول اكثر من جذي عنه وعن اهله ّ!

طلبت الطلاق لان الوحده عندها كرامه ..

وهذا صج اهان كرامتي يعني كافي انه مايبيني .. يبي غيري !

ويقول انه ندمان ويحس بندم من يوم خذاني !

وهو رافض الطلاق مايبي يطلق ..

طبعا اخر مكالمه بيني وبينه كانت من بعد طلبي لطلاق من زمان من قبل شهر

وفوني مغلق ولا ادري عنه ؟؟

يدقون حريم على امي يعني واسطه اني ارجع ..

وانه يبي يرجعني ومايبي يطلق .. وانا صج رافضه

خلاصصصصص .. والله مليت كلامه تجريح يمدح في بنات جماعته بجمالهم بكل شششششششي

تتوقعونه ويذم فيني .. وجنه مان علي وعلى اهلي انه ماخذني !

غير ان هالحجي مع اهله ومع ابوه ومالي كرامه اني قاعده معاهم واسمع !

هو رافض الطلاق ..

وكل يوم تدق علينا وحده من خالاته أو عماته ويتوسطون انه مايبي يطلق ...

انا كارهته مابيه ..

بنات انتو شرايكم ... ؟​

 

[البارونـه]

الله يعيينج الصراحه
مشكلتج نفس مشكلة وايد بنات فالقسم
هالنوعيه من البشر ماعرف شاقول عنهم
شنو هالظلم والكره الحمدلله والشكر
مو صاحيين والله ، يعني الوحده تبي تتزوج تعيش ببيت وتكون اسره سعيده
واخر شي تنصدم بريال عقليته الحمدلله والشكر واهل بدال مايوقفون ضده ويفتحون عينه عشان يعاملج بما يرضى الله يروحون يسون العكس
بس هذا كله بحسابه
انتي شكلج ماخذه قرار وماودج تردين
انا ماعندي خبره ولا اعرف انصحج بشنو
ان شالله البنات مابيقصرون
بس اسئل الله ان يسعدج ويعينج

 

[fo0fo093]

دايما اهل الزوج يكرهون حرمه الاخ لو شنو تسوي يرضون عنها يوم وايام حاقدين عليها ما يعجبهم شي بالذات اللي ساكنه وياهم في نفس البيت لجذي لازم كل عروس من بدايه تشرط شقه بروحها هم بعد ماراح تسلم من شرهم بيقولون ما تسير وما تجينا وما توجب بس احسن لها تكون بعيده وتسير عليهم بالاسبوع مره جم ساعه وتمشي
صراحه الله يعينج ماعرف شلون انصحج ماعندي خبرة بهالسوالف
الله يسعدج ويكتب لج الخير في كل مكان

 

[koodum5dood]

شوفي بينج و بينه بنت و صغيرة حرام تضيع
و هم حرام انتي توج صغيرة و تضعين عمرج ع واحد ما يقدر
عندج حل قعدي بيت اهلج بعد لين اهوا ييه بنفسه لي البيت و يعتذر منج
و الا سالفه امه او خالته عمته ما تمشي اهوا الغلطان مو اهما
و يدل بيتكم اما غيره ف خلج ع الطلاق احسن لا تعيشين نفسج بهموم
بعض المرات الطلاق رحمه و خيرة
و طبعا استخيري

و لما ييه يعتذر طلبي شقه بروحج حقج و لا ترجعين بيتهم​

 

[^لغموضي معاني^]

الله يعيينج يارب ويفرج همج


وبسالفه الخصوصيه حاولي تفهمينه

والله نصيحتي لج اقعدي وياه وتفاهموو وابعدي عن فكره الطلاق


دام ان عيبه بس باهله يتدخلوون فيكم

اطلعي انتي وياه بمكان هادي وتفاهمي وياه قولي انا ابي اعيش حياه حلوه وماامنع اهلك يتدخلون بس في لنا خصوصيه وشنو اللي مقصره وياك تفاهموو واذا شفتي مافي اي حل قولي احتاج وقت او بعطيك فرصه ترى الموضوع والله شوي صعب بس شوفي الاكثر الايجابيه فيه ولاتنسين ان عندج بنت بعد

 

[Royof]

والله يا اختي

هالمشاكل صارت معاي ومع بنات واجد الحل مو الطلاق دام معاج بنت .. اتوقع الحل ترجعين له وشرطج بيت بروحج ما ترجعين بيت الحموله ساعتها زوجج بيحبج وماراح يسمع كلام اهله

ورددي دايم حسبي الله ونعم الوكيل على من ظلمني من شياطين الانس والجن

 

[كنوشة 2009]

انا راي انج تقعدين معاه وتحطين شروطج وتعطينه فرصة اخيرة
علشان بنتج وعلشان ما تندمين بعدين
واذا تغير الحمدالله واذا ما تغير
رب العالمين حلل الطلاق
وعليج بالاستخارة
والله يسهل ان شاء الله

 

[البابانه توته]

حبيبتي حلج وااضح

قوولي يا شقه ابروحي يااا كل واحد بطريج

لانه كل المشاكل الي بينكم بسبب قعدتج مع اهله

 

[دانة_ دبي]

انا بقولج

قولي ابغي شقة بروحي وانا اختار المكان

اختاري مكان بعيد عنهم


غير جذي لا ترضين تسكنين مع اهله

 

[مذهلة2013]

ياترديله وتفرضين عليه شروطج وغصبن عليه يسووي كل شروطج
او نفذي الي تبينه

 

[هدوووشه]

صدق مايستحون بدال لا يكفونك شرهم يفتحون عين زوجك على بنات خلق الله والله عيييب وين عايشين

الحل نفس كلام مذهله لا تردين الابشروطك

 

[violet*q8]

نصيحتي لج
انج تشترطين يأخذ لج شقه بروحكم بمنطقه غير منطقه أهل ريلج
اذا رضا رضا
جربي منتي خسرانة شي
وإذا مارضى
معناته بايعج انتي وبنتج
بصراحة من كثر المشاكل الي نشوفها مع أهل الزوج.
الوحدة لازم تشترط شقه بروحها. برا بيت الأهل لان وااااايد غيرج كله مشاكل
مو بس للزوجة
المشاكل تصير هم لخوات الزوج وأمه خصوصا اذا مرته موزينة
الله يوفقج.

 

[غآب نورك ~]

الزواج لازم يكون فيه خصوصيه !!!!!!

اذكررر في بداية زواجي ماكنت استحمل ام ريلي كانت ادش علينا بدون لااا ادق الباب ماكنت اقدر اخذ راحتي حتى فاللبس واذا قفلللته كل شوي ادق ولازم ابطل @@

ودام شرطج من الاساس شقه بروحج وهم اخلو بهالشرط من حقج صرراحه

قوليله انا شرطي كان شقه بروحي وماشفت لا شقه ولا خصوصيه ... ولازم يحترمج شنو يذكر اسامي فلانه بنت فلان جدامج عيل ليش ماخني

لاترجعين الا اذا تاكدتي انه استعدل والشقه جاهزه !

 

[ملح الكون]

تردين بشروط وبيت بروحج وخصوصيه ويتسنع معاج ولا فراقه عيد مادري ليش متحملته !!
الله يكتب لج اللي فيه الخير

 

[نسمات 26]

والله باين عليه بايع ومخلص

لا افتكر فيج صار له شهر ما دق عليج

يعني مااتوقع يبي يتفاهم معاج

واذا الله هداه وقعدتي معاه قولي له شروطج مثل ما قالوا البات

 

[Combat]

والله انا رايي تردين اخزي بليس شطلب هو انج تتشاركين مع اهله ؟
نزلي تشاركي معاهم ترى بس اول الزواج بعدين خلاص كلن يلهى بحياته انتوا توكم عايله صغيرة انتي وهو وبنته ؟
وانتي عندج بنت يعني لو لا سمح الله تطلقتي بنتج بتتبهذل بيناتكم ولو فكرتي تتزوجين الحضانه من حقه !
واذا انتي تحبينه وتبينه واربي امورج
اهو موشين حسب وصفج بس يحب يستفزجبوصف فلانه لما تقعدون مع بعض لازم ابوج يقوله سالفة تهددها وتطري بنت فلان وفلانه هذي ماترضاها على اختك فلا ترددها على راس بنتي لانها ماتتقارن باي وحدة ومن هالكلام

 

[shak!shoka]

شرطي عليه شقه بروحج تخلصج من كل هالهم
وتعيشين معاه يمكن الله يهديه و يفتك من كلام امه و خواته الي مأثر عليكم



ان وافق خير على خير وان رفض استخيري و ربج يحلها


الله يفرج همج

 

[pinky_3soola]

تمسكي بشروووطج و لا تتنازلين عن أي شرط

و أهم شي الشقه تكووون بعيده عن بيت أهله و يفضل أنها تكون يم بيت أهلج

و إذا رفض ما يشووف شرر أنتي مو طايحه بجبد أهلج و لا بجبد نفسج و إذا أن بينكم بنت لا تحاتينها

ربي بنتج فرحيها حبها وعطيها كل الحنان و كل الحب لا تمنعينها من أبوها عشان تشوف الفرق بين أمها (انتي) و بين أبوها اللي مخه مثل مخ اليهال

كبريها و علميها و لا تذمين أبوها أو أنج تذكرين مساوءه دايما جدامها عشان تكسبينها أكثر لصفج ممكن تقوليلها أن ما قدرج أو ما عرف قيمتج بس لا تكرهينها بأبوها أو أهله و صدقيني بنتج راح تحبج أكثر و أكثر

و لو أهو أو أهله يحاولوون أن يغيرونها عليج لا سمح الله مثلا إلا اهي راح تعرف شنو الفرق بينهم و بينج و شنو انتي تفكرين عنهم و شنو أهم يقولون عنج

و أنتي مو أول و لا أخر أخر وحده تنفصل

و أن شالله الله يكتب كل الخير و الخيييره في دربج و مسيرتج

 

[خابت هقواتي]

ساااالفة شششقتي هذي مو راضي

يقول لازم تشاركين اهلي بكل شي

ومعاند لدرجة انه مريض وتعبان من الفراق بس معاند

كل شي لا طلباتي لاااا

يقول ارضي بعيشتي غيره ماعندي

الريال راسه يابسسسس

ابددددد

 

[latkt7as]

رايي يمكن مايعجبج

بنتج اتوقع تستاهل انج تعطينه فرصه وحده اخيييييره

بشروط حاسمه مافيها نقاش
واي خلل بيوم من الايام بشروطج شيلي قشششج

وررردي اهلج
سكن خااص فيييج بعيد عن اهله

مشاويرج الخاصه تكونين بروووحج وياه

الششقه محد يدشها من اهله من وراه

غرفه نومج مفتاحها بس وياج اذا بتطلعين مكان

اهله تزورينهم مررره بالشهر للواجب

وهم عششان بنتج تزورهم

قولي له لك اسبوع تفككككر عدل مدل بطلباتي وشرروطي

وماعندي غير هالكلام عاجبك نكمل مو عاجبك كل واحد يشوف نصيبه